ଦେଖନ୍ତୁ ବିସ୍ଫୋରଣ ପୂର୍ବରୁ ବସ୍ ଭିତରର ସେହି ଶେଷ ଭିଡିଓ! ସହିଦ ହେବା ପୂର୍ବରୁ ସରପ୍ରାଇଜ ଦେବାକୁ ଚାହୁଁଥିଲେ ସୁଖଜିନ୍ଦର, ପତ୍ନୀ ଭିଡିଓ ଦେଖିବା ପୂର୍ବରୁ ମିଳିଲା ମୃତ୍ୟୁ ଖବର ।
ପୁଲୱାମା ଆତଙ୍କବାଦୀ ଆକ୍ରମଣରେ ୪୦ ଜଣ ସିଆରପିଏଫ ଯବାନ ସହିଦ ହୋଇଥିବା ବେଳେ ଦେଶବାସୀ ନିଜ ବୀରପୁତ୍ରଙ୍କୁ ଝୁରୁଛନ୍ତି । ଆଉ ଏସବୁ ଭିତରେ ଆତଙ୍କବାଦୀ ଆକ୍ରମଣରେ ବସ ବିସ୍ଫୋରଣ ହେବା ପୂର୍ବର ଭିଡିଓ ସାମ୍ନାକୁ ଆସିଛି । ଯେଉଁ ଭିଡିଓକୁ ଆକ୍ରମଣ ପୂର୍ବରୁ ରେକର୍ଡ କରି ନିଜ ପତ୍ନୀଙ୍କ ପାଖକୁ ପଠାଇଥିଲେ ପଞ୍ଜାବର ବୀର ସହିଦ ଯବାନ ସୁଖଜିନ୍ଦର ସିଂ ।
Kanak News is now on WhatsApp
Join and get latest news updates delivered to you via WhatsApp
ଜାତୀୟ ଗଣମାଧ୍ୟମର ରିପୋର୍ଟ ଅନୁଯାୟୀ, ସହିଦ ଯବାନ ସୁଖଜିନ୍ଦର ବିସ୍ଫୋରଣ ପୂର୍ବରୁ ପତ୍ନୀଙ୍କୁ ଶ୍ରୀନଗର ଅଭିମୁଖେ ଯାଉଥିବା ଫୋନ ଯୋଗେ କହିଥିଲେ । କିନ୍ତୁ ପତ୍ନୀଙ୍କୁ ଏହା ବିଶ୍ୱାସ ନ ହେବାରୁ ସୁଖଜିନ୍ଦର ବସ ଭିତରେ ବସି ଯାତ୍ରା ସମୟର ଭିଡିଓ କରି ପତ୍ନୀଙ୍କ ମୋବାଇଲକୁ ଫଠାଇଥିଲେ । ତେବେ ଭିଡିଓ ପଠାଇବାର ଏକ ଘଣ୍ଟା ପରେ ଆତଙ୍କବାଦୀ ଆକ୍ରମଣରେ ବସଟି ବିସ୍ଫୋରଣ ହୋଇଥିଲା । ତେବେ ମୋବାଇଲରେ ଭିଡିଓ ଦେଖିବା ପୂର୍ବରୁ ସ୍ୱାମୀଙ୍କ ମୃତ୍ୟୁ ଖବର ପାଇଥିଲେ ପତ୍ନୀ ସରବଜିତ ।
ଆତଙ୍କବାଦୀ ଆକ୍ରମଣରେ ସ୍ୱାମୀ ସୁଖଜିନ୍ଦର ସହିଦ ହେବା ଖବର ଶୁଣିବା ପରେ ମୋବାଇଲ ଦେଖିନଥିଲେ ସରବଜିତ । ତେବେ ଶୁକ୍ରବାର ନିଜର ମୋବାଇଲ ଦେଖିବା ପରେ ସ୍ୱାମୀଙ୍କ ଶେଷ ମେସେଜ ଦେଖିଥିଲେ ସରବଜିତ୍ । ଆଉ ଏହା ଦେଖିବା ପରେ ନିଜକୁ ସମ୍ଭାଳି ପାରିନଥିଲେ ସରବଜିତ୍ । ଏହାପୂର୍ବରୁ ଦେଶ ପାଇଁ ପ୍ରାଣବଳି ଦେଇଥିବାରୁ ସହିଦ ସ୍ୱାମୀ ସୁଖଜିନ୍ଦର ପାଇଁ ସେ ଗର୍ବ କରୁଛନ୍ତି ବୋଲି କହିଥିଲେ ପତ୍ନୀ ସରବଜିତ୍ । ଏହାସହ କହିଥିଲେ, ପାକିସ୍ତାନକୁ ବୁଦ୍ଧି ଶିଖାଇବାକୁ ହେଲେ ଭାରତକୁ ଏବେ ଆର-ପାର ଲଢେଇ କରିବା ଆବଶ୍ୟକ ।