ଏ କି ଭକ୍ତି? ମହାପ୍ରଭୁ ଶ୍ରୀ ଗଣେଶଙ୍କୁ ବି ଛାଡିଲେନି ଲୋକେ । ୱିଙ୍ଗ କମାଣ୍ଡର ଅଭିନନ୍ଦନଙ୍କ ରୂପରେ ସଜ୍ଜିତ ହେଲେ ଗଜାନନ
ବଦଳୁଛି ଭକ୍ତିର ଫଣ୍ଡା । ଆରାଧନା ଅପେକ୍ଷା ଡିଜାଇନ୍ ମୂର୍ତ୍ତିକୁ ଅଧିକ ଗୁରୁତ୍ୱ ଦେଉଛନ୍ତି ବିଭିନ୍ନ ପୂଜା କମିଟି । ପ୍ରତିଯୋଗିତା ନିଶାରେ ପ୍ରଭୁ ଗଜାନନଙ୍କ ମୂର୍ତ୍ତିକୁ ଭିନ୍ନ ଋପ ଦେବାକୁ ପଛାଉ ନାହାନ୍ତି କମିଟିର ସଦସ୍ୟ । କିଛି ସେଭଳି ଦୃଶ୍ୟ ଦେଖିବାକୁ ମିଳିଛି ଗୁଜୁରାଟର ଅହମ୍ମଦାବାଦରେ । ଗତ ସେପ୍ଟେମ୍ବର ୨ ତାରିଖରେ ସାରା ଦେଶରେ ଲୋକେ ଗଜାନନଙ୍କୁ ଘରକୁ ଆଣିବା ସହ ତାଙ୍କର ପୂଜା କରିଥିଲେ । ବିଭିନ୍ନ ସାହିବସ୍ତିରେ ପ୍ରଭୁ ଶ୍ରୀ ଗଶେଷଙ୍କ ଭିନ୍ନ ଭିନ୍ନ ପ୍ରକାରର ପ୍ରତିମା ଦେଖିବାକୁ ମିଳିଥିଲା । ତେବେ ଏ ମଧ୍ୟରେ ଗୁଜୁରାଟର ଅହମ୍ମଦାବାଦରେ କରାଯାଇଥିବା ଏକ ଗଣେଶ ପୂଜା ପଣ୍ଡାଲରେ ପ୍ରଭୁଙ୍କର ଏକ ଅଜବ ମୂର୍ତ୍ତି ଦେଖିବାକୁ ମିଳିଥିଲା । ବୀର ପାଇଲଟ୍ ଅଭିନନ୍ଦନଙ୍କ ଭଳି ପ୍ରଭୁ ଶ୍ରୀଗଶେଶଙ୍କ ପ୍ରତିମା ତିଆରି କରାଯାଇଥିଲା । ତେବେ ପୂଜା କମିଟି ପକ୍ଷରୁ ପ୍ରଭୁ ଶ୍ରୀଗଣେଶଙ୍କୁ ପାଇଲଟ୍ ଅଭିନନ୍ଦନଙ୍କ ରୂପ ଦେବା କେତେ ଦୂର ଠିକ୍, ତାହା ଏବେ ଅନେକଙ୍କ ମନରେ ପ୍ରଶ୍ନ ସୃଷ୍ଟି କରିଛି ।
Kanak News is now on WhatsApp
Join and get latest news updates delivered to you via WhatsApp
ଦେଖିବାକୁ ଗଲେ ଏହା ପ୍ରଥମ ନୁହେଁ, ଏହା ପୂର୍ବରୁ ପ୍ରଭୁ ଶ୍ରୀଗଣେଶଙ୍କୁ ଅନେକ ସାଧାରଣ ମଣିଷଙ୍କ ରୂପ ଦିଆଯାଇଛି । ତେବେ ଏଭଳି କିଛି ଦୃଶ୍ୟ ସାମ୍ନାକୁ ଆସିବା ପରେ ଭଗବାନଙ୍କୁ ସାଧାରଣ ମଣିଷଙ୍କ ଭଳି ସଜାଇବା କେତେ ଦୂର ଠିକ୍, ତାହା ଏବେ ବିତର୍କର ବିଷୟ ପାଲଟିଛିି । ବୀର ପାଇଲଟ୍ ଅଭିନନ୍ଦନ ଭାରତ ପାଇଁ ପାକିସ୍ତାନ ବିରୋଧରେ ଯେଉଁ ଲଢ଼େଇ ଲଢ଼ିଥିଲେ, ତାହା ନିଶ୍ଚୟ ପ୍ରଶଂସାଯୋଗ୍ୟ । ଏମିତି କି ସାରା ଦେଶବାସୀଙ୍କ ପାଇଁ ସେ ଏକ ସମୟରେ ହିରୋ ପାଲଟିଥିଲେ ମଧ୍ୟ ତାଙ୍କୁ ଭଗବାନଙ୍କ ସହ ତୁଳନା କରିବା ବା ଭଗବାନ ପ୍ରତିମୂର୍ତ୍ତି ସହ ତାଙ୍କୁ ପ୍ରତିଛବିକୁ ମିଶାଇବା ଆଦୌ ସ୍ପୃହଣୀୟ ନୁହେଁ । କିଛି ଲୋକ ଚର୍ଚ୍ଚାକୁ ଆସିବା ପାଇଁ ଏଭଳି କାମ କରୁଥିବା ବେଳେ ଠାକୁରଙ୍କ ପୂଜାକୁ ସେମାନେ ଦେଖାଣିଆ କରି ସାରିଲେଣି । ନିଜର ଲାଭ ଓ ସହଜରେ ଚର୍ଚ୍ଚିତ ହେବା ପାଇଁ ସେମାନେ ଏଭଳି ଶସ୍ତା ବାଟ ଆପଣାଉଛନ୍ତି । ଏମିତି ଅନେକ ପୂଜା କମିଟି ରହିଛନ୍ତି,
ଯେଉଁମାନେ କୌଣସି ବ୍ୟକ୍ତିବିଶେଷକୁ ସମ୍ମାନ ଦେବାକୁ ଯାଇ ଭଗବାନଙ୍କୁ ଅସମ୍ମାନିତ କରୁଛନ୍ତି । ଏଭଳି କରିବାରେ ସେମାନେ ଟିକେ ବି ସଙ୍କୋଚ ମନେ କରୁ ନାହାନ୍ତି । ପ୍ରତିବର୍ଷ ବିଭିନ୍ନ ପୂଜା ପଣ୍ଡାଲରେ ପ୍ରଭୁ ଶ୍ରୀ ଗଣେଶଙ୍କ ବାସ୍ତବ ମୂର୍ତ୍ତି ପରିବର୍ତ୍ତେ ତାଙ୍କୁ ଭିନ୍ନ ଭିନ୍ନ ବ୍ୟକ୍ତିବିଶେଷଙ୍କ ପରିଚୟ ଦିଆଯାଇଥାଏ । ଜଣଙ୍କୁ ସମ୍ମାନ ଦେବାକୁ ଯାଇ ଏଭଳି କରିବା ନିହାତି ଭାବରେ ଭଗବାନଙ୍କ ପ୍ରତି ଅସମ୍ମାନ କରିବା ଭଳି।