ଦେଶର ପରବର୍ତ୍ତୀ ସେନାଧ୍ୟକ୍ଷ ହେବେ ଲେଫ୍ଟନାଣ୍ଟ ଜେନେରାଲ ମନୋଜ ମୁକୁନ୍ଦ ନାରାଭାଣେ । ବିପିନ୍ ରାୱତଙ୍କ ଅବସର ପରେ ମନୋଜ ସେନା ମୁଖିଆ ଭାବେ କରିବେ କାର୍ଯ୍ୟ ।
କନକ ବ୍ୟୁରୋ : ଦେଶର ପରବର୍ତ୍ତୀ ସେନାମୁଖ୍ୟ ହେବେ ଲେଫ୍ଟନାଣ୍ଟ ଜେନେରାଲ ମନୋଜ ମୁକୁନ୍ଦ ନାରାଭାଣେ । ବିପିନ୍ ରାୱତଙ୍କ ଅବସର ପରେ ସେନାଧ୍ୟକ୍ଷ ଭାବେ ଦାୟିତ୍ୱ ତୁଲାଇବେ ମନୋଜ । ଆସନ୍ତା ୩୧ରେ ସେନାମୁଖ୍ୟ ପଦରୁ ଅବସର ଗ୍ରହଣ କରିବେ ବିପିନ୍ ରାୱତ । ତେଣୁ ବରିଷ୍ଠତା କ୍ରମରେ ମୁକୁନ୍ଦଙ୍କୁ ଏହି ଦାୟିତ୍ୱ ଦିଆଯିବ । ମନୋଜ ଏବେ ଭାରତୀୟ ସେନାର ଉପମୁଖ୍ୟ ଭାବେ କାର୍ଯ୍ୟ କରୁଛନ୍ତି । ନିଜର ୩୭ ବର୍ଷର କାର୍ଯ୍ୟକାଳ ଭିତରେ ସେନାର ବିଭିନ୍ନ ପଦପଦବୀରେ ମନୋଜ ବେଶ ସଫଳତାର ସହ କାର୍ଯ୍ୟ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
Lieutenant General Manoj Mukund Naravane will be the 28th Chief of Army Staff and will succeed General Bipin Rawat on December 31. Once he takes over, chiefs of all the three services would be from the 56th course of NDA. https://t.co/aBTV2fEH1G pic.twitter.com/ZcO3Ie86Jm
— ANI (@ANI) December 16, 2019
ଏହାପୂର୍ବରୁ ସ୍ଥଳସେନାର ଉପମୁଖ୍ୟ ଭାବେ ଗତ ସେପ୍ଟେମ୍ବରରେ ଦାୟିତ୍ୱ ଗ୍ରହଣ କରିଥିଲେ ମନୋଜ । ଏହି ପଦରେ ବସିବା ପୂର୍ବରୁ ସେ ସେନାର ପୂର୍ବାଞ୍ଚଳ ବିଗ୍ରେଡର ମୁଖ୍ୟ ଭାବେ କାର୍ଯ୍ୟ କରୁଥିଲେ । ଏହାସହ ଜମ୍ମୁ-କାଶ୍ମୀରରେ ମଧ୍ୟ କାର୍ଯ୍ୟ କରିବାର ଅଭିଜ୍ଞତା ମନୋଜଙ୍କ ନିକଟରେ ରହିଛି । ଲେଫ୍ଟନାଣ୍ଟ ଜେନେରାଲ ମନୋଜ ଏନଡିଏ ସମେତ ଆଇଏମଏରୁ ପାସ ଆଉଟ ହୋଇଛନ୍ତି ।