ରାଉରକେଲା : ରାଉରକେଲାରେ ଜଣେ ଉଚ୍ଚପଦସ୍ଥ ବ୍ୟାଙ୍କ ଅଫିସରଙ୍କ ପତ୍ନୀଙ୍କୁ ହତ୍ୟା। ଷ୍ଟେଟ୍ ବ୍ୟାଙ୍କର ଡେପୁଟି ମ୍ୟାନେଜର କମଳ ଓରାମଙ୍କ ପତ୍ନୀ ଜାନକୀ ଓରାମଙ୍କୁ ନିର୍ମମ ଭାବେ ହତ୍ୟା କରାଯାଇଛି । ଝିଅର ମୃତ୍ୟୁ ଖବର ପାଇବା ପରେ ବାପଘର ଲୋକେ କିନ୍ତୁ ସହଜରେ ଗ୍ରହଣ କରି ପାରୁନାହାନ୍ତି ଝିଅର ମୃତ୍ୟୁକୁ । ମୃତ ମହିଳାଙ୍କ ମା’ଙ୍କ ବୟାନ ଘଟଣାକୁ ରହସ୍ୟ ଭିତରକୁ ଟାଣି ନେଇଛି। କାରଣ ବିବାହ ପରଠାରୁ ଶ୍ୱଶୁର ଘରେ ନିର୍ଯାତନା ସହି ଆସୁଥିଲା ଝିଅ । ଖବର ପାଇ ପୁଲିସ୍ କିଏ ଓ କାହିଁକି ହତ୍ୟା କଲା, ତାର ଉତର ଜାଣିବାକୁ ତଦନ୍ତ ଆରମ୍ଭ କରିଛି । ତେବେ ଏହା ପଛରେ ଏକ ଅବୈଧ ପ୍ରେମ ସଂପର୍କର କରୁଣ କାହାଣୀ ଲୁଚି ରହିଥିବା ପୁଲିସର ପ୍ରାଥମିକ ତଦନ୍ତ ଜାଣି ପାରିଛି।
Kanak News is now on WhatsApp
Join and get latest news updates delivered to you via WhatsApp
ଅନ୍ୟପଟେ ଜାନକୀଙ୍କ ମୃତ୍ୟୁ ପରେ ବେସାହାରା ହୋଇପଡିଛି ୨୫ ଦିନର ଝିଅ । ପଡିଶା ଘରର ମହିଳାଙ୍କ କୋଳରୁ କୋଳ ହେଉଛି ମା’ ଛେଉଣ୍ଡ । ସେପଟେ ୧୧ ବର୍ଷର ବଡ ଝିଅ ଅଛି ମାମୁଁ ଘରେ ।
ତେବେ କିଏ ଓ କାହିଁକି ମାରିଲା ଜାନକୀଙ୍କୁ ? କାଳ ହୋଇଛି କି ଘରୋଇ କଳି । ବଡ ଅଫିସରଙ୍କ ଘରେ ଲୁଚି ରହିଛି କି ବଡ କାହାଣୀ ? ଷଡଯନ୍ତ୍ର କରି ମାରି ଦିଆଯାଇଛି ଜାନକୀଙ୍କୁ ? କାରଣ ମା’ଙ୍କ ବୟାନ ହତ୍ୟା ଘଟଣାକୁ କିଛି ଭିନ୍ନ ଇଙ୍ଗିତ ଦେଉଛି। ଯଦିଓ ସତମିଛ ଜଣା ପଡିନି , ତେବେ କୁହାଯାଉଛି ବଡ ଯାଆଙ୍କ ପ୍ରେମରେ ପଡିଥିଲେ ଜାନକୀଙ୍କ ସ୍ୱାମୀ । ଆଉ ଭାଉଜ ଓ ଦିଅରଙ୍କ ଅବୈଧ ପ୍ରେମର ଏ ହେଉଛି ପରିଣତି ।