ସେଭିଂ ସହ ଜଡିତ ୫ଟି କଥା ! ଯାହା ସଂପର୍କରେ ଅଜ୍ଞ ଅଟନ୍ତି ପୁରୁଷ
କେବଳ ମହିଳାମାନେ ନୁହଁନ୍ତି ବରଂ ପୁରୁଷଙ୍କୁ ମଧ୍ୟ ନିଜ ତ୍ୱଚାର ଯତ୍ନ ନେବା ଆବଶ୍ୟକ ଅଟେ । ନଚେତ୍ ସେମାନେ ବିଭିନ୍ନ ପ୍ରକାର ଚର୍ମଜନିତ ସମସ୍ୟାର ଶିକାର ହୋଇ ପାରନ୍ତି । ଏଥିସହିତ ପୁରୁଷମାନଙ୍କୁ ମଧ୍ୟ ସ୍ୱାସ୍ଥ୍ୟଜନିତ ସମସ୍ୟା ସଂପର୍କରେ କୌଣସି ଜ୍ଞାନ ନଥାଏ । ଖାଲି ସେତିକି ନୁହେଁ ଅନେକ କ୍ଷେତ୍ରରେ ଦେଖିବାକୁ ମିଳେ ଅଧିକାଂଶ ପୁରୁଷ ସେଭିଂ ସହ ଜଡିତ ଅନେକ କଥା ଉପରେ ସଂପୂର୍ଣ୍ଣ ଅଜ୍ଞ ଥାନ୍ତି । ତେବେ ଆସନ୍ତୁ ଜାଣିବା ସେ ସଂପର୍କରେ ।
Kanak News is now on WhatsApp
Join and get latest news updates delivered to you via WhatsApp
ସଠିକ୍ ରେଜରର ଚୟନ କରିବା
ଅନେକ ପୁରୁଷମାନେ ଚିନ୍ତା କରିଥାନ୍ତି କି ସେଭିଂ କରିବାଦ୍ୱାରା ଚର୍ମ ଲାଲ୍ ହୋଇଯାଇଥାଏ । କିନ୍ତୁ ଏହା ସତ୍ୟ ନୁହେଁ କାରଣ ସେଭ୍ ନ କରିବାଦ୍ୱାରା ହିଁ ଏପରି ହୋଇଥାଏ । ତେଣୁ ଏଥିପାଇଁ ସଠିକ୍ ରେଜର ଚୟନ କରିବା ନିହାତି ଆବଶ୍ୟକ । କିଛି ଉନ୍ନତଧରଣର ରେଜର ଚୟନ କରନ୍ତୁ ଯାହା କି ଭଲଭାବେ ସେଭିଂ ହେବା ସହ ଚର୍ମକୁ ଲାଲ୍ ହେବାରୁ ରକ୍ଷା କରିଥାଏ ।
ସେଭିଂ ପୂର୍ବରୁ ସ୍କର୍ବ କରନ୍ତୁ
ସାଧାରଣତଃ ପୁରୁଷଙ୍କୁ ସ୍କର୍ବ ଆଦି କରିବା ପସନ୍ଦ ନଥାଏ । କିନ୍ତୁ ଆପଣଙ୍କୁ ଏକଥା ଜଣାଥିବା ଉଚିତ୍ କି ସ୍କର୍ବିଂ କରିବା ପରେ ଚର୍ମ କୋମଳ ଲାଗିଥାଏ ଏଥିସହ ସେଭ୍ ସମୟରେ ମଧ୍ୟ କଟି ଯିବାର ପରିସ୍ଥିତି ଉପୁଜି ନଥାଏ ।
ତରବରିଆରେ ସେଭ୍ କରନ୍ତୁ ନାହିଁ
ସେଭିଂ ସମୟରେ କେବେ ହେଲେ ତରବରିଆ ହୁ୍ଅନ୍ତୁ ନାହିଁ । ଏଥିପାଇଁ ପର୍ଯ୍ୟାପ୍ତ ସମୟ ବାହାର କରନ୍ତୁ । ପ୍ରଥମେ ମୁହଁକୁ ଭଲଭାବେ ଧୁଅନ୍ତୁ । ଏବଂ ମୁହଁକୁ ଧୋଇବାର ଗୋଟେ ମିନିଟ୍ ପର୍ଯ୍ୟନ୍ତ କ୍ଲିଂଜର ଲଗାଇ ଛାଡି ଦିଅନ୍ତୁ । ଏହାପରେ ସେଭିଂ କ୍ରିମ୍ କିମ୍ବା ଜେଲ ଲଗାନ୍ତୁ । ଏହାକୁ ୨-୩ ମିନିଟ୍ ପର୍ଯ୍ୟନ୍ତ ଛାଡି ଦିଅନ୍ତୁ ଏବଂ ତାପରେ ସେଭ୍ କରନ୍ତୁ ।
କ୍ରିମ୍ ଲଗାଇବାର ତରିକା
ସେଭ୍ କରିବା ପୂର୍ବରୁ ଜେଲକୁ କିଛି ମାତ୍ରାରେ ହାତରେ ନେଇ ତାକୁ ଦାଢିରେ ଭଲଭାବେ ଲଗାନ୍ତୁ । ପୁଣି ତାକୁ ହାଲକା ମସାଜ କରନ୍ତୁ । କାରଣ ଏପରି କରିବାଦ୍ୱାରା ଦାଢି ଠିଆ ହୋଇଯାଇଥାଏ ଯାହାକୁ କାଟିବାକୁ ଆପଣଙ୍କୁ ସୁବିଧା ହୋଇଥାଏ ।
କେବେ କେବେ ବାହାରେ ଯାଇ ସେଭ୍ କରନ୍ତୁ
ବେଳେବେଳେ ବାହାରେ କୌଣସି ଭଲ ସେଲୁନରେ ଯାଇ ସେଭ୍ କରନ୍ତୁ । ଏହାଦ୍ୱାରା ନା କେବଳ ଆପଣ ଭଲ ଅନୁଭବ କରିପାରିବେ ଏଥିସହ ସେଭିଂ ଜନିତ ଅନେକ ଜ୍ଞାନକୌଶଳ ମଧ୍ୟ ଶିଖି ପାରିବେ ।