କାଳିଆ ହୁଣ୍ଡିରୁ ଦାନ ଅର୍ଥ ଚୋରି ଅଭିଯୋଗ ! ଶ୍ରୀମନ୍ଦିର ନୀତି ପ୍ରଶାସକ କହିଲେ, ଘଟଣାରେ ଯଦି ସତ୍ୟତା ଥାଏ, ନିଆଯିବ ଦୃଢ କାର୍ଯ୍ୟାନୁଷ୍ଠାନ
କନକ ବ୍ୟୁରୋ: ଶ୍ରୀମନ୍ଦିର ହୁଣ୍ଡିରୁ ଦାନ ଅର୍ଥ ଚୋରି । ଦାନ ଅର୍ଥ ଗଣତି ସମୟରେ ଟଙ୍କା ଚୋରି ହୋଇଥିବା ସେବାୟତ ଅଭିଯୋଗ କରିଛନ୍ତି । ଏହାକୁ ନେଇ ସେବାୟତଙ୍କ ମହଲରେ ଅସନ୍ତୋଷ ଦେଖାଦେଇଛି । ସିସଟିଭି ଫୁଟେଜ ଯାଚଂ କରାଯିବା ସହ ଗଣତିରେ ଥିବା ଅଧିକାରୀଙ୍କ ସହ ଆଲୋଚନା କରାଯିବ ବୋଲି ନୀତି ପ୍ରଶାସକ କହିଛନ୍ତି । ଏପରିକି ଯଦି ଘଟଣାର ସତ୍ୟତା ଥାଏ ଦୃଢ କାର୍ଯ୍ୟାନୁଷ୍ଠାନ ନିଆଯିବ ବୋଲି ନୀତି ପ୍ରଶାସକ ପ୍ରଦୀପ ଦାସ କହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଉଲ୍ଲେଖ ଥାଉ କି, ଗତ କାଲି ଶ୍ରୀମନ୍ଦିର ହୁଣ୍ଡିରୁ ଟଙ୍କା ଗଣତି ଚାଲିଥିଲା ସମୟରେ ଜଣେ କର୍ମଚାରୀ ହୁଣ୍ଡିରୁ ଟଙ୍କା ଚୋରି କରି ନେଇଥିବାର ଅଭିଯୋଗ ହୋଇଥିଲା । ଏହି ଅଭିଯୋଗ ପରେ ସେ ଧରିଥିବା ଟଙ୍କାକୁ ପୁଣିଥରେ ହୁଣ୍ଡିରେ ପକାଇ ଦେଇଥିଲେ । ତେବେ ସେ ସମସ୍ତ ଟଙ୍କା ହୁଣ୍ଡିରେ ନପକାଇ ପାଖାପାଖି ୨୨,୦୦୦ଟଙ୍କା ଚୋରି କରି ନେଇଥିବା ଅଭିଯୋଗ ହୋଇଛି ।
ସିସିଟିଭି କ୍ୟାମେରା ଯାଞ୍ଚ କରାଯିବା ସହିତ ଏହି ଚୋରି ଘଟଣାର ତଦନ୍ତ ପାଇଁ ମନ୍ଦିର ଆଇଟି ମୁଖ୍ୟଙ୍କୁ ଶ୍ରୀମନ୍ଦିର ମୁଖ୍ୟ ପ୍ରଶାସକ ନିର୍ଦ୍ଦେଶ ଦେଇଛନ୍ତି। ଅଭିଯୁକ୍ତ ଜଣକ ଚତୁର୍ଥ ଶ୍ରେଣୀ କର୍ମଚାରୀ ବୋଲି ଜଣାପଡ଼ିଛି ।