କନକ ବ୍ୟୁରୋ : ଲିଙ୍ଗରାଜ ମନ୍ଦିର ନୀତିରେ ଉପୁଜିଥିବା ସମସ୍ୟା ସମାଧାନ ହୋଇଛି । ଖୋର୍ଦ୍ଧା ଏଡିଏମଙ୍କ ଅଧ୍ୟକ୍ଷତାରେ ଅନୁଷ୍ଠିତ ଗୁରୁତ୍ୱପୁର୍ଣ୍ଣ ବୈଠକରେ ଏଭଳି ନିଷ୍ପତି ନିଆଯାଇଛି । ମହାପ୍ରଭୁଙ୍କ ନୀତି କେଉଁ କାରଣ ପାଇଁ ବନ୍ଦ ହୋଇଥିଲା ତାହାକୁ ତର୍ଜମା କରାଯାଇଛି । ଯେଉଁମାନେ ଏହି ବିଭ୍ରାଟରେ ସଂମ୍ପୃକ୍ତ ସେମାନଙ୍କ ବିରୁଦ୍ଧରେ କାର୍ଯ୍ୟାନୁଷ୍ଠାନ ନିଆଯିବ ବୋଲି ଜଣାପଡିଛି ।
Kanak News is now on WhatsApp
Join and get latest news updates delivered to you via WhatsApp
ତେବେ ବୈଠକରେ ବ୍ରାହ୍ମଣ ନିଯୋଗ, ପୂଜାପଣ୍ଡା ନିଯୋଗ ଏବଂ ବଡୁ ନିଯୋଗର କର୍ମକର୍ତ୍ତାମାନେ ଆଗକୁ ମହାପ୍ରଭୂଙ୍କ ନୀତିକୁି ସୁରୁଖୁରୁରେ ସମ୍ପାଦନ କରିବାକୁ ପ୍ରତିଶ୍ରୁତିି ଦେଇଥିଲେ । ଅନ୍ୟମାନଙ୍କ ମଧ୍ୟରେ ଲିଙ୍ଗରାଜ ମନ୍ଦିର ଏଗଜୁକ୍ୟୁଟିଭ ଅଫିସରଙ୍କ ସହିତ ଅନ୍ୟ କର୍ମକର୍ତ୍ତା ବୈଠକରେ ଉପସ୍ଥିତ ଥିଲେ । ପ୍ରକାଶ ଥାଉକି ୧୨ ବର୍ଷ ପରେ ଅନୁଷ୍ଠିତ ହେଉଥିବ ବାରୁଣି ସ୍ନାନକୁ ବିବାଦ କାରଣରୁ ମହାପ୍ରଭୁ ଯାଇନଥିଲେ । ଯାହାକୁ ନେଇ ଏଭଳି ସମସ୍ୟା ଉପୁଜିଥିଲା ।