ଶଙ୍କରାଚାର୍ଯ୍ୟଙ୍କ ସମ୍ପତି ଚୋରି ! ପୁରୀ ଗୋବର୍ଦ୍ଧନ ପୀଠ ବିମଳା ମନ୍ଦିରରୁ ଲକ୍ଷାଧିକ ଟଙ୍କା ଲୁଟ୍, ମନ୍ଦିର ପଛପଟୁ ଭଙ୍ଗା ହୁଣ୍ଡି ଠାବ
କନକ ବ୍ୟୁରୋ : ପୁରୀ ଗୋବର୍ଦ୍ଧନ ପୀଠରେ ଥିବା ବିମଳା ମନ୍ଦିର ହୁଣ୍ଡିକୁ ଲୁଟି ନେଇଛନ୍ତି ଲୁଟେରା । ଶୁକ୍ରବାର ରାତି ଅଧରେ ମନ୍ଦିରର ତାଲା ଭାଙ୍ଗି ହୁଣ୍ଡିକୁ ତାଡି ନେଇଛନ୍ତି । ସକାଳୁ ମନ୍ଦିର ପୂଜକ ଏହା ଦେଖିବା ପରେ ସମୁଦ୍ରକୂଳ ଥାନାରେ ଅଭିଯୋଗ କରାଯାଇଥିଲା । ପୁରୀ ଏସପିଙ୍କ ସମେତ ବହୁ ବରିଷ୍ଠ ଅଧିକାରୀ ଘଟଣାର ତଦନ୍ତ କରିଛନ୍ତି । ଏପରିକି ସିସିଟିଭି ଫୁଟେଜ୍ ମଧ୍ୟ ଯାଞ୍ଚ ହୋଇଛି । ତେବେ ସୁରକ୍ଷା କର୍ମୀ ନିୟୋଜିତ ଥିବା ଗୋବର୍ଦ୍ଧନ ପୀଠରୁ ଲୁଟ୍ ହେବା ସୃଷ୍ଟି କରିଛି ବଡ ପ୍ରଶ୍ନ ।
Kanak News is now on WhatsApp
Join and get latest news updates delivered to you via WhatsApp
ଶୁକ୍ରବାର ରାତିରେ ଦୁର୍ବୃତ ଗୋବର୍ଧନ ପୀଠ ପରିସରରେ ପଶିବା ସହ ବିମଳା ମନ୍ଦିରର ମୁଖ୍ୟ ଦ୍ୱାରର ତାଲା ଭାଙ୍ଗିଦେଇଛନ୍ତି । ଏହା ସହ ଭିତରେ ଥିବା ହୁଣ୍ଡିକୁ ଭାଙ୍ଗି ଲୁଟି ନେଇଛନ୍ତି । ସକାଳୁ ମନ୍ଦିର ପୂଜକ ଦେଖିଲା ପରେ ଲୁଟ୍ ହୋଇଥିବା ଜଣାପଡିଥିଲା । ମନ୍ଦିର ପଛପଟୁ ଭଙ୍ଗା ହୁଣ୍ଡିକୁ ଠାବ କରାଯାଇଥିଲା । ଆସ୍ଥା ଓ ବିଶ୍ୱାସର କେନ୍ଦ୍ର କୁହାଯାଉଥିବା ଶଙ୍କରାଚାର୍ଯ୍ୟଙ୍କ ପୀଠରୁ ଚୋରୀ ହେବା ଘଟଣା ଚିନ୍ତା ବଢାଇ ଦେଇଛି ।
ସମୁଦ୍ରଥାନା ପୋଲିସ ଖବର ପାଇ ଘଟଣା ସ୍ଥଳରେ ପହଂଚି ଅନୁଧ୍ୟାନ କରିଛି । ଅନ୍ୟ ପଟେ ସାଇଂଟିଫିକ୍ ଟିମ୍ ମଧ୍ୟ ଯାଂଚ କରିଛି । ପୋଲିସ ଏହି ଘଟଣାକୁ ଗୁରୁତ୍ୱ ଦେବା ସହ ପୁରୀ ଏସପି ମଧ୍ୟ ଘଟଣାସ୍ଥଳରେ ପହଂଚି ତଦନ୍ତ କରିଛନ୍ତି । ଗୋବର୍ଦ୍ଧନ ପୀଠରେ ଲାଗିଥିବା ସିସିଟିଭିର ଫୁଟେଜକୁ ମଧ୍ୟ ଯାଂଚ କରାଯାଇଛି । ଲୁଟେରା ମାନେ ବାଡ ଡେଇଁ ମନ୍ଦିର ଭିତରେ ପଶିଥିବା ଜଣାପଡିଛି । ଗୋବର୍ଦ୍ଧନ ପୀଠରେ ସୁରକ୍ଷା କର୍ମୀ ନିୟୋଜିତ ଥିବା ବେଳେ କେମିତି ମନ୍ଦିର ପରିସରରୁ ଚୋରି ହେଲା ତାହା ବଡ ପ୍ରଶ୍ନ ସୃଷ୍ଟି କରିଛି ।