କନକ ବ୍ୟୁରୋ : ଅଶ୍ଳୀଳ ୱେବସାଇଟରେ ଫଟୋ ପ୍ରସଙ୍ଗରେ ମୁଖ୍ୟମନ୍ତ୍ରୀଙ୍କୁ ଭେଟି ଫେରାଦ୍ ହେଲେ ସ୍ୱେଚ୍ଛାସେବୀ ଲିଙ୍କନ୍ ସୁବୁଦ୍ଧି । ମାମଲାରେ ପୋଲିସର ନିଷ୍କ୍ରିୟତା ସଂପର୍କରେ ନବୀନଙ୍କୁ ଭେଟି ଅଭିଯୋଗ କରିଛନ୍ତି ଲିଙ୍କନ୍ । ଏସକର୍ଟ ସେବା ଯୋଗାଉଥିବା ଏକ ଆପତ୍ତିଜନକ ୱେବସାଇଟରେ ତାଙ୍କର ଫଟୋ ଅପଲୋଡ୍ ଘଟଣାରେ ପୋଲିସ ତଦନ୍ତର ବିଳମ୍ବକୁ ନେଇ ସେ ପ୍ରଶ୍ନ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଚନ୍ଦ୍ରଶେଖରପୁର ଥାନାରେ ଅଭିଯୋଗ କରିବାର ୫ଦିନ ବିତିଯାଇଥିଲେ ମଧ୍ୟ ଅଭିଯୁକ୍ତଙ୍କୁ ଧରିବାରେ ପୋଲିସ୍ ବିଫଳ ହୋଇଥିବା ସେ କହିଛନ୍ତି । ଏତଲା ପରେ କେବଳ ପୋଲିସ୍ ସଂପୃକ୍ତ ୱେବସାଇଟରୁ ଫଟୋଗୁଡିକୁ ହଟାଇ ଦେଇଛି । ଗତ ସୋମବାର ଲିଙ୍କନଙ୍କ ପକ୍ଷରୁ ଚନ୍ଦ୍ରଶେଖରପୁର ଥାନାରେ ଏତଲା ଦିଆଯାଇଥିଲା । ତେଣୁ ଶେଷରରେ ନିରାଶ ହୋଇ ସେ ମୁଖ୍ୟମନ୍ତ୍ରୀଙ୍କୁ ଏ ବାବଦରେ ଅବଗତ କରାଇବା ସହ ସମସ୍ତ ତଥ୍ୟ ଦେଇଥିବା କହିଛନ୍ତି । ମାମଲାରେ ମୁଖ୍ୟମନ୍ତ୍ରୀଙ୍କ ହସ୍ତକ୍ଷେପ ପରେ ତାଙ୍କୁ ନ୍ୟାୟ ମିଳିବ ବୋଲି ସେ ଆଶା ରଖିଛନ୍ତି ।