ସୁମଧୁର ସଂଗୀତ କରିଥାଏ ଅନେକ ସମସ୍ୟାର ସମାଧାନ ! ଜାଣନ୍ତୁ କିଛି ତଥ୍ୟ
କୁହାଯାଏ ସଂଗୀତ ମଣିଷକୁ ଜୀବନ ବି ଦେଇପାରେ । ସଂଗୀତର ଅଛି ଏକ ଏମିତି ଶକ୍ତି ଅକ୍ତି ଅଛି ସଂଗୀତର । ଡାକ୍ତର ମଧ୍ୟ ରୋଗର ଉପଶମ ପାଇଁ ସଂଗୀତ ଶୁଣିବାକୁ କହିଥାନ୍ତି । ସୁମଧୁର ସଂଗୀତ ଶୁଣିଲେ ସୃଜନଶୀଳତା ବୃଦ୍ଧି ପାଇଥାଏ । ନୀରବ ରହିବା ଅପେକ୍ଷା ସୁଗମ ସଂଗୀତ ଶୁଣିଲେ ମନରେ ନୂଆ ଭାବନା , ଧାରଣା ଓ ଭାବ ପ୍ରବଣତା ସୃଷ୍ଟି ହୋଇଥାଏ ବୋଲି ଗବେଷକମାନେ କୁହନ୍ତି । ଆଉ ଏହା ଏକ ଅଧ୍ୟନରୁ ଜଣାପଡିଛି ।
Kanak News is now on WhatsApp
Join and get latest news updates delivered to you via WhatsApp
ଅଷ୍ଟ୍ରେଲିଆର ଟେକ୍ନୋଲୋଜି ସିଡନୀ ୟୁନିଭର୍ସିଟିର ଗବେଷକମାନେ ୧୫୫ ଅଂଶଗ୍ରହଣକାରୀଙ୍କୁ କେତେକ ପ୍ରଶ୍ନର ଉତ୍ତର ଦେବାକୁ କହିବା ସହ ସେମାନଙ୍କୁ ୪ଭାଗରେ ବିଭକ୍ତ କରିଥିଲେ । ପ୍ରତ୍ୟେକ ଗ୍ରୁପକୁ ନୀରବ , ଦୁଃଖଦ , ସୁଖସମଂପନ୍ନ ଓ ଉକ୍ରଣ୍ଠାପୂର୍ଣ୍ଣ ସଂଗୀତ ଶୁଣାଇଦିଆଯାଇଥିଲା । ସଂଗୀତ କାର୍ଯ୍ୟକ୍ରମ ଆରମ୍ଭ ହେବା ମାତ୍ରେ ଅଂଶଗ୍ରହଣକାରୀମାନେ ବିଭିନ୍ନ ଅଙ୍ଗଭଙ୍ଗୀ ପ୍ରଦର୍ଶନ କରିଥିଲେ । ଗବେଷକମାନେ ଦେଖିବାକୁ ପାଇଲେ ଯେ ,ମଧୁର ଶାସ୍ତ୍ରୀୟସଂଗୀତ ଶୁଣିବା ଦ୍ୱାରା ଶ୍ରୋତାଙ୍କ ମନରେ ଏକ ସକରାତ୍ମକ ଭାବଧାରା ସୃଷ୍ଟି ହେଉଛି । ସେମାନଙ୍କ ମଧ୍ୟରେସୃଜନାତ୍ମ ଶକ୍ତି ବେଶୀ ସୃଷ୍ଟି ହେଉଛି ।
ଏହା ସହ ସୁଗମ ସଂଗୀତ ଶୁଣିବା ଦ୍ୱାରା ଶ୍ରୋତାଙ୍କ ମନରେ ନମନୀୟତା ବୃଦ୍ଧିପାଉଛି । ଏହାଦ୍ୱାରା ମନରେ ଭାବପ୍ରବଣତା ସୃଷ୍ଟିହେଉଛି । ଏହି ଅଧ୍ୟୟନରୁ ଜଣାପଡୁଛି ଯେ,ସଂଗୀତ ଶୁଣିବା ଦ୍ୱାରା ମନରେ ସୃଜନାତ୍ମକ ଚିନ୍ତାଧାରା ତ୍ୱରାନ୍ୱିତ ହୁଏ ଓ ଏଥିପାଇଁ କିଛି ଖର୍ଚ୍ଚ କରିବାକୁ ପଡିନଥାଏ ।
ସଂଗୀତର ରହିଛି ଏକ ଅଜଣା ଆକର୍ଷଣ । ତାହା ସୃଷ୍ଟିର ଆଦ୍ୟରୁ ରହିଆସିଛି । କ୍ଷଣିକ ସୁମଧୁର ମନରେ ଏକ ଭିନ୍ନ ଇଚ୍ଛା ଓ ଫୂର୍ତ୍ତି ଜଗାଏ । ଯେତେବେଳେ ଜଣେ ଦୁଃଖରେ ଥିବ ଏହା ମନରେ ଆନନ୍ଦଭରିଥାଏ । ଆଉ ମନକୁ ହାଲକା ଅନୁଭବ ଆଣିଦେଇଥାଏ । ସଂଗୀତ ଅନେକ ସମସ୍ୟାର ସମାଧାନ କରିଥାଏ ବୋଲି ଗବେଷକନମାନେ କୁହନ୍ତି ।
୧- ନବଜାତକ ଶିଶୁର ବୃଦ୍ଧିରେ ସଂଗୀତ ଖୁବ୍ ଉପକାରୀ ସାବ୍ୟସ୍ତ ହୋଇଥାଏ । ଏଣୁ ଅନେକ ହସ୍ପିଟାଲରେ ଏହି ବ୍ୟବସ୍ଥା ମଧ୍ୟ ଥାଏ କାନାଡିଆନ ଗବେଷକଙ୍କର ଏକ ଦଳ ଏହା ଜାଣିବାକୁ ପାଇଛନ୍ତି ଯେ, ସୁମଧୁର ସଂଗୀତ ଶୁଣିବା ଦ୍ୱାରା ପ୍ରିମାଇଜ୍ ର ଯନ୍ତ୍ରଣା କମିଥାଏ । ଆଉ ମଧ୍ୟ ଡାକ୍ତରଖାନାରେ ମ୍ୟୁଜିକାଲ ଇନଷ୍ଟ୍ରୁମେଂଟ ବ୍ୟବହାର କରାଯାଇଥାଏ ମା’ର ହାର୍ଟବିଟର ସାଉଣ୍ଡକୁ ମିମିକ୍ କରିବା ପାଇଁ । ଆଉ ପ୍ରିମେଚୁର ବେବିକୁ ଶୁଆଇବା ପାଇଁ ।
୨- ଶିଶୁର ବୃଦ୍ଧିଭଳି ଗବେଷକମାନେ କୁହନ୍ତି ସଂଗୀତ ମଧ୍ୟ ଗଛର ବୃଦ୍ଧିରେ ସହାୟକ ହୋଇଥାଏ । ରକ୍ ମ୍ୟୁଜିକ୍ ଦ୍ୱାରା ଗଛର ବୃଦ୍ଧି ଘଟିଥାଏ । ଗଛଟି କ୍ରମେ ଡେଙ୍ଗା ହୋଇ ବଢେ ।
୩- ବ୍ରେନ ଡ୍ରାମେଜିଂର ଚିକିତ୍ସା ପାଇଁ ମଧ୍ୟ ମ୍ୟୁଜିକ୍ ପ୍ରମୂଖ ଭୂମିକା ଗ୍ରହଣ କରେ । ସଂଗୀତର ବିଟ୍ ବ୍ରେନକୁ ସୁସ୍ଥ ରଖିବାରେ ସାହାଯ୍ୟ କରିଥାଏ । ସଂଗୀତ ଧ୍ୱନୀ ମସ୍ତିଷ୍କରେ ଏକ ସୂକ୍ଷ୍ମ କଂପନ ସୃଷ୍ଟିକରେ । ସ୍ମୃତିଶକ୍ତି ହରାଇ ବସିଥିବା ଲୋକ ମଧ୍ୟ ଅନେକ ସମୟରେ ସଂଗୀତ ଦ୍ୱାରା ପୂର୍ବାବସ୍ଥାକୁ ଫେରିପାଇଥାଏ ।
୪- ସଂଗୀତ ଶ୍ରବଣ ଶକ୍ତି ସିନା ଫେରାଇପାରିନଥାଏ । କିନ୍ତୁ ଏହା ଦ୍ୱାରା ଏହାର ପ୍ରତିରୋଧ ହୋଇଥାଏ । ଆଉ ଶ୍ରବଣ ଶକ୍ତିକୁ ସୁରକ୍ଷା ଦେଇଥାଏ ।