ଏଲଜିର ବଡ ଧମାକା ! ଖୁବଶିଘ୍ର ବଜାରକୁ ଲଞ୍ଚ ହୋଇପାରେ ୫ଟି କ୍ୟାମେରା ବିଶିଷ୍ଟ ସ୍ମାର୍ଟଫୋନ, ଜାଣନ୍ତୁ କଣ ରହିଛି ଫିଚର୍ସ ଏବଂ ମୂଲ୍ୟ ।
ଏଲଜି ଆଣିଲା ୫ଟି କ୍ୟାମେରା ବିଶିଷ୍ଟ ନୂଆ ସ୍ମାର୍ଟଫୋନ୍ । ସାଧାରଣତଃ ଏବେ ବଜାରକୁ ଆସୁଥିବା ସ୍ମାର୍ଟ ଫୋନ ଗୁଡିକରେ ଦୁଇଟି କିମ୍ବା ତିନୋଟି କ୍ୟାମେରା ଉପଲବ୍ଧ ରହୁଥିବା ବେଳେ ଏଲଜି କମ୍ପାନୀ ୫ଟି କ୍ୟାମେରା ବିଶିଷ୍ଟ ଏକ ସ୍ମାର୍ଟଫୋନ ଖୁବ ଶିଘ୍ର ବଜାରକୁ ଲଞ୍ଚ କରିବାକୁ ଯାଉଛି । ଯାହା ଲୋକଙ୍କୁ ଏକ ନୂଆ ଅନୁଭବ ପ୍ରଦାନ କରିବ ବୋଲି କମ୍ପାନୀ ତରଫରୁ ସୂଚନା ମିଳିଛି ।
Kanak News is now on WhatsApp
Join and get latest news updates delivered to you via WhatsApp
ସୂଚନା ଅନୁଯାୟୀ, ଦକ୍ଷିଣ କୋରିଆର ଇଲେକ୍ଟ୍ରୋନିକ୍ସ କମ୍ପାନୀ ଏଲଜି ୫ଟି କ୍ୟାମେରା ଲାଗିଥିବା ଏକ ନୂଆ ସ୍ମାର୍ଟଫୋନ୍ ବଜାରକୁ ଆଣିଛି। ଏହି ସ୍ମାର୍ଟଫୋନର ନାମ ଭି୪୦ ଥିନକ୍ୟୁ ରହିଛି। ସ୍ମାର୍ଟଫୋନର ପଛପାର୍ଶ୍ବରେ ୩ଟି ଏବଂ ସାମ୍ନା ଭାଗରେ ଦୁଇଟି କ୍ୟାମେରା ରହିଛି । ଏଲଜିର ଏହା ପ୍ରଥମ ସ୍ମାର୍ଟଫୋନ୍ ଯାହାର ପଛପାର୍ଶ୍ବରେ ୩ଟି କ୍ୟାମେରା ଲାଗିଛି । ଅବଶ୍ୟ ଏହି ସ୍ମାର୍ଟଫୋନ ଏବେ ଭାରତରେ ଉନ୍ମୋଚନ ହୋଇନାହିଁ କିମ୍ବା କେବେ ହେବ ସେ ନେଇ କିଛି ସୂଚନା ଦିଆଯାଇ ନାହିଁ । ନୂଆ ସ୍ମାର୍ଟଫୋନରେ କ୍ବାଲକମ ସ୍ନାପଡ୍ରାଗନ ୮୪୫ ପ୍ରୋସେସର ସହିତ ୬ ଜିବି ରାମ୍ ରହିଛି । ଏଥିସହିତ ୬୪ ଜିବିର ଇନବିଲ୍ଟ ଷ୍ଟୋରେଜ ସୁବିଧା ମଧ୍ୟ ରହିଛି । ତେବେ ମାଇକ୍ରୋ ଏସଡି କାର୍ଡ ମାଧ୍ୟମରେ ଏହାର ଷ୍ଟୋରେଜକୁ ୨ ଟେରାବାଇଟ୍ ପର୍ୟ୍ୟନ୍ତ ବୃଦ୍ଧି କରାଯାଇପାରିବ। ଉକ୍ତ ସ୍ମାର୍ଟଫୋନରେ ୬.୪ ଇଞ୍ଚର କ୍ୟୁଏଚଡି ପ୍ଲସ୍ ଓ ଏଲଇଡି ଡିସପ୍ଲେ ରହିଛି । ପଛପଟେ କମ୍ପାନି ଫିଙ୍ଗରପ୍ରିଣ୍ଟ ସେନ୍ସର୍ ଦେଇଛି। ଉକ୍ତ ସ୍ମାର୍ଟଫୋନର ମୂଲ୍ୟ ୯୦୦ ଡଲାର (ଭାରତୀୟ ମୁଦ୍ରାରେ ପ୍ରାୟ ୬୬,୩୦୦ ଟଙ୍କା) ରହିଛି।