ପ୍ରକାଶ ଝାଙ୍କ ସିନେମା ‘ଲିପଷ୍ଟିକ ଅଣ୍ଡର ମାଇ ବୁର୍କା’କୁ ଝଟକା ! ଆପତ୍ତିଜନକ ଦୃଶ୍ୟ ଓ ଭାଷା ଯୋଗୁଁ ମିଳିଲାନି ସେଂଟ୍ରାଲ ବୋର୍ଡ ଅଫ୍ ଫିଲ୍ମ ସାର୍ଟିଫିକେସନ
ପ୍ରକାଶ ଝାଙ୍କ ଆଗାମୀ ସିନେମା ‘ଲିପଷ୍ଟିକ ଅଣ୍ଡର ମାଇ ବୁର୍କା’କୁ ମିଳିଲାନି ସେଂଟ୍ରାଲ ବୋର୍ଡ ଅଫ୍ ଫିଲ୍ମ ସାର୍ଟିଫିକେସନ ଅନୁମତି । ସେନସର ବୋର୍ଡ ଯାଂଚ କମିଟି ସମ୍ମୁଖରେ ଏହାର ସ୍କ୍ରିନିଂ ପରେ ଏହି ସିନେମାକୁ ସାର୍ଟିଫିକେଟ ପ୍ରଦାନ କରାଯିବ ନାହିଁ ବୋଲି ପ୍ରକାଶ ଝାଙ୍କୁ ସୂଚନା ଦିଆଯାଇଛି । ସିନେମାରେ ଆପତ୍ତିଜନକ ଦୃଶ୍ୟ ଓ ଭାଷା ବ୍ୟବହାର କରାଯାଇଥିବାରୁ ‘ଲିପଷ୍ଟିକ ଅଣ୍ଡର ମାଇ ବୁର୍କା’କୁ ସାର୍ଟିପିକେଟ ଦିଆଯାଇନଥିବା ସେଂଟ୍ରାଲ ବୋର୍ଡ ଅଫ୍ ଫିଲ୍ମ ସାର୍ଟିଫିକେସନ କହିଛି ।
Kanak News is now on WhatsApp
Join and get latest news updates delivered to you via WhatsApp
ମହିଳା କୈନ୍ଦ୍ରିକ ଏହି ସିନେମାରେ ସାମାନ୍ୟ ଜୀବନଠାରୁ ଭିନ୍ନ ଅବାସ୍ତବ କଳ୍ପନାକୁ ଚିତ୍ରଣ କରାଯିବା ସହ ଲଗାତର ଭାବରେ ଆପତ୍ତିଜନକ ଦୃଶ୍ୟ, ଅପମାନଜନକ ଭାଷା ଅଛି । ଏହାସହ ଅଡିଓ ପର୍ନୋଗ୍ରାଫି ଓ ସମାଜର ଏକ ନିର୍ଦ୍ଧିଷ୍ଟ ବର୍ଗ ଉପରେ ସମ୍ବେଦନଶୀଳ ବିଷୟବସ୍ତୁକୁ ଚିତ୍ରଣ କରାଯାଇଥିବାରୁ ସିନେମାକୁ ସାର୍ଟିଫିକେଟ ଦିଆଯାଇନଥିବା ସେନସର ବୋର୍ଡ କହିଛି ।
ଯାଂଚ କମିଟିର ଏପରି ନିଷ୍ପତିରେ ଖପ୍ପା ହୋଇଛନ୍ତି ସିନେ ନିର୍ଦ୍ଦେଶକ ଅଳଙ୍କୃତା ଶ୍ରୀବାସ୍ତବ ଓ ପ୍ରକାଶ ଝା । ଭାରତର ଏକ ଛୋଟ ସହରର ଏକ କାହାଣୀକୁ ନେଇ ନିର୍ମାଣ ହୋଇଛି ସିନେମା‘ଲିପଷ୍ଟିକ ଅଣ୍ଡର ମାଇ ବୁର୍କା’ । ନିଜ ଜୀବନକୁ ସ୍ୱାଧିନ ଭାବେ ବଂଚିବାକୁ ଚାହୁଁଥିବା ୪ଜଣ ମହିଳା ଭୂମିକାରେ ନଜର ଆସିଛନ୍ତି କୋଙ୍କଣା ସେନ୍ ଶର୍ମା, ରତ୍ନା ପାଠକ ଶାହ, ଆହାନା କୁମରା ଓ ପ୍ଲାବିତା ବୋରଠାକୁର ।