ବିହାରରେ ସଙ୍କଟରେ ଜେଡିୟୁ-ଆରଜେଡି ମହାମେଂଟ୍ ! ଆଜି ୧୦ଟାରେ ଆରଜେଡି ବିଧାୟକ ଦଳ ବୈଠକରେ ଲାଲୁ କରିବେ ରଣନୀତି
କନକ ବ୍ୟୁରୋ: ଆରଜେଡି ସୁପ୍ରିମୋ ଲାଲୁ ଯାଦବଙ୍କ ପରିବାର ଉପରେ ସିବିଆଇ ଚଢାଉ ପରେ ବିହାରରେ ଜେଡିୟୁ-ଆରଜେଡି ମେଂଟ ନେଇ ସଂକଟ ଦେଖାଦେଇଛି । ଘନ ଘନ ବୈଠକ କରି ଉଭୟ ଦଳର ଆଗାମୀ ରଣନୀତି ପ୍ରସ୍ତୁତ କରୁଛନ୍ତି । ଆଜି ଦିନ ୧୦ଟାରେ ନିଜ ବାସଭବନରେ ଆରଜେଡି ବିଧାୟକ ଦଳ ବୈଠକ ଡକାଇଛନ୍ତି ଆରଜେଡି ସୁପ୍ରିମୋ ଲାଲୁପ୍ରସାଦ ଯାଦବ । ଏହି ବୈଠକରେ ଲାଲୁ ନିଜ ପୁଅ ତଥା ଉପମୁଖ୍ୟମନ୍ତ୍ରୀ ତେଜସ୍ୱୀ ଯାଦବଙ୍କ ସଂପର୍କରେ ନିଷ୍ପତି ନେଇପାରନ୍ତି ବୋଲି ଚର୍ଚ୍ଚା ହେଉଛି ।
Kanak News is now on WhatsApp
Join and get latest news updates delivered to you via WhatsApp
ଏହାର ଠିକ୍ ୨୪ ଘଂଟା ପରେ ଅର୍ଥାତ୍ ଆସନ୍ତାକାଲି ବିହାର ମୁଖ୍ୟମନ୍ତ୍ରୀ ତଥା ଜେଡିୟୁ ମୁଖ୍ୟ ମଧ୍ୟ ଦଳୀୟ ବୈଠକ ଡକାଇଛନ୍ତି । କାଲି ଦିନ ସାଢେ ୧୧ଟାରେ ଏହି ବୈଠକ ବସିବ । ଜେଡିୟୁ ବୈଠକରେ ଜେଡିୟୁ ବିଧାୟକ ଓ ସାଂସଦଙ୍କ ସହ ଜିଲ୍ଲା ପ୍ରତିନିଧିମାନେ ମଧ୍ୟ ସାମିଲ ହେବେ । ଏହା ସହ ବିଧାନପରିଷଦ ସଦସ୍ୟ ମଧ୍ୟ ବୈଠକରେ ଯୋଗ ଦେବେ । ଜେଡିୟୁ-ଆରଜେଡି ମେଂଟକୁ ନେଇ ଆଗାମୀ ରଣନୀତି କଣ ହେବ ସେ ସଂପର୍କରେ ଜେଡିୟୁର ଦଳୀୟ ବୈଠକରେ ବିଚାର ବିମର୍ଷ ହୋଇପାରେ ।