ରିୟଲିଟି ଟିଭି ଷ୍ଟାର ୨୦ ବର୍ଷୀୟ କାଇଲି ଜେନର୍ ଆମେରିକାର ସବୁଠାରୁ କମ୍ ବୟସ୍କ ସେଲ୍ଫ ମେଡ୍ ବିଲିଓନାର୍ ବା ନିଜସ୍ୱ ବଳରେ କୋଟିପତି ପାଲଟିବାକୁ ଯାଉଛନ୍ତି । ବୁଧବାର ଫୋର୍ବସ ପତ୍ରିକା ପକ୍ଷରୁ ଏହା ପ୍ରକାଶ ପାଇଛି । କାଇଲି ୨ବର୍ଷ ପୂର୍ବେ କାଇଲି କସମେଟିକ୍ କମ୍ପାନୀ ଆରମ୍ଭ କରିଥିଲେ । ୨ବର୍ଷରେ ସମଗ୍ର ବିଶ୍ୱରେ ପାଖାପାଖି ୬୩ କୋଟି ଡଲାର ମୂଲ୍ୟରେ ଉତ୍ପାଦ ବିକ୍ରି କରିସାରିଲେଣି ।

ଫୋବର୍ସ ଅନୁସାରେ ଟେଲିଭିଜନ କାର୍ଯ୍ୟକ୍ରମ ଏବଂ ବ୍ୟବସାୟରୁ କାଇଲିଙ୍କ କମ୍ପାନୀର ମୂଲ୍ୟ ୯୦ କୋଟି ଡଲାରରେ ପହଂଚିଲାଣି । କମ୍ପାନୀରେ କାଇଲିଙ୍କର ଶତ ପ୍ରତିଶତ ମାଲିକାନାସତ୍ୱ ରହିଛି । ଫୋର୍ବସ ଅନୁଯାୟୀ କାଇଲି ନିଜ ଉଦ୍ୟମରେ ଧନୀ ହେବାକୁ ଥିବା ଆମେରିକାର ସବୁଠାରୁ କମ୍ ବୟସ୍କ ମହିଳା । ତାଙ୍କ ସମ୍ପତ୍ତିରେ ବୃଦ୍ଧି ଘଟିଲେ ୩ ବର୍ଷରେ ସେ ମାର୍କ ଜୁକରବର୍ଗଙ୍କୁ ପଛରେ ପକାଇଦେଇପାରନ୍ତି ।

କାଇଲି ପ୍ରସାଧନ ସାମଗ୍ରୀ ୨ବର୍ଷ ପୂର୍ବରୁ ୨୯ ଡଲାର ‘ଓଠ ର ପ୍ରସାଧନ କିଟ୍’ ସହିତ ଆରମ୍ଭ ହୋଇଥିଲା । ଫୋର୍ବସ ଅନୁସାରେ, ପାଖାପାଖି ୮୦୦ ମିଲିୟନ ଡଲାର ମୂଲ୍ୟର ଏକ ସୈାନ୍ଦର୍ଯ୍ୟ ଉଦ୍ୟୋଗ ଆଇକନ୍ ରେ ସାମିଲ ହେଲା । ଏହି କମ୍ପାନୀ ୬୩୦ ମିଲିୟନ ଡଲାରରୁ ଅଧିକ ମେକଅପ୍ ବିକ୍ରି କରିସାରିଛନ୍ତି, ଯେଉଁଥିରେ ବର୍ଷ ୨୦୧ରେ ପାଖାପାଖି ୩୩୦ ମିଲିୟନ ଡଲାର ସାମିଲ ଅଛି ।