ସୁକିନ୍ଦା ବିଧାୟକଙ୍କ ବିରୋଧରେ ଜମି ହଡପ ଅଭିଯୋଗ ! ଜଙ୍ଗଲ ଜମିକୁ କିସମ ପରିବର୍ତ୍ତନ କରି ବେଆଇନ୍ ଭାବେ ହଡପ କରିଥିବା କହିଲା କଂଗ୍ରେସ
କନକ ବ୍ୟୁରୋ : ବିଧାୟକଙ୍କ ବିରୋଧରେ ଜମି ହଡପ ଅଭିଯୋଗ । ଶାଳ ଜଙ୍ଗଲ ଜମିକୁ ବେଆଇନ ଭାବେ କିସମ ପରିବର୍ତ୍ତନ କରି ହଡପ କରିବା ଅଭିଯୋଗ ହୋଇଛି । ଆଉ ଏହି ଅଭିଯୋଗ ଆସିଛି ସୁକିନ୍ଦା ବିଧାୟକ ପ୍ରିତିରଞ୍ଜନ ଘଡେଇଙ୍କ ବିରୋଧରେ । ଏହି ଘଟଣା ଏବେ ରାଜନୈତିକ ମୋଡ ନେଇଛି । ଦାନଗଦି ବ୍ଲକ କଂଗ୍ରେସ ପକ୍ଷରୁ ଦାନଗଦି ତହସିଲ ଘେରାଉ କରାଯିବା ସହ ବିଧାୟକଙ୍କ ଗିରଫ ଦାବି ଯୋର ଧରିଛି ।
Kanak News is now on WhatsApp
Join and get latest news updates delivered to you via WhatsApp
ସୂଚନା ଅନୁସାରେ ଦାନଗଦୀ ତହସିଲ ବାଲିଆପାଳ ମୌଜାର ହାଲ ବନ୍ଦବସ୍ତ ଅନୁଯାୟୀ ଖାତା ନମ୍ବର ୩୧୪, ପ୍ଲଟ ନଂ ୮୬୮ରେ ଥିବା ୧ଏକର ୪୦ ଡିସିମିଲ ସାବକ କିସମ ଓ ଅନାବାଦୀ ଶାଳ ଜଙ୍ଗଲ ଜମିକୁ ଚଂଚକତା କରି କିସମ ପରିବର୍ତ୍ତନ କରି ରେକର୍ଡ କରାଯାଇଛି । ଯାହାର ମାଲିକ ଓ ମାର୍ଫତଦାର ପ୍ରିତିରଞ୍ଜନ ଘଡାଇ ପିତା ପ୍ରଫୁଲ୍ଲ ଚନ୍ଦ୍ର ଘଡାଇ ବୋଲି ଉଲ୍ଲେଖ ରହିଛି । ଏହି ଜମି ଦୁର୍ନୀତି ଜଣାପଡିବା ପରେ ଦାନଗଦୀ ବ୍ଲକ କଂଗ୍ରେସ, ବିଧାୟକଙ୍କର ଗିରଫ ଦାବିରେ ଏକ ଦାବିପତ୍ର ପ୍ରଦାନ କରିଛି । ତହସିଲ ଦାର ଦାବିପତ୍ର ଗ୍ରହଣ କରି ବିହିତ କାର୍ଯ୍ୟାନୁଷ୍ଠାନ ନେବାକୁ କହିଥିବା ବେଳେ ବିଧାୟକ କ୍ୟାମେରା ସାମନାରେ କିଛି କହିବାକୁ ମନାକରି ଦେଇଛନ୍ତି ।