ସାବଧାନ ! ପିଲାଙ୍କଠାରେ ଦେଖାଯାଉନାହିଁ ତ ଏଭଳି କୌଣସି ପରିବର୍ତ୍ତନ ତେବେ ଆପଣଙ୍କ ଶିଶୁ ବି ହୋଇପାରେ ଡାଇବେଟିସର ଶିକାର , ଜାଣନ୍ତୁ ଏହାର ଲକ୍ଷଣ ଓ ନିରାକରଣ
ଅଧିକାଂଶ ସମୟରେ ଏପରି ହୋଇଥାଏ କି, ପିଲାମାନଙ୍କର ଗତିବିଧିରେ କିଛି ପରିବର୍ତ୍ତନକୁ ଆମେ ଅଣଦେଖା କରିଦେଇଥାଉ ଆଉ ଆମକୁ ଲାଗିଥାଏ କି, ସେ ସମୟ ସହିତ ଠିକ୍ ହୋଇଯିବ ବୋଲି । କିନ୍ତୁ ଏଠାରେ ଆମେ କହି ରଖୁଛୁ କି,ଆମର ଏଭଳି ଚିନ୍ତାଧାରା ଭୁଲ ହୋଇପାରେ ଏବଂ ଏଥିପାଇଁ ପିଲାଟିର ଜୀବନ ମଧ୍ୟ ଯାଇପାରେ । ଆଜ୍ଞା ହଁ ! ଆମେ ଏଠାରେ ଡାଇବେଟିସ ତଥା ମଧୁମେହ ରୋଗ ସଂପର୍କରେ ହିଁ କହୁଛୁ । ପିଲାଙ୍କ ଆବଭାବରେ ଅଚାନକ୍ ପରିବର୍ତ୍ତନ ଆସିବା ଡାଇବେଟିସ ରୋଗର ଲକ୍ଷଣ ହୋଇପାରେ । ତେଣୁ ଆପଣଙ୍କର ସାମାନ୍ୟ ବି ଅସାବଧାନତା ଯୋଗୁଁ ଆପଣଙ୍କର ପିଲାର ଜୀବନ ପ୍ରତି ବିପଦ ସୃଷ୍ଟି ହୋଇପାରେ । ଯାହା ସଂପର୍କରେ ଆମେ ନିମ୍ନରେ ଆଲୋଚନା କରିଛୁ । ତେବେ ଆସନ୍ତୁ ଜାଣିବା ଏହି ରୋଗର ଲକ୍ଷଣ ଏବଂ ନିରାକରଣ ସଂପର୍କରେ.. ..
Kanak News is now on WhatsApp
Join and get latest news updates delivered to you via WhatsApp
ଆଜିର ଦିନରେ ଡାଇବେଟିସ୍ ଏକ ସାଧାରଣ ରୋଗ ପାଲଟିଛି । ଯାହାର ଶିକାର କେହି ବି ହୋଇପାରନ୍ତି । ତେବେ ସେ କୌଣସି ଶିଶୁ ହେଉ କିମ୍ବା ବଡ ଲୋକ , ସଭିଏଁ ଏହି ରୋଗର ଶିକାର ହୋଇପାରନ୍ତି । ଶରୀର ଭିତରେ ଭିଟା-କୋଷିକାଗୁଡିକ ନଷ୍ଟ ହୋଇଯିବା କାରଣରୁ ମନୁଷ୍ୟ ଶରୀର ସନ୍ତୁଳନ ହରାଇବସିଥାଏ । ଯେଉଁ କାରଣରୁ ଶରୀରରେ ସୁଗାରର ସ୍ତର ବୃଦ୍ଧିପାଇବାରେ ଲାଗିଥାଏ । ଆଉ ଏହାଦ୍ୱାରା ହିଁ ଡାଇବେଟିସ୍ ଭଳି ବେମାରୀ ସୃଷ୍ଟି ହୋଇଥାଏ । ତେଣୁ ବେଳ ଥାଉ ଥାଉ ଯଦି ଏହି ରୋଗକୁ ଚିହ୍ନଟ କରାଯାଇପାରିବ ତେବେ ଏହା ଭବିଷ୍ୟତରେ ଭୟାବହ ରୂପ ଧାରଣ କରିପାରେ ବୋଲି କୌଣସି ଭୁଲ ହେବନି । ଏଭଳି ପରିସ୍ଥିତିରେ ଯଦି ଛୋଟ ପିଲାଙ୍କ କଥା ଉଠେ ତେବେ ପିଲାଙ୍କଠାରେ ଏହି ସବୁ ଲକ୍ଷଣ ନଜର ଆସିଲେ ଜାଣିପାରିବେ କି ଶିଶୁଟି ଏହି ରୋଗରେ ଆକ୍ରାନ୍ତ ହୋଇଛି କି ନାହିଁ ।
ପିଲାଙ୍କଠାରେ ଦେଖାଯାଉଥିବା ଡାଇବେଟିସର ଲକ୍ଷଣ
• ସୁଗାରର ସ୍ତର ବୃଦ୍ଧି ପାଇବା କାରଣରୁ ବାରମ୍ବାର ଶୋଷ ଲାଗିବା
• ସୁଗାର ଲେବଲ ବଢିବା ଦ୍ୱାରା ବାରମ୍ବାର ପରିଶ୍ରା ଲାଗିବା
• ଶୁଶୁଟିକୁ ବାରମ୍ବାର ଭୋକ ଲାଗିବା
• ସେହିପରି ଖାଦ୍ୟ ଖାଇବା ପରେ ବି ପିଲାଟିକୁ ହାଲିଆ ଲାଗିବା
• ପୃଷ୍ଟିକର ଖାଦ୍ୟ ଖାଇବା ସତ୍ୱେ ପିଲାଟିର ଦେହ ନଲାଗିବା ତଥା ଓଜନ ହ୍ରାସ ପାଇବା
• ପିଲାଟିକୁ ବାରମ୍ବାର ହାଲିକା ଲାଗିବା
• ଶିଶୁଟିକୁ ଡାଇପର ପିନ୍ଧାଇବା ମାତ୍ରକେ ଘା’ ହୋଇଯିବା
ଧ୍ୟାନ ରଖନ୍ତୁ କିଛି କଥା
• ପିଲାଙ୍କର ସମୟ ସମୟରେ ବ୍ଲଡ ସୁଗାର ଟେଷ୍ଟ କରନ୍ତୁ ଏବଂ ସେହି ହିସାବରେ ଇନସ୍ୟୁଲିନ ଦିଅନ୍ତୁ ।
• ପିଲାଙ୍କୁ ଠିକ୍ ସମୟରେ ଖାଇବାକୁ ଦିଅନ୍ତୁ ଏବଂ ଖାଦ୍ୟରେ ଅଧିକରୁ ଅଧିକ ମାତ୍ରାରେ ପୌଷ୍ଟିକ ଆହାର ସାମିଲ କରନ୍ତୁ ।
• ପିଲାଙ୍କୁ ନିୟମିତ ବ୍ୟାୟାମ କରାଇବାର ପ୍ରୟାସ କରନ୍ତୁ ।