ଉଦ୍ଭାବନ ହେଲା ଗ୍ୟାସ ଚାଳିତ ଆଇରନ୍ ! ୫ କିଲୋ ଏଲପିଜି ଗ୍ୟାସରେ ହୋଇପାରିବ ୮ଶହରୁ ଅଧିକ ଡ୍ରେସ ଆଇରନ୍ ।
ତାମିଲନାଡୁ କୋୟବଟୁରର ଏକ ଲଣ୍ଡ୍ରୀ ବାଲା ଏକ ନୂଆ ଆଇରନ୍ ଆବିଷ୍କାର କରିଛନ୍ତି । ଏହି ଆଇରନ୍ କୌଣସି କୋଇଲା କିମ୍ବା କରେଣ୍ଟରେ ଚାଳିତ ହେଉନାହିଁ । ଏହି ଆଇରନ ଚାଲୁଛି ଏଲପିଜି ଗ୍ୟାସରେ । ପରିବେଶ ଉପରେ କୌଣସି କୁପ୍ରଭାବ ପକାଉନଥିବା ଏହି ଆଇରନ ଧିରେ ଧିରେ ଲୋକପ୍ରିୟ ହେବାରେ ଲାଗିଛି ।
Kanak News is now on WhatsApp
Join and get latest news updates delivered to you via WhatsApp
ଲଣ୍ଡ୍ରୀ ମାଲିକ ପ୍ରଭୁଙ୍କ କହିବା ଅନୁସାରେ, ପ୍ରଥମେ ଲୋକମାନେ ଡ୍ରେସ ଆଇରନ୍ କରିବା ପାଇଁ ଚାରକୋଲ ବ୍ୟବହାର କରୁଥୁଲେ, ଯେଉଁଥିରେ ସବୁବେଳେ ବିପଦ ଲାଗି ରହୁଥିଲା । ଯଦି କୌଣସି କାରଣରୁ ଖଣ୍ଡେ ଚାରକୋଲ ଆଇରନ ହେଉଥିବା କପଡା ଉପରେ ପଡିଯାଏ ତେବେ ଦୋକାନୀ ସମେତ ଗ୍ରାହକ ମଧ୍ୟ କ୍ଷତିରେ ପଡିପାରନ୍ତି । ତେଣୁ ଏହାକୁ ଛାଡି ପରେ ବିଜୁଳି ଚାଳିତ ଆଇରନର ବ୍ୟବହାର ଆରମ୍ଭ ହେଲା, କିନ୍ତୁ ଏଥିରେ ବି ବ୍ୟବସାୟରେ ଘାଟା ହେବାରେ ଲାଗିଲା । ବିଜୁଳି ଘଣ୍ଟା ଘଣ୍ଟା ଧରି କାଟ ହେବା ଫଳରେ ଗ୍ରାହକମାନଙ୍କୁ ଠିକ ସମୟରେ ଡ୍ରେସ ଆଇରନ କରି ଦେଇ ହେଉନଥିଲା । ଯହାଫଳରେ ବ୍ୟବସାୟରେ ଭାରିମାତ୍ରାରେ ଘାଟା ଦେଖାଦେଉଥିଲା । କିନ୍ତୁ ଏବେ ଆବିଷ୍କାର ହୋଇଥିବା ଗ୍ୟାସ ଚାଳିତ ଆଇରନରେ ପୂର୍ବଭଳି କୌଣସି ଅସୁବିଧା ନଜର ଆସୁନାହିଁ । ଏଲପିଜି ଗ୍ୟାସ ଦ୍ୱାରା ଆଇରନ ଚାଲିବାରୁ ଡ୍ରେସ ଉପରେ ନା’ତ ଚାରକୋଲ ପଡିବାର ଡର ଅଛି ନାହଁ କରେଣ୍ଟ କଟିବାର ଡର ଅଛି । ଖୁବ ସହଜରେ ଡ୍ରେସକୁ ଆଇରନ କରାଯାଇ ପାରୁଛି ।
ପ୍ରଭୁ ଏହା ମଧ୍ୟ କହିଛନ୍ତି, ଚାରକୋଲ ଏବଂ କରେଣ୍ଟରେ ଚାଲୁଥିବା ଆଇରନ ଠାରୁ ଗ୍ୟାସ ଚାଳିତ ଆଇରନରେ ବେଶ କମ୍ ଟଙ୍କା ଖର୍ଚ୍ଚ ହେଉଛି । ୫ କିଲୋ ଏଲପିଜିରେ ପ୍ରାୟ ୮୦୦ରୁ ଅଧିକ ଡ୍ରେସ ଆଇରନ କରାଯାଇପାରୁଛି । ଏଥିସହିତ ଆଗ ଅପେକ୍ଷା ସମୟ ମଧ୍ୟ ବଞ୍ଚୁଛି । ଯହା ଫଳରେ ଏହି ଆଇରନ ଚାହିଦା କାଫି ବଢିବାରେ ଲାଗିଛି । ଏଲପିଜି ଗ୍ୟାସ ଆଇରନ ବ୍ୟବହାର କରିବା ଦ୍ୱାରା ପରିବେଶ ପ୍ରଦୂଷଣରୁ ରକ୍ଷା ପାଉଛି ।