ପୁରୁଣା ପ୍ରେମ ପାଖକୁ ଫେରିବାକୁ ଚାହୁଁଛନ୍ତି ! ଧ୍ୟାନରେ ରଖନ୍ତୁ କିଛି କଥା
କୌଣସି ବି ସଂପର୍କରେ ବିଛେଦ ଅତ୍ୟନ୍ତ ଦୁଃଖଦାୟକ ହୋଇଥାଏ । କିଛି ଲୋକ ସଂପର୍କ ସହ ନିଜେ ମଧ୍ୟ ମାନସିକ ସ୍ତରରେ ଭାଙ୍ଗି ଯାଇଥାନ୍ତି । ଆଉ ମାସ ମାସ ଧରି ଏହି ଅବସାଦରେ ବୁଡି ରହିଥାନ୍ତି । ତେବେ ଧୀରେ ଧୀରେ ସମୟାନୁସାରେ ବଦଳିବା ସହ ନିଜ ଜୀବନରେ ବ୍ୟସ୍ତ ହୋଇଯାଆନ୍ତି । କିନ୍ତୁ ଅନେକ ଥର ଦେଖାଯାଇଛି ସଂପର୍କ ଭାଙ୍ଗିବାର କିଛି ଦିନ ପରେ ପୁରୁଣା ସାଥୀ ପୁଣି ଥରେ ଫେରି ଆସେ । ଆପଣଙ୍କ ଜୀବନରେ ସେହି ପୁରୁଣା ସ୍ଥାନ ପାଇବାକୁ ଚେଷ୍ଟା କରିଥାଏ ।
Kanak News is now on WhatsApp
Join and get latest news updates delivered to you via WhatsApp
କିଛି ସମୟ ପାଇଁ ଏମିତି ଲାଗେ କି ଭଲ ହେଲା ଶେଷରେ ମୋ ସାଥୀ ପୁଣି ଥରେ ମୋ ପାଖକୁ ଫେରି ଆସିଲା । କିନ୍ତୁ ଏହି ସଂପର୍କକୁ ଗ୍ରହଣ କରିବା ପୂର୍ବରୂ ନଜର ପକାନ୍ତୁ କିଛି କଥା ଉପରେ ।
କଣ ଥିଲା ସଂପର୍କ ଭାଙ୍ଗିବାର କାରଣ :
ହୋଇଥାଇ ପାରେ ଆପଣ ଉଭୟ ଏକା ସାଥିରେ ଅନେକ ଖୁସିର ମୁହୂର୍ତ୍ତ ବିତାଇଥାଇ ପାରନ୍ତି । କିନ୍ତୁ ସଂପର୍କ ଭାଙ୍ଗିବାର କାରଣକୁ ବି କେବେ ଭୁଲନ୍ତୁ ନାହିଁ । ସେ ଖରାପ ମୁହୁର୍ତ୍ତକୁ ଭୁଲନ୍ତୁ ନାହିଁ ଯାହା ପାଇଁ ଏହି ସଂପର୍କ ଭାଙ୍ଗିଥିଲା । ତେଣୁ ପୁଣି ଥରେ ସଂପର୍କ ଆରମ୍ଭ କରିବା ପୂର୍ବରୁ ଏସବୁ ଧ୍ୟାନରେ ରଖି ଆଗକୁ ପାଦ ଦିଅନ୍ତୁ । ନଚେତ୍ ଦ୍ୱିତୀୟ ଥରର ଝଟକା ପ୍ରଥମ ଥର ଅପେକ୍ଷା ଅଧିକ କଷ୍ଟ ଦେଇପାରେ ।
ଚାରି ଦିନର ଚାନ୍ଦିନୀ ପୁଣି ଅନ୍ଧାର ରାତି :
ବ୍ରେକ୍ ଅପ୍ ପରେ ଆପଣ ଯେଉଁ ଚିନ୍ତା , କଷ୍ଟ ଏବଂ ଦୁଃଖ ପାଇଛନ୍ତି ସଂପର୍କ ଆରମ୍ଭ ପରେ ହୁଏତ ଏସବୁ ଭୁଲି ଯାଇପାରନ୍ତି । କିନ୍ତୁ ଏହି ଅନୁଭୂତି ଅଧିକ ସମୟ ପର୍ଯ୍ୟନ୍ତ ରହି ପାରେନି । ପୁଣି ଥରେ ଆପଣଙ୍କୁ ପୁରୁଣା କଥା ମନେ ପଡିବ ଏବଂ ଆପଣଙ୍କ ପୁରୁଣା ସାଥୀ ସହ କଥା ହେବା କଷ୍ଟକାର ହୋଇ ପଡିବ ।
ଆଗ ପରି କରିପାରିବେନି ବିଶ୍ୱାସ :
କୁହାଯାଏ ପୋଡିଗଲା ତିଅଣର ସୁଆଦ ନଥାଏ । ଥରେ ସଂପର୍କ ଭାଙ୍ଗିଲେ ପୁଣି ଥରେ ସାଥୀ ଉପରେ ଆଗ ପରି ବିଶ୍ୱାସ କରିହୁଏନି । ବିଶ୍ୱାସ ଆଉ ଭରସା ଉପରେ ହିଁ ସଂପର୍କର ନିଅ ଥାଏ । ଆଉ ଯଦି ଉଭୟଙ୍କ ମଧ୍ୟରେ ଆଗ ପରି ବିଶ୍ୱାସ ନରହେ ତେବେ ଜବରଦସ୍ତ ସଂପର୍କ ରଖିବାର ମାନେ କିଛି ନଥାଏ ।
ଯିଏ ଆପଣଙ୍କୁ ପ୍ରେମ କରେ :
କେବଳ ଏଥିପାଇଁ ସଂପର୍କ ଯୋଡନ୍ତୁ ନାହିଁ କି ଆପଣ ତାଙ୍କୁ ପ୍ରେମ କରନ୍ତି । ବରଂ ଦେଖନ୍ତୁ ଯେ ଆପଣଙ୍କୁ କିଏ ଭଲ ପାଏ । ସେଥିପାଇଁ ଏମିତି ଏକ ସାଥୀ ବାଛନ୍ତୁ ଯିଏ କୌଣସି ବି ପରିସ୍ଥିତିରେ ଆପଣଙ୍କ ହାତ ଛାଡିବନି । ତେଣୁ ପୁରୁଣା ସାଥୀ ପାଖକୁ ଯିବା ଆଗରୁ ନିଜକୁ ପ୍ରଶ୍ନ କରନ୍ତୁ କି କଣ ସେ ବି ଆପଣଙ୍କ ପରି ସଂପର୍କକୁ ନେଇ ଗମ୍ଭୀର ଅଛନ୍ତି ? ଯଦି ଉତ୍ତର ନାଁ ତେବେ ସଂପର୍କକୁ ଆଉ ଆଗକୁ ନିଅନ୍ତୁ ନାହିଁ । ଭାବପ୍ରବଣ ଏବଂ ତର ତର ହୋଇ ପୁରୁଣା ସଂପର୍କକୁ ଫେରିବା ପୂର୍ବରୁ ଅନ୍ତତଃ ୧୦ ଥର ଭାବନ୍ତୁ ।
ଏହା ସହ ଦେଖନ୍ତୁ ପ୍ରେମ ପରେ ପରିବର୍ତ୍ତନ ! ସଂପର୍କ ବଢିବା ପରେ ବଦଳିଯାଏ ଝିଅଙ୍କ ଏହି ୬ଟି ଅଭ୍ୟାସ