ନିୟମିତ ଲିପଷ୍ଟିକ ବ୍ୟବହାର କରୁଛନ୍ତି କି ? ଜାଣନ୍ତୁ ଏହାର କୁପ୍ରଭାବ
ଲିପଷ୍ଟିକ ବିନା ମହିଳା ମାନଙ୍କର ପ୍ରସାଧନ ସମ୍ପୂର୍ଣ୍ଣ ହୁଏନି । ଅନ୍ୟ ମେକଅପ୍ ସାମଗ୍ରୀ ଅପେକ୍ଷା ମହିଳାମାନେ ଲିପଷ୍ଟିକକୁ ଅଧିକ ଗରୁତ୍ୱ ଦିଅନ୍ତି । କାରଣ ଲିପଷ୍ଟିକ ବ୍ୟତୀତ ପ୍ରସାଧନ ଖାଲି ଖାଲି ଲାଗେ । କିଛି ମହିଳା ଅନ୍ୟ କୌଣସିି ମେକଅପ୍ ସାମଗ୍ରୀ ବ୍ୟବହାର କରନ୍ତୁ ବା ନକରନ୍ତୁ କିନ୍ତୁ ଲିପଷ୍ଟିକ ଲଗାଇବା ପାଇଁ ଭୁଲନ୍ତି ନାହିଁ । ଯଦି ଆପଣ ବି ନିୟମିତ ଲିପଷ୍ଟିକ ବ୍ୟବହାର କରୁଛନ୍ତି ତେବେ ଏହାର କୁପ୍ରଭାବ କ’ଣ ରହିଛି ଜାଣନ୍ତୁ ।
Kanak News is now on WhatsApp
Join and get latest news updates delivered to you via WhatsApp
ବୋଧହୁଏ ଆପଣ ଜାଣି ନଥିବେ ଲିପଷ୍ଟିକରେ ସୀସାର ବ୍ୟବହାର ହୋଇଥାଏ, ଯାହା ଆପଣଙ୍କ ଶରୀରକୁ ଅନେକ କ୍ଷତି ପହଞ୍ଚାଇଥାଏ । ଏଥଯୋଗୁଁ ଆପଣଙ୍କ ମୁଲାୟମ ଓଠ ଶୁଖିଲା ବି ହୋଇଯାଇପାରେ । ଲିପଷ୍ଟିକ ତିଆରିବେଳେ ବ୍ୟବହୃତ ହେଉଥିବା କେମିକାଲ କର୍କଟ ପରି ମାରାତ୍ମକ ରୋଗର ଆଶଙ୍କା ଉପୁଜାଇଥାଏ ।
କର୍କଟ ରୋଗର ଆଶଙ୍କା –
ଲିପଷ୍ଟିକରେ ବହୁତ ମାତ୍ରାରେ ସୀସାର ବ୍ୟହାର ହେୁଥିବା ଯୋଗୁଁ ଏଥିରେ କ୍ୟାନସର ହେବାର ଆଶଙ୍କା ଥାଏ । କେବଳ ଏତିକି ନୁହଁ ଲିପଷ୍ଟିକ ଶରୀର ଭିତରକୁ ଯାଇ ରୋଗପ୍ରତିରୋଧକ ଶକ୍ତିକୁ କମ କରିଦିଏ ।
ବୃକକ ଜନିତ ରୋଗ –
ଲିପଷ୍ଟିକ ତିଆରି ବେଳେ ସୀସା, କ୍ୟାଡମିୟକ, କ୍ରୋମିୟମ, ଓ ଆଲୁମିନିୟମ ପରି ଧାତୁର ବ୍ୟହାର କରାଯାଏ, ଯାହ ଭୟଙ୍କର ରୋଗ ପାଇଁ ଦାୟୀ ଅଟେ । ବେବଳ ଏତିକି ନୁହେଁ ଲିପଷ୍ଟିକ ଶରୀରର ଆଭ୍ୟନ୍ତରୀଣ ଅଙ୍ଗକୁ ପୁରା ଖରାପ କରିଦେବାର ମଧ୍ୟ ସମ୍ଭାବନା ଥାଏ । ଏଥିରେ ଅଧିକ ମାତ୍ରାରେ କ୍ୟାଡମିୟମ ଥିବା ଯୋଗୁଁ ବୃକକ ଉପରେ ଅଧିକ କ୍ଷତି ପହଞ୍ଚାଇବାର ସମ୍ଭାବନା ଥାଏ ।
ତ୍ୱଚା ପାଇଁ କ୍ଷତିକାରକ-
ଲିପଷ୍ଟିକ ବ୍ୟହାର କରିବା ଦ୍ୱାରା ଏଥିରେଥ ଥିବା କେମିକାଲ ଆପଣଙ୍କ ତ୍ୱାଚାକୁ କ୍ଷତି ପହଞ୍ଚାଇଥାଏ । ଏଥିରେ ବ୍ୟହୃତ ହୋଇଥିବା ମିନେରାଲ ତେଲ ତ୍ୱଚାର ଛିଦ୍ରକୁ ବନ୍ଦ କରିଦିଏ ।
ସ୍ନାୟୁତନ୍ତ୍ରରେ ପ୍ରଭାବ ପକାଏ –
ଲିପଷ୍ଟିକରେ ଭାରି ମାତ୍ରାରେ ମାଗ୍ନେସିୟମ ଥାଏ, ଯାହା ଶରୀରର ଭିତରକୁ ଚାଲିଯାଏ । ଲମ୍ବା ସମୟ ପର୍ଯ୍ୟନ୍ତ ଏହାର ବ୍ୟବହାର କରିବା ଯୋଗୁଁ ଅଧିକ ମାତ୍ରାରେ ମାଗେନ୍ସିୟମ ଶରୀର ଭିତରକୁ ଚାଲିଯାଏ ଯାହା ସ୍ନାୟବିକ ପ୍ରକିାରେ ପ୍ରଭାବ ପକାଏ ।