କୃଷ୍ଣପାଗେଳୀ ବିଦେଶିନୀ ! କୁମ୍ଭମେଳା ସଙ୍ଗମରେ ବୁଡ ପକାଇବା ସମୟରେ ବିଦେଶିନୀ ହେଲେ ଚେତାଶୂନ୍ୟ.ହୋସ୍ ଆସିବା ପରେ ଗାଇ ଉଠିଲେ “ଜୟ ଶ୍ରୀକୃଷ୍ଣ” ।
ପୁଣ୍ୟ ଅର୍ଜନ କରିବା ପାଇଁ ଇଟାଲୀରୁ କୁମ୍ଭମେଳାକୁ ଆସିଥିବା ଜଣେ ବିଦେଶିନୀ ଏସ୍ କ୍ୟାଟରିନା (୬୫) ସଂଗମ ନୋଜ ଘାଟରେ ବୁଡ ପକାଇବା ପରେ ହିଁ ଚେତାଶୂନ୍ୟ ହୋଇଯାଇଥିଲେ । ଅତ୍ୟଧିକ ଥଣ୍ଡା ହେତୁ ତାଙ୍କ ରକ୍ତଚାପ କମ୍ ହୋଇଗଲା । ଏନଡିଆରଏଫ୍ ର ଯବାନମାନେ ତାଙ୍କୁ ବାହାରକୁ ଆଣି ପ୍ରାଥମିକ ଉପଚାର ଦେଇ ଚିକିତ୍ସା କରାଇ ତାଙ୍କୁ ହସ୍ପିଟାଲ୍ ପହଞ୍ଚାଇଥିଲା ।
Kanak News is now on WhatsApp
Join and get latest news updates delivered to you via WhatsApp
ଇଟଲୀରୁ ଆସିଥିବା ଏହି ୧୧ ସଦସ୍ୟ ବିଶିଷ୍ଟ ବିଦେଶୀ ଦଳ ଗଙ୍ଗାରେ ବୁଡ ପକାଇବା ପାଇଁ ହର ହର ଗଙ୍ଗେ କହି ଯେତେବେଳେ ବୁଡ ପକାଉଥିଲେ ସେତେବେଳେ କ୍ୟାଟରିନାଙ୍କୁ କୋଲ୍ଡ ଆଟାକ୍ ହୋଇଥିଲା ଏବଂ ସେ ଚେତାଶୂନ୍ୟ ହୋଇଯାଇଥିଲେ । ଅନ୍ୟ ସାଥିଗଣ ଏବଂ ଏନଡିଆରଏଫ୍ ଯବାନଙ୍କ ସାହାର୍ଯ୍ୟରେ ତାଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଥିଲା । ଚିକିତ୍ସା ପରେ ଡାକ୍ତରଖାନାରେ ସେ କେବଳ ଜୟ ଶ୍ରୀକୃଷ୍ଣ ନାମ ହିଁ ଜପୁଥିଲେ ।