ଭୁବନେଶ୍ୱର ବ୍ୟୁରୋ, କନକ ନ୍ୟୁଜ୍ : ଦିନ ଦିପହରରେ ରାଜଧାନୀରେ ଲୁଟ୍ । କମିସନରେଟ୍ ପୁଲିସକୁ ଖୋଲା ଚ୍ୟାଲେଂଜ ଦେଇ ଖଣ୍ଡଗିରି ଗଣ୍ଡମୁଣ୍ଡାରେ ଲକ୍ଷାଧିକ ଟଙ୍କା ଲୁଟି ନେଇଛନ୍ତି ଦୁର୍ବୃତ୍ତ । ଘରେ ପଶି ମହିଳାଙ୍କ ମୁହଁରେ ସେଲୋଟେପ ମାରି ଲକ୍ଷାଧିକ ଟଙ୍କା ଓ ସୁନାଗହଣା ଲୁଟି ନେଇଛନ୍ତି ଦୁର୍ବୃତ୍ତ । ଘର ଭଡ ମାଗିବା ନାଁରେ ୪ ଦୁର୍ବୃତ୍ତ ହଠାତ୍ ଘର ଭିତରେ ପଶି ଏହି ଲୁଟ କରିଛନ୍ତି । ଘଟଣାସ୍ଥଳରେ ପୁଲିସ ସ୍ପେଶାଲ ସ୍ୱାର୍ଡ ଛାନଭିନ୍ କରୁଛି ।
Kanak News is now on WhatsApp
Join and get latest news updates delivered to you via WhatsApp
ତେବେ ମିଳିଥିବା ସୂଚନା ଅନୁସାରେ ଗତକାଲି ଦୁର୍ବୃତ୍ତମାନେ ଗଣ୍ଡମୁଣ୍ଡାର ଶ୍ରଦ୍ଧାଂଜଳି ପୃଷ୍ଟିଙ୍କ ଘରକୁ ଆସି ଘର ଭଡା ବାବଦରେ ପଚାରି ବୁଝିଥିଲେ । ଏବଂ ଘରର ଫଟୋ ଉଠାଇ ନେଇଥିଲେ । ପୂର୍ବ କଥାବର୍ତା ମୁତାବକ ଆଜି ଘର ଦେଖିବା ପାଇଁ ଆସି ଏଭଳି କାଣ୍ଡ ଭିଆଇଛନ୍ତି । ପୁରା ଯୋଜନା ମୁତାବକ ୪ ଜଣ ଦୁର୍ବୃତ ଏହି ଲୁଟ କରିଛନ୍ତି । ୨ ଜଣ ଶ୍ରଦ୍ଧାଂଜଳି ଓ ତାଙ୍କ ସ୍ୱାମୀଙ୍କୁ ଆକ୍ରମଣ କରିଥିବା ବେଳେ ଆଉ ୨ ଜଣ ଘରୁ ଟଙ୍କା ଓ ସେମାନଙ୍କ ଠାରୁ ଗହଣା ଛଡେଇ ନେଇଛନ୍ତି।