‘ଜଙ୍ଗଲ ବାଥ୍’ କରନ୍ତୁ, ଫିଟ୍ ରୁହନ୍ତୁ ! ସ୍ୱାସ୍ଥ୍ୟବାନ୍ ହେବାର ଏକ ସହଜ ଉପାୟ
ଜୀବନକୁ ଚାପମୁକ୍ତ , ସୁସ୍ଥ ଓ ଆନନ୍ଦଦାୟକ ରଖିବା ପାଇଁ ଜାପାନୀ ଲୋକମାନେ ଦୀର୍ଘବର୍ଷ ଧରି ଯେଉଁ ପ୍ରାକୃତିକ ବିଧି ଉପରେ ଗବେଷଣା କରୁଥିଲେ ଏବେ ସେଥିରେ ସଫଳତା ମିଳିଛି । ଏହି ବିଧି ହେଉଛି ଜଙ୍ଗଲ ବାଥ୍ ଅର୍ଥାତ୍ ଜଙ୍ଗଲ ସ୍ନାନ । ପୂର୍ବରୁ ଏଠାକାର ଲୋକମାନେ ଏହି ବିଧିକୁ ଗ୍ରହଣ କରିଆସୁଥିଲା ବେଳେ ଏବେ ସାଧାରଣରେ ଏହା ବେଶ୍ ଆଦୃତ ଲାଭ କରୁଛି ।
Kanak News is now on WhatsApp
Join and get latest news updates delivered to you via WhatsApp
ଗବେଷକମାନଙ୍କର କହିବା ଅନୁସାରେ ଦୀର୍ଘ ସମୟ ଚାଲିବା,ଜିମ୍ ଯିବା କିମ୍ବା ବ୍ୟାୟାମ ମଧ୍ୟ ନକରି ଜଣେ ଫିଟ୍ ରହିପାରିବ । ଜୀବନକୁ ଚାପମୁକ୍ତ କରିବା ପାଇଁ କିଛି ସମୟ ଘନ ଜଙ୍ଗଲରେ ,ଗଛପତ୍ର ମାନଙ୍କ ନିକଟରେ ସମୟ କାଟିବା ଯଥେଷ୍ଟ ଅଟେ । ଏହି ଜଙ୍ଗଲ ବାଥ୍ କନସେପ୍ଟ ବେଶ୍ ଫାଇଦା ପୂର୍ଣ୍ଣ । ଦେଶର ଜାତୀୟ ସ୍ୱାସ୍ଥ୍ୟ ଯୋଜନା ଅନ୍ତର୍ଗତ ଏହି ବ୍ୟବସ୍ଥାକୁ ଏବେ ଅଧିକ ଗୁରୁତ୍ୱ ଦିଆଯାଇଛି । ବୈଜ୍ଞାନିକଙ୍କ କହିବା ଅନୁସାରେ ଜଙ୍ଗଲ ସ୍ନାନର ଅର୍ଥ ହେଉଛି ଗଛ ଲତାମାନଙ୍କ ମଧ୍ୟରେ ସମୟ କାଟିବା । ଏହାଦ୍ୱାରା ଶୁଦ୍ଧ ପବନ ଓ ସେମାନଙ୍କ ଠାରୁ ନିର୍ଗତ ହେଉଥିବା ମହକ ଶରୀରକୁ ଅଧିକ ଶକ୍ତି ପ୍ରଦାନ କରିଥାଏ । ଏହାଦ୍ୱାରା ଶରୀର ବିଭିନ୍ନ କୀଟାଣୁ ଓ ଜୀବାଣୁମାନଙ୍କ ଠାରୁ ସୁରକ୍ଷିତ ରହିଥାଏ ।