ପୁଣି କୁନ୍ଦୁଲି ଦୁଷ୍କର୍ମ ଘଟଣାରେ ନୂଆମୋଡ ! ପୁଲିସର ତଦନ୍ତ ରିପୋର୍ଟକୁ ମିଛ ବୋଲି କହିଲେ ନାବାଳିକା, ଭାଇଙ୍କ ମାଧ୍ୟମରେ କହିଲେ ବାହାରକୁ ଛାଡିଲେ ଗଣମାଧ୍ୟମରେ ଦେବେ ବୟାନ
କନକ ବ୍ୟୁରୋ : ଯନ୍ତ୍ରଣାରେ ଛଟପଟ ନାବାଳିକାର ଛାତିଫଟା ଚିତ୍କାର । ଆଉ ଏହାର ଠିକ୍ ମାସକ ପରେ ପୋଲିସର ଉଚ୍ଚ ଅଧିକାରୀଙ୍କ ତଦନ୍ତ କହୁଛି ନାବାଳିକାକୁ ଗଣଦୁଷ୍କର୍ମ ହୋଇଥିବା ନେଇ କୌଣସି ପ୍ରମାଣ ନାହିଁ । ହେଲେ ପୋଲିସ ତଦନ୍ତକୁ ମିଛ କହି ଆଜିବି ନାବାଳିକା କହୁଛନ୍ତି ତାଙ୍କ ସହ ଗଣଦୁଷ୍କର୍ମ ହୋଇଛି । ଆଉ ସୁଯୋଗ ମିଳିଲେ ଗଣମାଧ୍ୟମ ସାମ୍ନାରେ ସେ ସବୁ କଥା କହିବେ । ଆଜି ନାବାଳିକାଙ୍କୁ ଶିଶୁ ସୁଧାର ଗୃହରେ ଭେଟିଥିଲେ ତାଙ୍କ ଭାଇ ।
Kanak News is now on WhatsApp
Join and get latest news updates delivered to you via WhatsApp
ମାସେ ଧରି ପୋଲିସର ତୁହାକୁ ତୁହା ତଦନ୍ତ, କ୍ରାଇମବ୍ରାଂଚର ଘନ ଘନ ଅନୁସନ୍ଧାନ, ଦୁଇ ଦୁଇ ଥର ଡାକ୍ତରୀ ପରୀକ୍ଷା ପରେ ରିପୋର୍ଟ ଆସିଲା, ନାବାଳିକାକୁ ଗଣଦୁଷ୍କର୍ମ କରାଯାଇନାହିିଁ । ହେଲେ ନାବାଳିକା କହୁଛନ୍ତି ମିଛ କହୁଛି ପୋଲିସ । ତେବେ ପ୍ରଶ୍ନ ଉଠୁଛି କିଏ କହୁଛି ମିଛ? ଯଦି ନାବାଳିକା ମିଛ କହୁଛନ୍ତି , ତେବେ କାହିଁକି? ଏହାରି ଭିତରେ ଆଜି ଘଟଣାର ବିଚାର ବିଭାଗୀୟ ତଦନ୍ତ ନିର୍ଦେଶ ଦେଇଛନ୍ତି ମୁଖ୍ୟମନ୍ତ୍ରୀ । କ୍ରାଇମବ୍ରାଂଚ ତଦନ୍ତ ସହ ବିଚାର ବିଭାଗୀୟ ତଦନ୍ତ ବି ହେବ । କମିସନ ଅଫ ଇନକ୍ୱାରୀ ଆକ୍ଟ ୧୯୫୨ ଅନୁଯାୟୀ ଜଣେ ଜିଲ୍ଲା ଜଜ ଘଟଣାର ତଦନ୍ତ କରିବେ । ପ୍ରକୃତରେ କଣ ହୋଇଛି, ବିଚାର ବିଭାଗୀୟ ତଦନ୍ତ ତାର ସତ୍ୟାସତ୍ୟ ସାମ୍ନାକୁ ଆଣିପାରେ । କିନ୍ତୁ ପ୍ରଶ୍ନ ଉଠୁଛି, ତଦନ୍ତ ନାଁରେ ଆହୁରି ମାସ ମାସ ବର୍ଷ ବର୍ଷ ବିତିଯିବ ନାହିଁ ତ ?