ନକ୍ସଲଙ୍କ ସହରୀ ନେଟୱର୍କ ! ସୁଙ୍କିରେ ପୋଲିସ୍ ଗାଡିକୁ ଉଡାଇବାକୁ କୋରାପୁଟରୁ କରାଯାଉଥିଲା ଟ୍ରାକ୍
କନକ ବ୍ୟୁରୋ : ସୁଙ୍କିରେ ସମରସଜ୍ଜା । ଲାଣ୍ଡମାଇନ୍ ଲଗାଇ ମାଓବାଦୀ ଉଡାଇ ଦେଲେ ନିରସ୍ତ୍ର ପୋଲିସ କନେଷ୍ଟବଳଙ୍କୁ । କୋରାପୁଟ୍ ଜିଲ୍ଲାର ଏହି ମାଓ ହମଲାକୁ ନେଇ ଉଠିଛି ଅନେକ ପ୍ରଶ୍ନ । ପ୍ରଶ୍ନ ଉଠିଛି, କୋରାପୁଟ୍ରୁ ବାହାରିଥିବା ଏହି ପୋଲିସ୍ ବାହିନୀର ଗତିବିଧି ସଂପର୍କରେ କେମିତି ଖବର ପାଇଲେ ନକ୍ସଲବାହିନୀ
Kanak News is now on WhatsApp
Join and get latest news updates delivered to you via WhatsApp
ପୋଲିସ ବାହୀନିର ୧୩ଜଣ ଆସିଷ୍ଟାଣ୍ଟ ଡ୍ରାଇଭରକୁ ନେଇ କୋରାପୁଟ ହେଡକ୍ୱାଟରକୁ ଏକ ମିନି ବସ ବାହାରିଥିଲା କଟକ ଅଭିମୁଖେ । ଲକ୍ଷ୍ୟ ଥିଲା କଟକରେ ପହଞ୍ଚିବା ପରେ ବକ୍ସିବଜାର ସ୍ଥିତ ପୋର ପୋଲିସ ମୋଟର ଟ୍ରାନସପୋର୍ଟସରେ ଆରମ୍ଭ ହେବ ତାଲିମ । ତେବେ ସମୟ ପ୍ରାୟ ୫.୩୦ ,୨୬ ନମ୍ବର ଜାତୀୟ ରାଜପଥର ଶୁଙ୍କି ଘାଇି ଅତିକ୍ରମ କରୁଥିଲା ବସ୍ । ହଠାତ୍ ଏକ କଲଭର୍ଟ ଉପରେ ପ୍ରଚଣ୍ଡ ବିସ୍ଫୋରଣରେ ଛିନଛତ୍ର ହୋଇଗଲା ମିନିବସ୍ । ଛିନଛତ୍ର ହୋଇଗଲେ ବସରେ ବସିଥିବା ପୋଲିସ କନଷ୍ଟେବଳ ।
ପାଖାପାଖି ୧୦୦ ଫୁଟ ଉପରକୁ ଉଠି କଚାଡି ହୋଇ ପଡିଲା ବସ । ୧୩ ଜଣଙ୍କ ମଧ୍ୟରୁ ଘଟଣାସ୍ଥଳରେ ୮ଜଣ ପ୍ରାଣ ହରାଇ ଥିବାବେଳେ ମୃତ୍ୟୁ ସହ ସଂଗ୍ରାମ କରୁଛନ୍ତି ଆଉ ୫ । ବିସ୍ଫୋରଣର ମାତ୍ରାକୁ ବୟାନ କରୁଥିଲା ଗଛ ଡାଳରେ ଝୁଲି ରହିଛି ଯବାନଙ୍କ ପୋଷାକ । ବିସ୍ଫୋରଣ ଏତେ ଭୟଙ୍କର ଥିଲା ଯେ, ଜଣେ ଜବାନଙ୍କ ମୃତଦେବ ଖୋଜିବାକୁ ଲାଗି ଯାଇଥିଲା ରାତିଟିଏ ।
ପ୍ରଶ୍ନ ଉଠୁଛି ଏହି ନିରସ୍ତ୍ର ପୋଲିସ ବାହୀନିଙ୍କ ଗଚ୍ଛିବିଧିକୁ କେମିତି ଜାଣିଲେ ମାଓବାଦୀ । ସନ୍ଦେହ ହେଉଛି,ମାଓବାଦୀ ବିଛାଇଛନ୍ତି କିସହରୀ ନେଟୱର୍କ । ଅର୍ଥାତ୍ କୋରାପୁଟ ସହରରେ ଅଛନ୍ତି କି ଛଦ୍ମବେଶୀ ମାଓବାଦୀ ।ଏବେ ଏହିସମ୍ବେଦନଶୀଳ ପ୍ରଶ୍ନର ଉତ୍ତର ଖୋଜିବାକୁ ପଡିବ ରାଜ୍ୟ ପୋଲିସ ବିଭାଗକୁ ।
ସେପଟେ ଶକ୍ତିିଶାଳୀ ଲ୍ୟାଣ୍ଡମାଇନ ବିସ୍ଫୋରଣ ପରେ ସୁଙ୍କି ଘାଟିରେ ଆରମ୍ଭ ହୋଇଯାଇଛି ବଡଧରଣର କୁମ୍ବିଂ ଅପରେସନ । ମାଳମାଳ ସଶସ୍ତ୍ର ସୁରକ୍ଷାକର୍ମୀ ମୁଙ୍ଗଭୂମି ଜଙ୍ଗଲରେ ଆରମ୍ଭ କରିଛନ୍ତି ଖାନତଲାସି । କୁହାଯାଉଛି ସୁରକ୍ଷାକର୍ମୀଙ୍କ ପଣସପୁଟ ଏନକାଉଣ୍ଟର ବଦଲା ନେଲା ନକ୍ସଲବାହୀନି । ହେଲେ ନିରସ୍ତ୍ର ପୋଲିସଙ୍କ ଜୀବନ ନେଇଥିବା ମାଓବାଦୀଙ୍କୁ ଜବାବ ଦିଆଦିବ ବୋଲି ପୋଲିସ କହିଛି ।
ଫେଲ ମାରିଲା ଗୁଇନ୍ଦା । ଅକାଳରେ ପ୍ରାଣ ହରାଇଲେ ୮ ଜଣ ଜବାନ । ପ୍ରଶ୍ନ ଉଠୁଛି,ପୋଲିସ ସଠିକ ଭାବେ ପାଳନ କରିଛି କି ଏସଓପି ବା ଷ୍ଟାଣ୍ଡାର୍ଡ ଅପରେସନ ପ୍ରୋସିଡିୟର । କାରଣ ନିୟକ ରହିଛି ବିନା ସୁରକ୍ଷାରେ ସଂଧ୍ୟାରେ ଯାତାୟତ କରି ପାରିବନି ପୋଲିସ ବାହୀନି । ହେଲେ ସଂଧ୍ୟାରେ ମାଓ ଅଧ୍ୟୁଷିତ ରାସ୍ତାରେ ଯିବାକୁ କିଏ ଦେଇଥିଲା ଅନୁମତି ।ଏହା ଦୁଃସାହସିକ ନା ଆତ୍ମଘାତୀ ନିଷ୍ପତି । ସହିଦ ଜବାନଙ୍କ ପରିବାରକୁ ଏବେ ଏ ପ୍ରଶ୍ନର ଉତ୍ତର ଦେବାକୁ ପଡିବ ଓଡିଶା ପୋଲିସକୁ ।