କାହିିଁକି କର୍ମଚାରୀମାନେ ଚାକିରି ବଦଳାଇଥା’ନ୍ତି ! ଜାଣନ୍ତୁ ଏହି ତଥ୍ୟ
ସମୟ ବଦଳିବା ସହ ଲୋକଙ୍କ ବିଚାରଶୈଳୀରେ ମଧ୍ୟ ପରିବର୍ତ୍ତନ ଘଟୁଛି । ଲୋକେ ଦିନକୁ ଦିନ କିଛି ନୂଆ ଇଚ୍ଛା ଓ ଆଶା ନେଇ ଅଗ୍ରସର ହେଉଛନ୍ତି । ଆଉ ନିଜର କର୍ମ ସଂସ୍ଥାନକୁ ନେଇ ଚିନ୍ତିତ ଥା’ନ୍ତି । ଭାରତୀୟ ପେଶାଦାର କର୍ମଚାରୀମାନେ ନୂତନ ସୁଯୋଗ ପ୍ରତି ଆଗ୍ରହ ପ୍ରକାଶ କରିଥାନ୍ତି ବୋଲି ଲିଙ୍କଡ ଇନ୍ ରିପୋର୍ଟରେ ପ୍ରକାଶ ପାଇଛି । ପ୍ରାୟ ୯୧ ପ୍ରତିଶତ ଭାରତୀୟ ପେଶାଦାର ଉଚ୍ଚ ଦରମା ପ୍ରତି ଆକର୍ଷିତ ହୋଇ ଚାକିରି ପରିବର୍ତ୍ତନ କରିଥାନ୍ତି । ଗତ ବର୍ଷ ଏହା ୯୦ ପ୍ରତିଶତ ଥିଲା । ୨୦୧୭ ଏପ୍ରିଲରେ ୫୩୯ କର୍ମଚାରୀଙ୍କୁ ଏ ସଂପର୍କିତ ପ୍ରଶ୍ନ ପଚରାଯାଇଥିଲା । ସେମାନଙ୍କ ମଧ୍ୟରୁ ୪୬ ପ୍ରତିଶତ ସେମାନଙ୍କ ଚାକିରି ନେଇ ଖୁସି ଥିବା କହିଥିଲେ । ୪୫ ପ୍ରତିଶତ ଉଚ୍ଚ ଦରମା ପ୍ରତି ଆକର୍ଷିତ ହୋଇଥିଲେ । ସେହିପରି ୩୭ ପ୍ରତିଶତ ଦରମା ସଂପର୍କରେ ଜାଣିବାର ପ୍ରୟାସ କରିଥିଲେ ।
Kanak News is now on WhatsApp
Join and get latest news updates delivered to you via WhatsApp
ଚାକିରିରେ ପଦୋନ୍ନତି ପାଇଁ ୩୨ ପ୍ରତିଶତ ଆକର୍ଷିତ ହେଉଥିବା ବେଳେ ୪୦ ପ୍ରତିଶତ ଦକ୍ଷତା ବୃଦ୍ଧି ପାଇଁ ଚାକିରି ପରିବର୍ତ୍ତନ କରିବାକୁ ଚାହୁଁଥିବା କହିଥିଲେ । ୫୫ ପ୍ରତିଶତ ପେଶାଦାର ସେମାନଙ୍କ ପାଇଁ ଉପଯୋଗୀ ହେଉଥିିବା ଚାକିରି ପ୍ରତି ଆକୃଷ୍ଟ ଥିବା କହିଥିଲେ । ସେମାନଙ୍କ ମଧ୍ୟରୁ ୪୯ ପ୍ରତିଶତ କଂପାନୀ ୱେବସାଇଟ୍ ସର୍ଚ୍ଚ କରିଥିବାବେଳେ ୪୭ ପ୍ରତିଶତ ସର୍ଚ୍ଚ ଇଂଜିନ୍ ଓ ୩୫ ପ୍ରତିଶତ ପେଶାଦାର ନେଟୱାର୍କ ସର୍ଚ୍ଚ କରୁଥିବା ଜଣାପଡିଥିଲା । ୬୩ ପ୍ରତିଶତ ବିଭିନ୍ନ ଚାକିରି ସଂପର୍କରେ ଜାଣିବା ପାଇଁ ସୋସିଆଲ୍ ମିଡିଆର ସହାୟତା ନେଉଥିବା ରିପୋର୍ଟରେ ପ୍ରକାଶ ପାଇଛି । ୪୫ ପ୍ରତିଶତ ପେଶାଦାର କଂପାନୀ ସହ କଥାବର୍ତ୍ତା କରିବାକୁ ଆଗ୍ରହ କରିଥାନ୍ତି । ୪୧ ପ୍ରତିଶତ କଂପାନୀର କର୍ମଚାରୀଙ୍କ ଚଳନୀ ବିଷୟରେ ଜାଣିବାକୁ ଆଗ୍ରହ ପ୍ରକାଶ କରିଥା’ନ୍ତି ।
ସୁୁବିଧାସୁଯୋଗ ମିଳୁଥିବା କଂପାନୀ ପ୍ରତି ଭାରତୀୟ ପେଶାଦାର ଅଧିକ ଆକର୍ଷିତ ହୋଇ ଚାକିରି ପରିବର୍ତ୍ତନ କରିବାକୁ ଚାହୁଁଥିବା ରିପୋର୍ଟରେ ପ୍ରକାଶ । କଂପାନୀର ଦକ୍ଷତା ବିକାଶ ସୁଯୋଗ , ଉପଯୁକ୍ତ କର୍ମକ୍ଷେତ୍ର ଓ କଂପାନୀର ଉନ୍ନତି ସମ୍ଭାବନା ଥିଲେ କର୍ମଚାରୀ ସେଠାରେ କାମ କରିବାକୁ ଆଗ୍ରହ ପ୍ରକାଶ କରିଥା’ନ୍ତି ।