କୋରାପୁଟ ମାର୍କେଟରେ ସୁଗର ଫ୍ରି ଚାଉଳ ! ଜୈବିକ ପଦ୍ଧତିରେ ଚାଷ କରି ଉଦାହରଣ ସୃଷ୍ଟି କଲେ କୋରାପୁରଟ ସଫଳ ଚାଷୀ ନିତ୍ୟାନନ୍ଦ
କନକ ବ୍ୟୁରୋ : ଜୈବିକ ପଦ୍ଧତିରେ ଧାନ ଚାଷ ସାଙ୍ଗକୁ ଆମ୍ବ ଚାଷ । ବାଡିରେ ହସୁଛି ସପୁରୀ । ଆଗକୁ ମିଳିବ ସୁଗର ଫ୍ରି ଆମ୍ବ । ୧୫୦ରୁ ଅଧିକ ଦେଶୀ ଧାନ ବିହନ ସାଇତି ରଖିବା ସହ ନିଜେ ଚାଷ କରି ହୋଇପାରିଛନ୍ତି ସ୍ୱାବଲମ୍ବୀ । ଆଉ ପରିଣତ ବୟସରେ ଅନେକ ପୁରସ୍କାରର ଅଧିକାରୀ କୋରାପୁଟର ସଫଳ ଚାଷୀ ନିତ୍ୟାନନ୍ଦ ଲେଙ୍କା ।
Kanak News is now on WhatsApp
Join and get latest news updates delivered to you via WhatsApp
କଳା ରଙ୍ଗର ଚାଉଳ ଖାଇଲେ ଯେ, ଖାଲି ପେଟ ପୂରିବ ତା ନୁହେଁ, ତାହା କେଉଁ ଔଷଧ ଠାରୁ କମ୍ ନୁହେଁ । କ୍ୟାନସର ପ୍ରତିରୋଧ ଶକ୍ତିଥିବା ଚାଉଳ ଆପଣଙ୍କୁ ମଧୂମେହ ରୋଗ ଠାରୁ ଦୂରେଇ ରଖିବ । ହାଣ୍ଡିଶାଳ, କଳାମାଳି, କଳାକୃଷ୍ଣ, କଳାଜିରା ଭଳି ଅନେକ ସୁଗର ଫ୍ରି ଚାଉଳ ବାହାରେ କିଲୋ ପ୍ରତି ୧୮୦୦ ଟଙ୍କାରେ ବିକ୍ରି ହେଉଥିବା ବେଳେ କୋରାପୁଟରେ ୪ ସହରୁ ୫ସହ ଟଙ୍କାରେ ମିଳୁଛି । ବିଶ୍ୱାସ ନହେଲେ ବି କଥାଟି ସଂପୂର୍ଣ୍ଣ ସତ । ୧୫୦ରୁ ଅଧିକ ଦେଶୀ ଧାନ ବିହନକୁ ନେଇ ଜୈବିକ ପଦ୍ଧତିରେ ଚାଷ କରିବା ସହ ସୁଗାର ଫ୍ରି ଚାଉଳ ଯୋଗାଉଛନ୍ତି କୋରାପୁଟର ନିତ୍ୟାନନ୍ଦ ଲେଙ୍କା । ବନ ଅଧିକାରୀ ଭାବେ ଅବସର ନେବା ପରେ ୨୦୦୮ ମସିହାରୁ ଚାଷକୁ ଆଦରି ନେଇଛନ୍ତି ନିତ୍ୟାନନ୍ଦ । ଜୈବିକ ପଦ୍ଧତିରେ ମାଟିଧାନ, ପଣ୍ଡାକାଧାନ, ପାରାଧାନ, ଉଷାଗଠିଆଳି, ଇଲିପିସୁନା, ମେହର, ଭଟାଚୁଡ଼ି, ମାଗୁର, ହଳଦିଆଚୁଡ଼ି, କଳାବତି ଭଳି ଅନେକ ଦେଶୀ ବିହନକୁ ସାଇତି ପୁରସ୍କୃତ ହୋଇଛନ୍ତି ନିତ୍ୟାନନ୍ଦ ।
ନିତ୍ୟାନନ୍ଦ ଲେଙ୍କା ଜୈବିକ ପଦ୍ଧତିରେ ୪ ଏକର ଜମି ବିଭିନ୍ନ ଜାତିର ଆମ୍ବ, ଲେମ୍ବୁ, ସପୁରି ଓ ବାଉଁଶ ଚାଷ କରିଛନ୍ତି । ନିତ୍ୟାନନ୍ଦଙ୍କ କ୍ଷେତରେ ବିଭିନ୍ନ ପ୍ରକାରର ଆମ୍ବ ଫଳିଥିବା ବେଳେ ସେ ଏବେ ସୁଗର ଫ୍ରି ଆମ୍ବ ଚାଷ ପାଇଁ ପ୍ରୟାସ ଆରମ୍ଭ କରିଛନ୍ତି । ସେହିଭଳି ବାଉଁଶର ଏକ ପ୍ରଜାତିକୁ ନିଜେ କଲମି କରି ସୃଷ୍ଟି କରିଛନ୍ତି ଉନ୍ନତ ଜାତିର ବିହନ । ଯାହାକି ଆଗାମୀ ଦିନରେ ଅର୍ଥ ଉପାର୍ଜନର ଏକ ମାଧ୍ୟମ ହେବ ବୋଲି ଆଶା ରଖିଛନ୍ତି ନିିତ୍ୟାନନ୍ଦ । ଜୈବିକ ଚାଷ ପାଇଁ ଯାହା ଆବଶ୍ୟକ ତାହା ସେ ଯୋଗାଡ଼ କରିଛନ୍ତି । ସରକାରଙ୍କ ହିର୍ଟିକଲଚର ବିଭାଗର ସହାୟତା ନେଇ ସେ ଆଗକୁ ବଢ଼଼ି ଅନ୍ୟଙ୍କ ପାଇଁ ଉଦାହରଣ ସୃଷ୍ଟି କରିଛନ୍ତି ବୋଲି କହିଛନ୍ତି ଉଦ୍ୟାନ ବିବାଗର ବିଭାଗୀୟ ଅଧିକାରୀ ।