କନକ ବ୍ୟୁରୋ : ଭାରତୀୟ ଜନତା ପାର୍ଟିରେ କଂଗ୍ରେସ୍ ଓ ବିଜେଡିର ହେଭିୱେଟ୍ ନେତା । କେନ୍ଦ୍ର ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଓ ରାଜ୍ୟ ସଭାପତି ବସନ୍ତ ପଣ୍ଡାଙ୍କ ଉପସ୍ଥିତିରେ ଆଜି ଯାଜପୁର, କେନ୍ଦୁଝର ଜିଲାରୁ ବହୁ ବଡ଼ ବଡ଼ ନେତା ବିଜେପିରେ ଯୋଗ ଦେଇଛନ୍ତି । ଯାଜପୁର ସୁକିନ୍ଦାରୁ ବିଜେଡି ନେତା ପ୍ରଦୀପବଳ ସାମନ୍ତଙ୍କ ସହ ଏକାଧିକ ସରଂପଚ, ପଂଚାୟତସମିତି ସଦସ୍ୟ ବିଜେପିରେ ଯୋଗ ଦେଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସେହିପରି କେନ୍ଦୁଝର ଜିଲ୍ଲାର କଂଗ୍ରେସ୍ ନେତା ଧୁର୍ନଜୟ ସିନ୍ଧୁ, ପୂର୍ବତନ କଂଗ୍ରେସ ବିଧାୟକ ପୃଥିରାଜ କଅଁର ଏବଂ ଲାଲା ମନୋଜ ରାୟ ମଧ୍ୟ ଆଜି ବିଜେପିରେ ଯୋଗ ଦେଇଛନ୍ତି । ସେହିଭଳି ଧର୍ମଶାଳାରୁ ସମାଜସେବୀ ସୁର ପଣ୍ଡା ଓ ଶତାଧିକ କର୍ମୀ ବିଜେପିରେ ଯୋଗ ଦେଇଥିଲେ । ବିଜେପିରେ ଓଡ଼ିଶା କ୍ଷେତ ମଜଦୁର କିଷାନ ପରିଷଦର ବିଲୟ ଘଟିଛି । ପରିଷଦର ସଭାପତି ଗଦାଧର ମିଶ୍ରଙ୍କ ସମେତ ରାଜ୍ୟର ବିଭିନ୍ନ ଜିଲ୍ଲାରୁ ୧୮୦ଜଣ ସଭ୍ୟ ବିଜେପିରେ ଯୋଗ ଦେଇଛନ୍ତି ।