ଭଲପାଇବାର ନିଆରା ନିଶା ! ଜଣେ ରାଜନେତା ଓ ଆଇଏସଙ୍କ ସଫଳ ପ୍ରେମ କାହାଣୀ
ଜଣେ ରାଜନେତା ଓ ଜଣେ ଆଇଏଏସଙ୍କର ଏକ ଭିନ୍ନ ତଥା ନିଆରା ପ୍ରେମକାହାଣୀ । ଏହି ପ୍ରେମ କାହାଣୀ ଗଢି ଉଠିଛି କଂଗ୍ରେସ ବିଧାୟକ କେ ଏସ ସବରୀନାଧନ ଓ ଥିରୁବନ୍ତପୁରମର ଉପ ଜିଲ୍ଲାପାଳ ଦିବ୍ୟା ଏସ ଆୟରଙ୍କ ମଧ୍ୟରେ । ଜଣେ ପ୍ରଶାସନିକ ଅଧିକାରୀ ଓ ଜଣେ ରାଜନତା ମଧ୍ୟରେ ପ୍ରେମ ସମ୍ପର୍କ ନିହାତି ଏକ ଚର୍ଚ୍ଚାର ବିଷୟ । ପରିଶେଷରେ ଉଭୟଙ୍କ ଭଲ ପାଇବାର ଚର୍ଚ୍ଚା ମଙ୍ଗଳବାର ଦିନ ଥମି ଯାଇଛି । ଯେବେ ସବରୀନାଧନ ଫେସବୁକରେ ନିଜର ରିଲେସନସିପ ଷ୍ଟାଟସ ଅପଡେଟ କରି ଲେଖିଲେ ‘କମିଟେଡ’ । ଉଭୟଙ୍କ ଏକ ଫଟୋ ସହ ସବରୀନାଧନ ଲେଥିଛନ୍ତି କଛି ସମୟ ପୂର୍ବରୁ ମୋ ପରିବାର ଲୋକେ ମୋ ବିବାହକୁ ନେଇ ଅନେକ ପ୍ରଶ୍ନ କରୁଥିଲେ । ଏବେ ଏହି ଘୋଷଣାକୁ ନେଇ ମୁଁ ବହୁତ ଖୁସି ।
Kanak News is now on WhatsApp
Join and get latest news updates delivered to you via WhatsApp
ଏହାସହ ସେ ତାଙ୍କ ପ୍ରେକାହାଣୀକୁ ମଧ୍ୟ ବର୍ଣ୍ଣନା କରି କହିଛନ୍ତି ମୁଁ ଉପ ଜିଲ୍ଲାପାଳ ଦିବ୍ୟା ଏସ ନାୟରଙ୍କୁ ଥିରୁବନ୍ତପୁରମରେ ଭେଟିଥିଲି । ପ୍ରଥମ ଦେଖାରେ ହିଁ ଉଭୟେ ଉଭୟଙ୍କୁ ମନେ ମନେ ପସନ୍ଦ କରିନେଇଥିଲୁ । ଧୀରେ ଧୀରେ ଉଭୟୟେ ଉଭୟଙ୍କ ପ୍ରତି ଆକର୍ଷତ ହୋଇଥିଲୁ । ଏହିପରି ଭାବେ ଗଢି ଉଠିଥିଲା ଜଣେ ରାଜନେତା ଓ ଜଣେ ପ୍ରଶାସନିକ ଅଧିକାରୀଙ୍କ ପ୍ରେମ କାହାଣୀ । ଏହାସହ ଉଭୟଙ୍କ ପରିବାରର ସମ୍ମତି କ୍ରମେ ଏବେ ଆମେ ଜୀବନସାଥୀ ହେବାକୁ ଯାଉଛୁ ବୋଲି କହିଛନ୍ତି କେ ଏସ ସବରୀନାଧନ ।
ସବୁଠାରୁ ମଜାଦାର କଥା ହେଲା ୩୩ ବର୍ଷୀୟ ସବରୀ ନାଥନଙ୍କ ବାପାମା’ ମଧ୍ୟ ପ୍ରେମ ବିବାହ କରିଥିିଲେ । ପରିବାର ଲୋକ ରାଜି ନହେବାରୁ ସେମାନେ ଘରୁ ପଳାଇ ବିବାହ ବନ୍ଧନରେ ବାନ୍ଧି ହୋଇଥିଲେ । କିନ୍ତୁ ସବରୀନାଧନ ଓ ଦିବ୍ୟାଙ୍କ ବିବାହକୁ ପୁରା ପରିବାରର ସମର୍ଥନ ରହିଛିି ବୋଲି ସେମାନେ କହିଛନ୍ତି । ଉଭୟଙ୍କ ଘର ଥିରୁବନ୍ତପୁରମରେ । ସବରୀନାଧନ ଜଣେ ଏମବିଏ ଗ୍ରାଜୁଏଟ ଯିଏ ତାଙ୍କ ପିତାଙ୍କ ମୃତ୍ୟୁ ପରେ ୨୦୧୬ରେ ବିଧାନସଭା ନିର୍ବାଚନ ଲଢି ଜିତିିଥିଲେ ।