ସାବଧାନ୍ ! ସେକେଣ୍ଡହ୍ୟାଣ୍ଡ ଖେଳଣା ପିଲାଙ୍କ ପାଇଁ ହୋଇପାରେ କ୍ଷତିକାରକ
ଖେଳଣା ପ୍ରତ୍ୟେକ ଛୋଟ ପିଲାଙ୍କ ଜୀବନର ଏକ ଗରୁତ୍ୱପୂର୍ଣ୍ଣ ସାମଗ୍ରୀ । ଯାହା ସହିତ ଛୋଟ ପିଲାଙ୍କର ଏକ ସୁନ୍ଦର ସଂଯୋଗ ରହିଥାଏ । ବେଳେ ବେଳେ ଖେଳଣାକୁ ଦେଖିବାମାତ୍ରେ ବୟସ୍କ ବ୍ୟକ୍ତି ମାନଙ୍କର ମଧ୍ୟ ପିଲାଦିନ କଥା ମନେ ପଡ଼ିଯାଇଥାଏ । ତେବେ ଖେଳଣାକୁ ନେଇ ଏଭଳି କିଛି ଅଜଣା କଥା ରହିଛି ଯାହାକୁ ଜାଣିବା ଆପଣଙ୍କର ନିହାତି ଆବଶ୍ୟକ । କିନ୍ତୁ ଆଜିକାଲି ଖେଳଣାର ଦାମ ଆକାଶ ଛୁଆଁ ହୋଇଯାଇଛି । ସେଥିପାଇଁ କେତେକ ସମୟରେ ବଡ଼ ଭାଇ ଓ ଭଉଣୀର ଖେଳଣାକୁ ସାନ ଭାଇ ଓ ଭୁଉଣୀକୁ ଦିଆଯାଇଥାଏ । କିନ୍ତୁ ଏଭଳି ପଦକ୍ଷେପ ବିପଦଜ୍ଜନକ ହୋଇପାରେ । ବୈଜ୍ଞାନିକଙ୍କ କହିବା ଅନୁସାରେ ଏହା ସୁରକ୍ଷିତ ହୋଇନଥାଏ ।
Kanak News is now on WhatsApp
Join and get latest news updates delivered to you via WhatsApp
ବ୍ରିଟେନର ୟୁନିଭର୍ସିଟି ଅଫ ପ୍ଲାଇମାଉଥର ଗବେଷକଙ୍କ କହିବା ଅନୁସାରେ, ନିକଟରେ ସେମାନେ ଘର ଏବଂ ନର୍ସରୀର ପାଖାପାଖି ୨୦୦ ଖେଳଣାକୁ ନେଇ ବିଶ୍ଲେଷଣ କରିଥିଲେ । ତେବେ ପିଲାମାନେ ବସ,କାର ଏବଂ ପଜଲ୍ସକୁ ଅଧିକାଂଶ ସମୟରେ କାମୁଡ଼ିଥାଆନ୍ତି । ଏହି ଖେଳଣାରେ ଆଂଟି ମନି, ବେରିୟମ, ବ୍ରୋମିନ,କ୍ୟାଡ଼ମିୟମ ଓ ଲେଡ ଭଳି କେତେକ ମାରାତ୍ମକ ତତ୍ତ୍ୱ ରହିଥାଏ । ଯାହାକି ପିଲାଙ୍କ ସ୍ୱାସ୍ଥ୍ୟ ପାଇଁ ବହୁତ କ୍ଷତିକାରକ ହୋଇଥାଏ ।
ବୈଜ୍ଞାନିକମାନେ ଏକ କୃତ୍ରିିମ ପୋଷା ଜନ୍ତୁ ତିଆରି କରିଥିଲେ ଯାହା ଉପରେ ହାଇଡ୍ରେକ୍ଲୋରିକ ଏସିଡର ବ୍ୟବହାର କରିଥିଲେ । ପାଚନ କ୍ରିୟା ଦ୍ୱାରା ଏଚସିଏଲ ପ୍ରୋଟିନକୁ ଭାଙ୍ଗିବାର କାର୍ଯ୍ୟ କରିଥାଏ । ଏଚସିଏଲ ସଂପର୍କରେ ଆସିବା ମାତ୍ରେ ହିଁ ଖେଳଣାରୁ ପ୍ରବଳ ମାତ୍ରାରେ ବ୍ରୋମିୟମ, କ୍ୟାଡ଼ମିୟମ ଏବଂ ଲେଡ ଭଳି ତତ୍ତ୍ୱ ବାହାରିଥାଏ । ଯାହାକି ପିଲାଙ୍କ ସ୍ୱାସ୍ଥ୍ୟପ୍ରତି ବିପଦଜ୍ଜନକ ଅଟେ ।