ପ୍ରିୟଙ୍କା ଗାନ୍ଧି ଭଦ୍ରାଙ୍କ ଆଜି ବୋଟ୍ ଯାତ୍ରାର ଦ୍ୱିତୀୟ ଦିନ ! ଯାତ୍ରା ସମୟରେ ପ୍ରିୟଙ୍କା କହିଲେ, ଠିକ୍ କହିଛନ୍ତି ରାହୁଲ ଗରିବଙ୍କ ନୁହେଁ ଧନୀବ୍ୟକ୍ତିଙ୍କ ପାଖରେ ରହିଥାନ୍ତି ଚୌକିଦାର ।
ମିଶନ୍ ୟୁପିରେ ବାହାରିଥିବା କଂଗ୍ରେସ ମହାସଚିବ ପ୍ରିୟଙ୍କା ଗାନ୍ଧି ଭଦ୍ରାଙ୍କ ଆଜି ବୋଟ୍ ଯାତ୍ରାର ଦ୍ୱିତୀୟ ଦିନ । ଆଜି ପ୍ରିୟଙ୍କା ମୁର୍ଜାପୁରର କାର୍ଯ୍ୟକର୍ତ୍ତାଙ୍କ ସହ କଥାବାର୍ତ୍ତା କରିବେ ଏବଂ ବିନ୍ଧ୍ୟାଞ୍ଚଳ ମନ୍ଦିର ଦର୍ଶନ ପାଇଁ ଯିବେ । ମନ୍ଦିର ପରେ ମୌଲାନା ଚିସ୍ତିଙ୍କ ମଜାରରେ ଚାଦର ଚଙ୍ଘାଇବାକୁ ଯିବେ । ବୋଟ୍ ଯାତ୍ରାରେ ବାହାରିଥିବା ପ୍ରିୟଙ୍କା ଗାନ୍ଧି ଭଦ୍ରା ପ୍ରଧାନମନ୍ତ୍ରୀ ମୋଦିଙ୍କୁ ମଧ୍ୟ ଟାର୍ଗେଟ୍ କରିଛନ୍ତି । ପ୍ରିୟଙ୍କା କହିଥିଲେ ଯେ ରାହୁଲ୍ ଗାନ୍ଧି ଠିକ୍ କହିଛନ୍ତି ଗରିବଙ୍କ ନୁହେଁ ଧନୀବ୍ୟକ୍ତି ରଖିଥାନ୍ତି ଚୌକିଦାର । ଗତକାଲି ପ୍ରୟାଗରାଜରୁ ପ୍ରିୟଙ୍କା ଗାନ୍ଧି ଭଦ୍ରା ବୋଟ୍ ଯାତ୍ରା ଆରମ୍ଭ କରିଥିଲେ । ୫୦ କି.ମି ଯାତ୍ରାରେ ସେ ଲୋକଙ୍କ ଅଭିବାଦନ ସ୍ୱୀକାର କରୁଥିବା ନଜରରେ ଆସିଥିଲେ । ପ୍ରିୟଙ୍କାଙ୍କୁ ଭେଟିବା ପାଇଁ ଅଧିକ ସଂଖ୍ୟକ ଲୋକ ଜମା ହୋଇଥିଲେ ।
Kanak News is now on WhatsApp
Join and get latest news updates delivered to you via WhatsApp
ପ୍ରଚାର ସମୟରେ ଏକ ଛୋଟି ଝିଅ ପ୍ରିୟଙ୍କାଙ୍କୁ ଦେଖା କରିଥିବା ପାଇଁ ଆସିଥିବା ବେଳେ ସେ ଝିଅଟିକୁ ଆଲିଙ୍ଗନ କରିଥିଲେ । ପ୍ରୟାଗରାଜର ବିଖ୍ୟାତ ଲେଟେ ହନୁମାନ ମନ୍ଦିରରେ ପୂଜାର୍ଚ୍ଚନା କରି ସେ ବୋଟ୍ ଯାତ୍ରା ପାଇଁ ବାହାରିଥିଲେ । ତେବେ ୩ ଦିନର ନିର୍ବାଚନୀ ଯାତ୍ରାକୁ ସେ ମୋଦିଙ୍କ ଲୋକସଭା କ୍ଷେତ୍ର ବାରାଣାସୀରୁ ଅନ୍ତ କରିବେ ।