ଅଖିଳେଶ –ମାୟାବତୀଙ୍କ ରାଲିଲେ ପଶିଗଲା ଷଣ୍ଢ ! ଇତସ୍ତତ ହୋଇ ଦୌଡିଲେ ଲୋକ, ଭାଇରାଲ ହେଲା ଭିଡିଓ

ଉତ୍ତରପ୍ରଦେଶରେ ଏକ ନିର୍ବାଚନି ରାଲି ସମୟରେ ଦେଖିବାକୁ ମିଳିଛି ଅଭାବନୀୟ ଚିତ୍ର

299

କନକ ବ୍ୟୁରୋ : ଉତ୍ତରପ୍ରଦେଶରେ ଏକ ନିର୍ବାଚନି ରାଲି ସମୟରେ ଦେଖିବାକୁ ମିଳିଛି ଅଭାବନୀୟ ଚିତ୍ର । ମହାମେଂଟର ନିର୍ବାଚନି ପ୍ରଚାର ପାଇଁ ନେତାମାନେ ବିଭିନ୍ନ ସ୍ଥାନରେ ସଭା କାର୍ଯ୍ୟ ଜାରି ରଖିଛନ୍ତି । ତେଣୁ ନେତାଙ୍କ ପ୍ରଚାର ସମୟରେ ସ୍ଥାନୀୟ ଅଞ୍ଚଳରେ ଅନେକ ଲୋକ ଜମା ମଧ୍ୟ ହୋଇଥିଲେ । ତେବେ ହଠାତ କଡା ସୁରକ୍ଷା ବଳୟ ମଧ୍ୟକୁ ପ୍ରବେଶ କରିଥିଲା ଏକ ଷଣ୍ଢ । ଏହାପରେ ଲୋକମାନେ ଇତସ୍ତତ ଭାବରେ ଦୌଡିବାରେ ଲାଗିଥିଲେ । ଏପରି ପରିସ୍ଥିତିରେ ସେହି ଷଣ୍ଢକୁ ଧରିବାକୁ ଯାଇ ୨ ଯବାନ ଆହତ ହୋଇଥିବା କଥା ୟୁପିର ପୂର୍ବତନ ମୁଖ୍ୟମନ୍ତ୍ରୀ କହିଛନ୍ତି ।

 

ଉତ୍ତରପ୍ରଦେଶରେ ଏକ ନିର୍ବାଚନି ରାଲି ସମୟରେ ଦେଖିବାକୁ ମିଳିଛି ଅଭାବନୀୟ ଚିତ୍ର ଭିଡ ମଧ୍ୟରେ ଷଣ୍ଢ ପଶିଯାଇ କିଛି ସମୟ ପର୍ଯ୍ୟନ୍ତ ଏପରି ଉତ୍ପାତ କରିଥିଲା ଯେ, ଲୋକମାନେ ହଠାତ କଣ କରିବେ ତାହା ଚିନ୍ତା ମଧ୍ୟ କରିପାରିନଥିଲେ । ଏତେ ଭିଡ ମଧ୍ୟରେ ଲୋକ ଦୌଡିବା କାରଣରୁ ଅନେକ ଆହତ ମଧ୍ୟ ହୋଇଥିଲେ । ତେବେ ଏହି ସମୟରେ ମଂଚ ଉପରେ ଅଖିଳେଶ ମଧ୍ୟ ଉପସ୍ଥିତ ଥିଲେ । ଷଣ୍ଢ କାବୁ ହେବା ପରେ ପୁଣି ନିର୍ବାଚନି ସଭା ଆରମ୍ଭ ହୋଇଥିଲା । କିନ୍ତୁ ଏହାପରେ ଏହି ଘଟଣାକୁ ନେଇ ରାଜନୀତି ମଧ୍ୟ କରାଯାଇଛି । ଅଖିଳେଶ କହିଛନ୍ତି ଯେ, ୨୧ ମାସରେ ଆମେ ମାନେ ଏକ୍ସପ୍ରେସ ରାସ୍ତା ନିର୍ମାଣ କରିଥିଲୁ । ହେଲେ କିନ୍ତୁ ଜନତା ଏବେ ୫ କୋଟି ଜୀବଙ୍କ ପାଇଁ ଚିନ୍ତିତ ଅଛନ୍ତି । ଯଦି ସରକାର ନିର୍ବାଚନି କାର୍ଯ୍ୟକ୍ରମରେ ଷେଣ୍ଢର ପ୍ରବେଶ ଉପରେ ଲଗାମ ଲଗାଇପାରୁନାହାନ୍ତି ତେବେ ଗରିବ ଚାଷୀଙ୍କ ଏଥିପାଇଁ କେତେ ହଇରାଣ ହେଉଥିବେ ତାହା ସ୍ପଷ୍ଟ ଅନୁମେୟ ବୋଲି ଅଖିଳେଶ କହିଛନ୍ତି ।

Comments are closed.