କନକ ବ୍ୟୁରୋ : ଓଡିଶା-ଛତିଶଗଡ ସୀମାନ୍ତରେ ମୁତୟନ ହେଲେ ଲେଡି କମାଣ୍ଡୋ । ଛତିଶଗଡର କାଙ୍କେର ଜିଲ୍ଲାରେ ମୁତୟନ ହୋଇଥିବା ଏହି କମାଣ୍ଡୋ ବାହୀନି ଓଡିଶାର ନବରଙ୍ଗପୁର ଓ କାଙ୍କେର ଇଲାକାରେ ମାଓବାଦୀଙ୍କ ଗତିବିଧୀ ଉପରେ ନଜର ରଖିବେ । ଏହି ଅଂଚଳରେ ମାଓବାଦୀଙ୍କ ଦୁଇଟି ପ୍ରମୁଖ ସଂଗଠନ ସକ୍ରିୟ ରହିଛି । ଏହି ଅଂଚଳକୁ ସେମାନେ ନିରାପଦ ଆଶ୍ରୟସ୍ଥଳୀ ଭାବେ ବ୍ୟବହାର କରି କଳାହାଣ୍ଡି, ରାୟଗଡା ଓ ନବରଙ୍ଗପୁରରେ ହିଂସାତ୍ମକ କାର୍ଯ୍ୟକଳାପରେ ଲିପ୍ତ ରହନ୍ତି । ବସ୍ତର ପୋଲିସ କହିଛି, ଲେଡି କମାଣ୍ଡୋମାନେ ଅତ୍ୟାଧୁନିକ ଅସ୍ତ୍ରଶସ୍ତ୍ର ସହ ଗରିଲା ଯୁଦ୍ଧକୌଶଳରେ ବେଶ୍ ସିଦ୍ଧହସ୍ତ ।
Kanak News is now on WhatsApp
Join and get latest news updates delivered to you via WhatsApp
ଜଙ୍ଗଲୀ ଯୁଦ୍ଧ କୈଶଳରେ ସବୁଠାରୁ ଉଚ୍ଚମାନର କମାଣ୍ଡୋ ତାଲିମ ନେଇ ନକ୍ସଲ ଦମନ କରିବାକୁ ଆସିଥିବା ଏହି ମହିଳା ସୁରକ୍ଷାକର୍ମୀ ମାଓବାଦୀଙ୍କ ପାଇଁ ଖୁବ ଘାତକ ସାବ୍ୟସ୍ତ ହୋଇପାରନ୍ତି । କାରଣ ଏମାନେ ଗରିଲା ଯୁଦ୍ଧରେ ନକ୍ସଲଙ୍କ ଠାରୁ ଢେର ଅଧିକ ପାରଙ୍ଗମ । ଏବଂ ଏମାନଙ୍କ ପାଖରେ ଥିବା ଅତ୍ୟାଧୁନିକ ଏକେ-୪୭ ଓ ଇନସାସ ରାଇଫଲ ଏମାନଙ୍କୁ ଆହୁରି ଶକ୍ତିଶାଳୀ କରିଦେଇଛି ।
ପ୍ରଥମେ ବିଜାପୁର ଏବଂ ଏବେ ଛତିଶଗଡ ଓ ଓଡିଶା ସୀମାନ୍ତରେ ମହିଳା କମାଣ୍ଡୋ ବାହୀନି ମୁତୟନ ହେବାପରେ ମେଇନପୁର ଡିଭିଜନାଲ କମିଟି ଓ ଉଦନ୍ତୀ ଡିଭିଜନାଲ କମିଟିରେ ଛନକା ପଶିଯାଇଛି । କାରଣ ଏହି ମହିଳା କମାଣ୍ଡୋମାନେ ଗରିଲା ଯୁଦ୍ଧରେ ବେଶ ପାରଙ୍ଗମ ହୋଇଥିବାରୁ ସେମାନଙ୍କର ନିରାପଦ ଆଶ୍ରୟସ୍ଥଳୀ ଉପରେ ବିପଦ ଆସିଯାଇଛି ।