୧୩ ବର୍ଷର ବନ୍ଦୀ ଜୀବନ ପରେ ସର୍କସରୁ ମୁକ୍ତ ହେଲା ଜଙ୍ଗଲର ରାଜା : ମାଟିକୁ ଛୁଇଁ ଅନୁଭବ କଲା ମହକ , ଦେଖନ୍ତୁ ହୃଦୟକୁ ଛୁଇଁଲା ପରି ଭିଡିଓ
କାହାର ବନ୍ଦୀ ହୋଇ ରହିବା ହେଉ ବା ପିଞ୍ଜରାରେ ଲୁହା ଶିକୁଳିରେ ବନ୍ଧା ହୋଇ ରହିବା ଜୀବନ ସବୁଠାରୁ କଷ୍ଟକର ହୋଇଥାଏ । ଦୀର୍ଘ ଦିନ ପରେ ଯେତେବେଳେ ଜଣେ ଏହି ବନ୍ଧନରୁ ମୁକ୍ତି ପାଇଥାଏ ସେତେବେଳେ ଏକ ନିଆରା ଅନୁଭବ ହୋଇଥାଏ । ମଣିଷ ହେଉ ବା ପଶୁ ସ୍ୱାଧୀନତାର ଜୀବନ ସମସ୍ତଙ୍କ ପାଇଁ ନୂଆ ଖୁସି ଓ ଅନୁଭୂତି ଆଣିଦେଇଥାଏ ।
Kanak News is now on WhatsApp
Join and get latest news updates delivered to you via WhatsApp
The feeling of the lion on touching the soil for the 1st time in 13 years after being rescued from a circus👍🏻 pic.twitter.com/02LM7s1K0z
— Susanta Nanda IFS (@susantananda3) February 21, 2020
ସୋସିଆଲ ମିଡିଆରେ ଏବେ ଏମିତି ଏକ ଭିଡିଓ ଭାଇରାଲ ହୋଇଛି ଯେଉଁଠି ୧୩ ବର୍ଷ ପରେ ସିଂହଟିଏ ସର୍କସରୁ ମୁକ୍ତ ହେବା ପରେ କିଭଳି କିଭଳି ଅନୁଭବ କରୁଛି ତାହା ଦେଖିବାକୁ ମିଳିଛି । ଯେଉଁଭଳି ଭାବେ ସିଂହଟି ଘାସ ଓ ମାଟିକୁ ଅନୁଭବ କରୁଛି ତାହାକୁ ଦେଖି ଅନେକ ସୋସିଆଲ ମିଡ଼ିଆ ୟୁଜର୍ସ ଭାବୁକ ହୋଇପଡିଛନ୍ତି । ଏହି ୨୭ ସେକେଣ୍ଡର ଭିଡିଓକୁ ଓଡ଼ିଆ ପୁଅ ତଥା ଆଇଏଫଏସ ଅଧିକାରୀ ସୁଶାନ୍ତ ନନ୍ଦ ଟ୍ୱିଟରରେ ସେୟାର କରିଛନ୍ତି । ନିଜ ଜୀବନର ଅଧା ସମୟ ସର୍କସର ପିଞ୍ଜରାରେ କାଟିଥିବା ଏହି ସିଂହ ନିଜର ବାର୍ଦ୍ଧକ୍ୟ ଯୋଗୁଁ ସର୍କସରୁ ବାଦ ପଡିଥିବାବେଳେ ବହୁ ଦିନ ପରେ ନିଜ ଜୀବନକୁ ନେଇ ବଂଚିଛି । ସର୍କସରେ ବିଭିନ୍ନ କାରନାମା କରି ଦର୍ଶକଙ୍କ ମନୋରଞ୍ଜନ କରିଥିବା ସିଂହଟି ଶେଷ ସମୟ ବେଳକୁ ପୁଣି ନିଜ ଦୁନିଆକୁ ଫେରିଆସିଛି ।