ଚାକିରିରେ ପ୍ରମୋସନ କିଏ ନ ଚାହେଁ । କିନ୍ତୁ କିଛି ଏଭଳି ବି କର୍ମଚାରୀ ଅଛନ୍ତି, ଯେଉଁମାନେ ପ୍ରମୋସନ ପାଇବା ପରେ ପରେ ସେମାନଙ୍କ ବ୍ୟବହାରରେ ପରିବର୍ତ୍ତନ ଚାଲିଆସିଥାଏ । ଏବଂ ନିଜର କାମରେ ଗୁରୁତ୍ୱ ଦେବା ମଧ୍ୟ କମ କରିଦେଇଥାନ୍ତି । ଏଭଳି ଦେଖିବାକୁ ମିଳିଥାଏ କି ପ୍ରମୋସନ ମିଳିବା ପରେ କର୍ମଚାରୀ ଟିକିଏ ଅବହେଳା ହୋଇଯାଏ ଏବଂ କିଛି ଭୁଲ୍ ବି କରିପକାଇଥାନ୍ତି । ତେବେ ଆସନ୍ତୁ ଜାଣିବା ଏଭଳି କିଛି ଭୁଲ୍ ଏବଂ ଏଥିରୁ ରକ୍ଷା କରିବାର ଉପାୟ ସଂପର୍କରେ…….
Kanak News is now on WhatsApp
Join and get latest news updates delivered to you via WhatsApp
ଟିମକୁ ଆଭୋଏଡ କରନ୍ତୁ ନାହିଁ
ସବୁବେଳେ ଧ୍ୟାନ ରଖିବେ କି ଆପଣଙ୍କୁ ଯେଉଁ ପ୍ରମୋସନ ମିଳିଛି । ସେଥିରେ ଆପଣଙ୍କର ଟିମର ବି ଯୋଗଦାନ ରହିଛି । ଟିମର ପରିଶ୍ରମ ବିନା ଆପଣଙ୍କୁ ସଫଳତା ମିଳିପାରିବ ନାହିଁ । ଏଥିପାଇଁ କାମ କରିବା ସମୟରେ ଟିମକୁ ଆଭୋଏଡ କରିବାକୁ ଆଦୌ ଚେଷ୍ଟା କରନ୍ତୁ ନାହିଁ । ଏଥିସହିତ ନିଜକୁ ବଢେଇ ଚୋଢେଇ ଉପସ୍ଥାପନା ଆଦୌ କରନ୍ତୁ ନାହିଁ ।
ଖାମଖିଆଲି ମନୋଭାବ ଆଦୌ ଆଣନ୍ତୁ ନାହିଁ
ଅଧିକାଂଶ ଲୋକେ ପ୍ରମୋସନ ମିଳିବା ପରେ ଟିକିଏ ଖାମଖିଆଲି ହୋଇପଡନ୍ତି । କୌଣସି କଥାକୁ ଗୁରୁତର ଭାବେ ଗ୍ରହଣ କରିନଥାନ୍ତି । ସେମାନଙ୍କୁ ଲାଗିଥାଏ କି, ଏବେତ ପ୍ରମୋସନ ହୋଇଯାଇଛି, ଯଦି ପରଫର୍ମମାନ୍ସ ସାମାନ୍ୟ କମ ବି ହେବ ତେବେ କୌଣସି ଫରକ ପଡିବନାହିଁ । ତେବେ ଏଭଳି ଭାବନା ମନ ଭିତରେ ଆଣିବା ଆପଣଙ୍କର ବଡ ଭୁଲ ।
ଓରଭକନ୍ଫିଡେନ୍ସ ଦେଖାନ୍ତୁ ନାହିଁ
ପ୍ରମୋସନ ପରେ ଓଭରକନ୍ଫିଡେନ୍ସ ଆଦୌ ହୁଅନ୍ତୁ ନାହିଁ । ଅଫିସର ପ୍ରତ୍ୟେକଟି କାମରେ ହସ୍ତକ୍ଷେପ କରନ୍ତୁ ନାହିଁ । ଆପଣଙ୍କୁ ଯେତିକି କାମ କରିବାକୁ ଦାୟିତ୍ୱ ଦିଆଯାଇଛି , ଆପଣ ସେତିକି ହିଁ କରନ୍ତୁ । କେବେ ଉପରେ ପଡି କିମ୍ବା ଆଗତୁରିଆ ଭାବେ ଅନ୍ୟ କାହା କାମରେ ହସ୍ତକ୍ଷେପ କରନ୍ତୁ ନାହିଁ । କାରଣ ଆପଣଙ୍କର ଏହି କାର୍ଯ୍ୟ ପାଇଁ ଆପଣ କୌଣସି ବଡ ଅସୁବିଧାରେ ପଡି ପାରନ୍ତି ।
ଗର୍ବ କରନ୍ତୁ ନାହିଁ
ନିଜର ସଫଳତାକୁ ନେଇ ଗର୍ବ କରିବା ଏକ ଭଲ କଥା, କିନ୍ତୁ ଏହାକୁ ଆପଣ ମୁଣ୍ଡରେ ବସାଇବାକୁ ଆଦୌ ଚେଷ୍ଟା କରନ୍ତୁ ନାହିଁ । ନିଜର ସହକର୍ମୀମାନଙ୍କ ମଧ୍ୟରେ ବସି ଗୋଟିଏ ଭଲ ବନ୍ଧୁ ଭଳି ମିଶନ୍ତୁ । ସେମାନଙ୍କର ସୁବିଧା ଅସୁବିଧା ସଂପର୍କରେ ଜାଣିବାକୁ ଚେଷ୍ଟା କରନ୍ତୁ ।