ଯଦି ଗାଡିରେ ଯାତ୍ରା କରିବା ବେଳେ ହେଉଛି ବାନ୍ତି ତେବେ ଏ ହେଉଛି ସବୁଠୁ ସରଳ ଉପାୟ । କେବେ ହେବ ନାହିଁ ବାନ୍ତି
ଅଧିକାଂଶ ସମୟରେ ଆପଣ ଦେଖିଥିବେ କି ଗାଡିରେ ଯାତ୍ରା କରିବା ମାତ୍ରକେ କିଛି ଲୋକେ ବାନ୍ତି କରିବା ଆରମ୍ଭ କରିଦେଇଥାନ୍ତି । ଏପରିକି ଏହି ବାନ୍ତି ହେବା ଭୟରେ କିଛି ଲୋକ ତ ଘରୁ ବାହାରକୁ ବି ଯିବାକୁ ପସନ୍ଦ କରିନଥାନ୍ତି । ତେବେ ବୃଦ୍ଧି ପାଉଥିବା ଜନସଂଖ୍ୟା ଏବଂ ବଦ୍ଧିତ ପ୍ରଦୁଷଣ କାରଣରୁ ଏଭଳି ହୋଇଥାଏ । ନଚେତ୍ ଭୁଲ ଖାଦ୍ୟ ପେୟ ପାଇଁ ବି କିଛି ଲୋକଙ୍କର ବାନ୍ତି ହୋଇଥାଏ ।
Kanak News is now on WhatsApp
Join and get latest news updates delivered to you via WhatsApp
କିନ୍ତୁ ଏହି ବାନ୍ତିରୁ ବର୍ତ୍ତିବା ପାଇଁ ସବୁଠୁ ସରଳ ଏବଂ ସିଧା ଉପାୟ ଆପଣ ବ୍ୟବହାର କରୁଥିବା ମାଚିସ୍ କାଠି(ଦିଆସିଲି କାଠି)ରେ ହିଁ ଲୁଚି ରହିଛି । ମାଚିସ୍ କାଠିର ଆଗ ଭାଗ ଅଂଶରେ ବାରୁଦ ରହିଥାଏ । ଏଣୁ ଏହାର ଆଗ ଭାଗ ଅଂଶକୁ ଭାଙ୍ଗି ଫୋପାଡି ଦିଅନ୍ତୁ ଏବଂ ବାକି ବଳି ପଡିଥିବା କାଠିକୁ ଦାନ୍ତ ମଝିରେ ଚାପି ରଖନ୍ତୁ । ଏଭଳି କରିବା ଦ୍ୱାରା ଯଦି ଆପଣ ସାରା ଦିନ ବି ଗାଡିରେ ବସି ବୁଲୁଥିବେ ତଥାପି ଆପଣଙ୍କର ବାନ୍ତି ହେବ ନାହିଁ ।
ଏହାଛଡା ବାନ୍ତି ରୋକିବାକୁ ଆପଣ ଅନ୍ୟାନ୍ୟ ଘରୋଇ ଉପଚାର ବି ଅବଲମ୍ବନ କରିପାରିବେ ।
ଲେମ୍ବୁ : ଲେମ୍ବୁରେ ଥିବା ସାଇଟ୍ରିକ୍ ଏସିଡ୍ ବାନ୍ତିକୁ ରୋକି ଥାଏ ।
ପିଆଜ ରସ : ଯାତ୍ରାରେ ଯିବାର ଠିକ୍ ଅଧଘଂଟା ପୂର୍ବରୁ ଏକ ଚାମଚ ପିଆଜ ରସ ସହ ଏକ ଚାମଚ ଅଦା ରସ ମିଶାଇ ଖାଆନ୍ତୁ । ଏପରି କଲେ ବାନ୍ତି ହେବ ନାହିଁ । ଯଦି ଆପଣଙ୍କ ଲମ୍ବା ବାଟ ଯାତ୍ରା କରୁଛନ୍ତି ତେବେ ସାଥିରେ ଏହି ରସ ନେଇ ଯାଆନ୍ତୁ ।
ଅଦା : ଅଦାରେ ଆଣ୍ଟିମେନିକ୍ ଗୁଣ ଥାଏ । ଆଣ୍ଟିମେନିକ୍ ବାନ୍ତି ଏବଂ ମୁଣ୍ଡ ବିନ୍ଧାରୁ ଆରାମ୍ ଦେଇଥାଏ । ତେଣୁ ଯାତ୍ରା ସମୟରେ ପାଟିରେ ଅଦାର ଜାକନ୍ତୁ କିମ୍ବା ଅଦାର ଚା’ ପିଅନ୍ତୁ ।
ଲବଙ୍ଗ : ବାହାରକୁ ଯିବା ସମୟରେ ଲବଙ୍ଗ ସାଥିରେ ରଖିଥାନ୍ତୁ । ବାନ୍ତି ଲାଗିଲେ ସଙ୍ଗେ ସଙ୍ଗେ ପାଟିରେ ଲବଙ୍ଗ ପକାନ୍ତୁ । ଏପରି କଲେ ବାନ୍ତି ଲାଗିବା ବନ୍ଦ ହୋଇଯାଏ ।
ପୁଦିନା : ପୁଦିନା ପେଟା ମାଂସପେଶୀକୁ ଆରାମ ଦେଇଥାଏ । ପୁଦିନା ତେଲ ବାନ୍ତି ରୋକିବାରେ ସାହାଯ୍ୟ କରିଥାଏ । କିଛି ବୁନ୍ଦା ପୁଦିନା ତେଲ ରୁମାଲରେ ପକାଇ ଯାତ୍ରା ସମୟରେ ଶୁଂଘିଲେ ବାନ୍ତି ଲାଗିନଥାଏ । ସେହିପରି ପୁଦିନା ପତ୍ରରେ ଚା’ ତିଆରି କରି ସେଥିରେ ଏକ ଚାମଚ ମହୁ ପକାନ୍ତୁ । ଯିବା ପୂର୍ବରୁ ଏହାକୁ ପିଇଲେ ବାନ୍ତି ଲାଗି ନଥାଏ ।