ଯେତେବେଳେ କୋରିଆର ଶିଶୁମାନେ ପ୍ରଧାନମନ୍ତ୍ରୀ ମୋଦିଙ୍କ ସ୍ୱାଗତରେ ଗାଇଲେ ଗୁଜରାତି ଭଜନ…ଦେଖନ୍ତୁ ଭିଡିଓ

86

ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ବିଶ୍ୱସ୍ତରୀୟ ଆର୍ଥିକ ବୃଦ୍ଧିକୁ ଗତି ପ୍ରଦାନ ତଥା ଅନ୍ତର୍ଜାତୀୟ ସହଯୋଗକୁ ପ୍ରୋତ୍ସାହିତ କରିବା ପାଇଁ ଦକ୍ଷିଣ କୋରିଆର ରାଜଧାନୀ ସିଓଲରେ ଶୁକ୍ରବାର ଦିନ ୨୦୧୮ ବର୍ଷର ସିଓଲ ଶାନ୍ତି ପୁରସ୍କାର ତାଙ୍କୁ ପ୍ରଦାନ କରାଗଲା । ସିଓଲ ପିସ୍ ପ୍ରାଇଜ୍ ଫାଉଣ୍ଡେସନ ଦ୍ୱାରା ଆୟୋଜିତ ଏକ ଭବ୍ୟ ସମାରୋହରେ ମୋଦିଙ୍କୁ ଏହି ପୁରସ୍କାର ପ୍ରଦାନ କରାଗଲା । ଏହି ଅବସରରେ ମୋଦିଙ୍କ ଜୀବନ ତଥା ତାଙ୍କ ଅନୁଭୂତି ଉପରେ ଏକ ଛୋଟ ଫିଲ୍ମ ବି ଦେଖାଗଲା । ଏହି ଅବସରରେ ଭାରତୀୟ ପୋଷାକ ପରିଧାନ କରି ଦୁଇ ଡଜନ କୋରିଏନ୍ ଶିଶୁ ପିଏମ୍ ମୋଦିଙ୍କ ସ୍ୱାଗତରେ ମହାତ୍ମା ଗାନ୍ଧୀଙ୍କ ପ୍ରିୟ ଗୁଜରାତି ଭଜନ ‘ବୈଷ୍ଣବ ଜନ ତୋ…’ ଗାଇଲେ ।

ପୁରସ୍କାର ସମାରୋହ ପରେ ପିଏମ୍ ମୋଦିଙ୍କ ସମ୍ମାନରେ ଭାରତୀୟ ସାଂସ୍କୃତିକ କେନ୍ଦ୍ରର ପିଲାଙ୍କ ଦ୍ୱାରା ଭଜନ ଗାଇବା ଦକ୍ଷିଣ କୋରିଆର ରାଷ୍ଟ୍ରପତି ମୁନ ଜେ ଇନଙ୍କ ଅତିଥି ସତ୍କାରର ଅଂଶ ଥିଲା । ଏହି ଭଜନ ଗାଇବା କାର୍ଯ୍ୟକ୍ରମର ଭିଡିଓକୁ ଟ୍ୱିଟରରରେ ସେୟାର କରି ବିଦେଶ ମନ୍ତ୍ରାଳୟର ପ୍ରବକ୍ତା ରବିଶ କୁମାର ଲେଖିଛନ୍ତି କି, “କ’ଣ ଆପଣ ବୈଷ୍ଣବ ଜନ ତୋ ଭଜନର ଏଭଳି ପ୍ରସ୍ତୁତି ଦେଖିଛନ୍ତି ?” ଏହି ଭିଡିଓକୁ ୧୯ ହଜାରରୁ ଅଧିକ ଲୋକ ଏପର୍ଯ୍ୟନ୍ତ ଦେଖିସାରିଛନ୍ତି ।

Comments are closed.