ଆଜି ପୁଣି ଆନ୍ଦୋଳନକୁ ଓହ୍ଲାଉଛନ୍ତି ଆଇନଜୀବୀ । ଓକିଲଙ୍କ ଆନ୍ଦୋଳନ ପ୍ରତି ସରକାରଙ୍କ ଭୂମିକାକୁ ପ୍ରଶ୍ନ ଉଠାଇ ରାଜ୍ୟବ୍ୟାପୀ ଆନ୍ଦୋଳନକୁ ଓହ୍ଲାଉଛନ୍ତି ଆଇନଜୀବୀ ।
୨ ମାସରୁ ଅଧିକ ସମୟ ଧରି ଚାଲିଥିବା ଓକିଲଙ୍କ ଆନ୍ଦୋଳନ ଏକ ନୂଆ ମୋଡ଼ ନେଇଛି
କନକ ବ୍ୟୁରୋ: ଆଜି ରାଜ୍ୟ ବ୍ୟାପୀ ଆନ୍ଦୋଳନକୁ ଓହ୍ଲାଉଛନ୍ତି ଆଇନଜୀବୀ । ୨ ମାସରୁ ଅଧିକ ସମୟ ଧରି ଚାଲିଥିବା ଓକିଲଙ୍କ ଆନ୍ଦୋଳନ ଏକ ନୂଆ ମୋଡ଼ ନେଇଛି । ଓକିଲଙ୍କ ଆନ୍ଦୋଳନ ପ୍ରତି ସରକାରଙ୍କ ଭୂମିକାକୁ ପ୍ରଶ୍ନ ଉଠାଇ ରାଜ୍ୟବ୍ୟାପୀ ଆନ୍ଦୋଳନକୁ ଓହ୍ଲାଉଛନ୍ତି ଆଇନଜୀବୀ । ଆଜି ରାଜ୍ୟର ସବୁ ଜିଲ୍ଲାର ଓକିଲ ସଂଘ ପକ୍ଷରୁ ଏହି ଘଟଣାର ପ୍ରତିବାଦ କରିବାକୁ ନିଷ୍ପତି ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ଓକିଲଙ୍କ ଆନ୍ଦୋଳନକୁ ସରକାର ଜାଣିଶୁଣି ଦୁର୍ବଳ କରୁଥିବା ଅଭିଯୋଗ କରି ଏହାର ପ୍ରତିବାଦ କରିବ ସମସ୍ତ ଓକିଲ ସଂଘ । ଆଜି ଦିନ ୧୨ଟାରୁ ଏହି ପ୍ରତିବାଦ କରାଯିବ । ବାର୍ କାଉନସିଲ୍ ବିରୋଧରେ ଯାଇଥିବା ୪ ଜଣ ବରିଷ୍ଠ ଆଇନଜୀବୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ପାଇଁ ନିଷ୍ପତି ହୋଇଛି । ସଂଘ ବିରୋଧରେ ଯାଇଥିବାରୁ ଏଭଳି ନିଷ୍ପତି ନିଆଯାଇଛି ।
ସେପଟେ ଆଇନଜୀବୀଙ୍କୁ ପୋଲିସର ଆକ୍ରମଣ ମାମଲାର ବିଚାରବିଭାଗୀୟ ତଦନ୍ତ ହେବ ବୋଲି କହିଛନ୍ତି ହାଇକୋର୍ଟ । ୯ତାରିଖ ସୁଦ୍ଧା ତଦନ୍ତ ସାରିବାକୁ କୋର୍ଟ ନିର୍ଦ୍ଦେଶ ଦେଇଛନ୍ତି । ହାଇକୋର୍ଟ ବିଚାରପତି ଜଷ୍ଟିସ ସିଆର ଦାସ, ତଦନ୍ତ କିଭଳି ଚାଲିଛି ତାର ତଦାରଖ କରିବେ ।