ଜମ୍ମୁକଶ୍ମୀରର ଭାରତ-ପାକ୍ ନିୟନ୍ତ୍ରଣ ରେଖାରେ ଲସ୍କର–ଇ-ତୋଇବାର ଅନୁପ୍ରବେଶ ଉଦ୍ୟମ ! ୪୫ ଆତଙ୍କବାଦୀ ସୀମା ପାର ପାଇଁ ପ୍ରସ୍ତୁତ
କନକ ବ୍ୟୁରୋ : ଭାରତ-ପାକିସ୍ତାନ ସୀମାକୁ ଲାଗିଥିବା ନିୟନ୍ତ୍ରଣ ସୀମାରେ ରେଖାରେ ଅନୁପ୍ରବେଶ ପାଇଁ ଆତଙ୍କବାଦୀ ସଙ୍ଗଠନ ଲସ୍କର ଷଡଯନ୍ତ୍ର କରୁଛି । ପ୍ରୟ ୪୫ ଆତଙ୍କବାଦୀ ଏଲଓସି ଦେଇ ଭାରତରେ ପ୍ରବେଶ ପାଇଁ ପ୍ରସ୍ତୁତ ହୋଇ ରହିଛନ୍ତି । ଗୁଇନ୍ଦା ବିଭାଗ ଏ ନେଇ ସୂଚନା ଦେବା ପରେ କାଶ୍ମୀରରେ ଆଲର୍ଟ ଜାରି କରାଯାଇଛି । କାଶ୍ମୀର ପୁଂଚ ଜିଲ୍ଲା କ୍ରିଷ୍ଣା ଘାଟି ସେକ୍ଟରର ନାଙ୍ଗି ଟେକ୍ରି ଅଂଚଳ ଏଭଳି ଅନୁପ୍ରବେଶ ଉଦ୍ୟମ ହେଉଛି । ଏଥିପାଇଁ ଭାରତୀୟ ସିକ୍ୟୁରିଟି ପୋଷ୍ଟ ଆଖପାଖ ଅଂଚଳରେ ଆଇଡି ବ୍ଲାଷ୍ଟ ହେବା ସମ୍ଭାବନା ବି ରହିଛି । ଏହାକୁ ଦେଖି ପ୍ରତିଷେଧମୂଳକ ବ୍ୟବସ୍ଥା ନେବାକୁ କୁହାଯାଉଛି । ସୁରକ୍ଷା ବଳକୁ ମଧ୍ୟ ଆବଶ୍ୟକୀୟ ପଦକ୍ଷେପ ନେବାକୁ ନିର୍ଦ୍ଦେଶ ଦିଆଯାଇଛି ।
Kanak News is now on WhatsApp
Join and get latest news updates delivered to you via WhatsApp
ଭାରତ ପାକିସ୍ତାନ ମଧ୍ୟରେ ଉତ୍ତେଜନା ସହିତ ସୀମାନ୍ତରେ ପାକିସ୍ତାନ ପକ୍ଷରୁ ବାରମ୍ବାର ଅସ୍ତ୍ରବିରତି ଉଲଂଘନ କରାଯାଉଥିବା ବେଳେ ଲସ୍କର ଇ ତୋଇବା ଆତଙ୍କବାଦୀ ସଙ୍ଗଠନର ଏକ ବଡ଼ ଟିମ୍ ଭାରତ ମଧ୍ୟକୁ ଅନୁପ୍ରବେଶ କରିବା ନିହାତି ଚିନ୍ତାର ବିଷୟ ପାଲଟିଛି । ବିଶେଷ କରି ଭାରତରେ ଆତଙ୍କବାଦୀ କାର୍ୟ୍ୟକଳାପକୁ ଜୋରଦାର କରିବା ପାଇଁ ଲସ୍କର ଇ ତୋଇବା ୪୫ ଜଣ ଆତଙ୍କବାଦୀଙ୍କୁ ଭାରତ ମଧ୍ୟକୁ ଅନୁପ୍ରବେଶ କରାଇବା ଯୋଜନାରେ ରହିଥିବା ଜଣାପଡ଼ିଛି । ତେଣୁ ଉପଯୁକ୍ତ ପଦକ୍ଷେପ ନେଇ ଆତଙ୍କବାଦୀଙ୍କ ଯୋଜନାକୁ ପଣ୍ଡ କରିବା ପାଇଁ ଗୁଇନ୍ଦା ବିଭାଗ ପକ୍ଷରୁ ସତର୍କ କରି ଦିଆଯାଇଛି ।
ଜାମ୍ମୁ ଓ କଶ୍ମୀରର ଜଣେ ବରିଷ୍ଠ ପୁଲିସ ଅଧିକାରୀ କହିଛନ୍ତି, ଯେଉଁ ବାଟ ଦେଇ ଲସ୍କର-ଇ-ତୋଇବାର ଆତଙ୍କବାଦୀମାନେ ଭାରତରେ ଅନୁପ୍ରବେଶ ପାଇଁ ଯୋଜନା କରିଛନ୍ତି, ତାହା ଭାରତୀୟ ସେନାର ୧୦ମ ବାଟାଲିୟନ ଇନଫାଣ୍ଟ୍ରି ବିଗ୍ରେଡ ଅଧିନରେ ଆସୁଛି । ତେଣୁ ଯେଉଁ ଗୁଇନ୍ଦା ସୂଚନା ମିଳିଛି ଏ ସମ୍ପର୍କରେ ସେନା ଓ ବିଏସଏଫକୁ ଅବଗତ କରାଯାଇଛି । ସେହିପରି ବିଏସଏଫର ଜଣେ ବରିଷ୍ଠ ଅଧିକାରୀ କହିଛନ୍ତି ଅତୀତରେ ଯେତେବେଳେ ବି ପାକିସ୍ତାନ ପକ୍ଷରୁ ଅସ୍ତ୍ରବିରତି ଉଲଂଘନ କରାଯାଇଛି, ସବୁଥର କିଛି ଆତଙ୍କବାଦୀଙ୍କୁ ଅନୁପ୍ରବେଶ ପାଇଁ ସୁଯୋଗ ଦେବାକୁ ହାଇଛି । ଏଥର ସେମାନେ ବଡ଼ ଧରଣର ଅନୁପ୍ରବେଶ ପାଇଁ ଯୋଜନା କରୁଥିବା ଜଣାପଡ଼ିଛି । ତେଣୁ ଆମେ ଏହି ଯୋଜନାକୁ ପଣ୍ଡ କରିବା ପାଇଁ ପ୍ରସ୍ତୁତ ଅଛୁ ବୋଲି ଅଧିକାରୀ ଜଣକ କହିଛନ୍ତି ।