ଆଜି ମଧ୍ୟରାତ୍ରରୁ ଦେଶବ୍ୟାପୀ ୨୧ ଦିନିଆ ତାଲାବନ୍ଦ । ଲକଡାଉନ ସମୟରେ କଣ ରହିବ ଖୋଲା ? କଣ ରହିବ ବନ୍ଦ ? ଗୃହମନ୍ତ୍ରାଳୟ ଜାରି କଲା ଗାଇଡଲାଇନ…
କନକ ବ୍ୟୁରୋ: ଆଜି ରାତି ୧୨ଟାରୁ ସାରା ଦେଶ ଲକ ଡାଉନ । ତମାମ ଦେଶରେ ତାଲାବନ୍ଦ । କରୋନା ମୁକାବିଲା ପାଇଁ ପୂରା ଦେଶରେ ଜାରି ହେବ ଲକଡାଉନ । ଆଜି ଏଭଳି ବଡ ଘୋଷଣା କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ତେବେ ସାମାଜିକ ଦୂରତା ପାଇଁ ଏଭଳି ପଦକ୍ଷେପ ନେଇଛନ୍ତି କେନ୍ଦ୍ର ସରକାର । ଜଣେ ଅନ୍ୟ ଜଣଙ୍କ ଠାରୁ ଦୂରରେ ରହିଲେ ହିଁ କରୋନାର ଚକ୍ର ଭାଙ୍ଗି ହେବ । ତେଣୁ କୋରାନ ମୁକାବିଲା ପାଇଁ କେହି ଘରୁ ବାହାରନ୍ତୁନି ବୋଲି ଅପିଲ କରିଛନ୍ତି ପ୍ରଧାନମନ୍ତ୍ରୀ ।
Kanak News is now on WhatsApp
Join and get latest news updates delivered to you via WhatsApp
ତେବେ ୨୧ ଦିନିଆ ଲକଡାଉନ ବେଳେ କଣ କଣ ଖୋଲା ରହିବ ଆଉ କଣ ବନ୍ଦ ରହିବ ତାହା ଉପରେ ଏକ ଗାଇଡଲାଇନ ଜାରି କରାଯାଇଛି । ଗୃହମନ୍ତ୍ରାଳୟ ପକ୍ଷରୁ ଏକ ଗାଇଡଲାଇନ ଦେଶବାସୀଙ୍କ ଉଦ୍ଦେଶ୍ୟରେ ଜାରି ହୋଇଛି । ଜରୁରୀ ସେବାକୁ ନେଇ ଗାଇଡଲାଇନ ଜାରି ହୋଇଥିବା ବେଳେ ନଜର ପକାନ୍ତୁ କେଉଁ କେଉଁ ସେବା ଲକଡାଉନ ସମୟରେ ଖୋଲା ରହିବ ।
ହସ୍ପିଟାଲ, ପେଟ୍ରୋଲ ପମ୍ପ, ଗ୍ୟାସ, ମେଡିସିନ ଷ୍ଟୋର, ରାସନ ଦୋକାନ, କ୍ଷୀର ଦୋକାନ ଖୋଲା ରହିବ । ସେହିଭଳି ବ୍ୟାଙ୍କ, ବୀମା ଓ ଏଟିଏମ ଖୋଲା ରହିବ । ଲୋକଙ୍କ ଅତ୍ୟାବଶ୍ୟକ ସାମଗ୍ରୀ ପରିବା, ଗ୍ରୋସରୀ ଓ ଫଳ ଦୋକାନ ଖୋଲା ରହିବ ।
ତେବେ ଲକଡାଉନ ସମୟରେ ସରକାରୀ ଅଫିସ, ଘରୋଇ ସଂସ୍ଥା ବନ୍ଦ ରହିବ । ସ୍କୁଲ, କଲେଜ ଏବଂ ଟ୍ରେନିଂ ସେଣ୍ଟର ବନ୍ଦ ରହିବ । ସେହିପରି ସବୁ ପ୍ରକାରର ପରିବହନ ବି ବନ୍ଦ ରହିବ । ମାତ୍ର ତାଲାବନ୍ଦ କଟକଣାରୁ ବାଦ ପଡିବେ ସବୁ ଗଣମାଧ୍ୟମ ସଂସ୍ଥା ବୋଲି ଗୃହମନ୍ତ୍ରାଳୟ ପକ୍ଷରୁ ଜାରି ହୋଇଥିବା ଗାଇଡଲାଇନରେ ଉଲ୍ଲେଖ ରହିଛି ।