ଦୀର୍ଘ ୨୧ ମାସ ଧରି ଗୁପ୍ତଚର ବୃତ୍ତିରେ ପାକିସ୍ତାନ ଜେଲରେ ବନ୍ଦୀ ଭାବେ ଜୀବନ କାଟୁଥିବା ଭାରତୀୟ ନୌସେନା ଅଧିକାରୀ କୁଳଭୂଷଣ ଯାଦବଙ୍କୁ ଭେଟିଛନ୍ତି ତାଙ୍କ ପରିବାର । ପାକିସ୍ତନା ବୈଦଶିକ ମନ୍ତ୍ରଣାଳୟର ଏକ ବନ୍ଦ କୋଠରୀ ମଧ୍ୟରେ ଏହି ସାକ୍ଷାତକାର ହୋଇଛି । ତେବେ ସାକ୍ଷାତକାର ସମୟରେ କୁଳଭୂଷଣ ଓ ତାଙ୍କ ପରିବାର ମଧ୍ୟରେ ପାଚେରୀ ହୋଇ ଠିଆ ହୋଇଥିଲା କାଚ । ଏକ ବନ୍ଦ କୋଠରୀର କାଚ ପାଚେରୀର ଗୋଟିଏ ପଟେ କୁଳଭୂଷଣ ଓ ଅନ୍ୟପଟେ ତାଙ୍କ ପରିବାର ଛିଡା ହୋଇଥିଲେ । କଥାବାର୍ତ୍ତାର ଏକମାତ୍ର ମାଧ୍ୟମ ଥିଲା ଫୋନ । ଏହି ସାକ୍ଷାତକାର ସମୟରେ କୁଳଭୂଷଣଙ୍କ ପରିବାର ସହ ଭାରତର ଉପଉଚ୍ଚାୟୁକ୍ତ ଜି.ପି ସିଂହ ମଧ୍ୟ ଉପସ୍ଥିତ ଥିଲେ । କୁଳଭୂଷଣଙ୍କ ସହ ତାଙ୍କ ପରିବାର ସାକ୍ଷାତାକାର କରିବାର ଫଟୋ ମଧ୍ୟ ପାକିସ୍ତାନ ସଙ୍ଗେ ସଙ୍ଗେ ସେୟାର କରିଛି ।
Kanak News is now on WhatsApp
Join and get latest news updates delivered to you via WhatsApp
ପାକିସ୍ତାନର ସେନା ଅଦାଲତ ଗୁପ୍ତଚର ବୃତ୍ତି ପାଇଁ କୁଳଭୂଷଣଙ୍କୁ ମୃତ୍ୟୁଦଣ୍ଡ ଦେଇଥିବା ବେଳେ କୁଲଭୂଷଣଙ୍କୁ ମିଳିବ ରାଜନୈତିକ ସହାୟତା । ପାକିସ୍ତାନ ଜେଲରେ ବନ୍ଦୀ ଥିବା କୁଲଭୂଷଣଙ୍କୁ ରାଜନୈତିକ ସହାୟତା ଯୋଗାଇ ଦିଆଯିବ ବୋଲି ପାକ୍ ସରକାର ନିଷ୍ପତି ନେଇଥିବା ଖବର ପ୍ରସାରଣ କରିଛି ପାକିସ୍ତାନୀ ଗଣମାଧ୍ୟମ ଜିଓ ନ୍ୟୁଜ୍ । ତେବେ ଭାରତ ପକ୍ଷରୁ ଜିଓ ନ୍ୟୁଜ୍ ର ଏହି ଦାବିକୁ ଖଣ୍ଡନ କରାଯାଇଛି । ତେବେ କୁଳଭୁଷଣଙ୍କୁ ଭେଟିବା ପରେ ଆଜି ହିଁ ତାଙ୍କ ପରିବାର ଭାରତ ଫେରି ଆସିବେ । ପାକିସ୍ତାନ ମାଟିରେ ଥିବା ପର୍ଯ୍ୟନ୍ତ କୁଲଭୂଷଣଙ୍କ ପରିବାରକୁ ସଂପୂର୍ଣ ସୁରକ୍ଷା ଯୋଗାଇ ଦେବାକୁ ପୂର୍ବରୁ ସର୍ତ ରଖିଥିଲା ଭାରତ । ଏହା ସହ କୁଲଭୂଷଣଙ୍କ ମାଆ ଓ ପତ୍ନୀଙ୍କୁ ପାକିସ୍ତାନରେ କୌଣସି ପ୍ରକାର ଜେରା ହେବନାହିଁ ବୋଲି ମଧ୍ୟ ଭାରତ ସର୍ତ ରଖିଛି ।
କୁଳଭୂଷଣଙ୍କ ପୂରା କାହାଣୀ :
ଇରାନର ଅପହରଣ କରି ନେଇ କୁଲଭୂଷଣଙ୍କୁ ମିଛ ମାମଲାରେ ଫସାଇଛି ପାକିସ୍ତାନ ।
କୁଲଭୂଷଣଙ୍କ ବିରୋଧରେ ଗୁପ୍ତଚର ବୃତି ଓ ଆତଙ୍କବାଦ ସହ ଦେଶ ବିରୋଧରେ ଷଡଯନ୍ତ୍ର କରୁଥିବା ଅଭିଯୋଗ ଆଣିଛି ପାକିସ୍ତାନ । ପାକିସ୍ତାନ ସାମରିକ ଅଦାଲତରେ କୁଲଭୂଷଣଙ୍କ ମାମଲାର ଏକତରଫା ଶୁଣାଣି ହୋଇଛି । ଜୋର ଜବରଦସ୍ତ ବୟାନ ଆଦାୟ କରି କୁଲଭୂଷଣଙ୍କୁ ଦୋଷୀ ସାବ୍ୟସ୍ତ କରାଯାଇଛି ।
କୁଲଭୂଷଣଙ୍କ ବିଚାର କରି ମୃତ୍ୟୁ ଦଣ୍ଡାଦେଶ ଶୁଣାଇ ସାରିଛନ୍ତି ପାକିସ୍ତାନ ସାମରିକ ଅଦାଲତ ।
କୁଲଭୂଷଣଙ୍କୁ ଆଇନ ସହାୟତା ପାଇଁ ଭାରତର ଦାବିକୁ ପୂର୍ବରୁ ଖାରଜ କରିଦେଇଛି ପାକିସ୍ତାନ ।
କୁଲଭୂଷଣ ଯାଦବ ଭାରତୀୟ ନୌସେନାର ପୂର୍ବତନ ଅଧିକାରୀ ବୋଲି ସ୍ପଷ୍ଟ କରିସାରିଛି ଭାରତ ।
କୁଲଭୂଷଣଙ୍କ ମୃତ୍ୟୁ ଦଣ୍ଡାଦେଶକୁ ଅନ୍ତର୍ଜାତୀୟ ଅଦାଲତରେ ଉଠାଇଛି ଭାରତ ।
କୁଲଭୂଷଣଙ୍କ ମୃତ୍ୟୁ ଦଣ୍ଡାଦେଶ ଉପରେ ରୋକ୍ ଲଗାଇଛନ୍ତି ଅନ୍ତର୍ଜାତୀୟ ନ୍ୟାୟାଳୟ ।