କୋରାପୁଟ ଜୟନ୍ତଗିରି ଆଦର୍ଶ ବିଦ୍ୟାଳୟରେ ଆନ୍ଦୋଳନ : ବିଭିନ୍ନ ସମସ୍ୟାକୁ ନେଇ ରାସ୍ତାକୁ ଓହ୍ଲାଇଲେ ଅଭିଭାବକ
କନକ ବ୍ୟୁରୋ : କୋରାପୁଟ ଜୟନ୍ତଗିରି ଆଦର୍ଶ ବିଦ୍ୟାଳୟରେ ଅବିଭାବକଙ୍କ ଆନ୍ଦୋଳନ । ପିଲାଙ୍କ ଟିସି ନେବାକୁ ଭିଡ଼ । ବିନା ମୂଲ୍ୟରେ ଇଂରାଜୀ ଭାଷାରେ ପାଠ ପଢ଼ିବେ, ବେସରକାରୀ ବିଦ୍ୟାଳୟ ପିଲାଙ୍କ ସହ ସମକକ୍ଷ ହୋଇ ଆଦର୍ଶ ବନିବେ, ଏହି ଆଶା ନେଇ ଖୋଲାଯାଇଥିଲା ଆଦର୍ଶ ବିଦ୍ୟାଳୟ । ହେଲେ ଏହାର ସମ୍ପୂର୍ଣ୍ଣ ଓଲଟା ଦେଖିବାକୁ ମିଳିଛି କୋରପୁଟ ଜିଲ୍ଳାରେ ।
Kanak News is now on WhatsApp
Join and get latest news updates delivered to you via WhatsApp
ଜିଲ୍ଳାର ୧୪ଟି ବ୍ଳକରେ ମାନ୍ୟବର ମୁଖ୍ୟମନ୍ତ୍ରୀ ଆଦର୍ଶ ବିଦ୍ୟାଳୟର ଉଦଘାଟନ କରିଥିଲେ ସୁଦ୍ଧା ସ୍କୁଲ ଗୁଡିକ ଏବେ ସମସ୍ୟା ବହୁଳ ବୋଲି ଅଭିଯୋଗ ହୋଇଛି । ଜୟପୁର ବ୍ଳକର ଜୟନ୍ତଗିରି ଆଦର୍ଶ ବିଦ୍ୟାଳୟରେ ପଢୁଥିବା ଛାତ୍ରଛାତ୍ରୀଙ୍କ ଅବିଭାବକମାନେ ପଦାକୁ ଆସି ସରକାରଙ୍କ ବିରୋଧରେ ଆନ୍ଦଳନ କରିଛନ୍ତି । ସ୍କୁଲରେ ପିଇବା ପାଣିର ଅଭାବ ଥିବା ବେଳେ ଉପଯୁକ୍ତ ଶିକ୍ଷକ ନାହାନ୍ତି । ଖାଲି ଏତିକି ନୁହେଁ ପିଲାଙ୍କୁ ପୋଷାକ ମଧ୍ୟ ମିଳୁନଥିବା ଅଭିଯୋଗ ହୋଇଛି ।
ପିଲାଙ୍କ ସମସ୍ୟାକୁ ନେଇ ବାରମ୍ବାର ଜିଲ୍ଳାପାଳଙ୍କ ଠାରୁ ଆରମ୍ଭ କରି ରାଜ୍ୟ ସରକାରଙ୍କୁ ଜଣାଇଲା ପରେ ମଧ୍ୟ କିଛି ସୁଫଳ ନମିଳିବାରୁ ଅଭିଭାବକ ରାସ୍ତାକୁ ଓହ୍ଲାଇଛନ୍ତି । ସ୍କୁଲକୁ ୭ ଦିନ ଯାଏଁ ପିଲାଙ୍କୁ ସ୍କୁଲକୁ ପଠାଇବେ ନାହିଁ ବୋଲି ଧମକ ଦେଇଛନ୍ତି । ଏହାରି ଭିତରେ ସରକାର ନ ଶୁଣିଲେ, ଜାତୀୟ ରାଜପଥ ଅବରୋଧ କରିବେ ବୋଲ କହିଛନ୍ତି । ତେବେ ଏବେ ସୁଦ୍ଧା ଏହି ସ୍କୁଲରୁ ୪୫ ଜଣ ପିଲା ଟିସି ନେଇ ସାରିଥିବା ଜଣାପଡିଛି ।
ପଂଚାୟତ ନିର୍ବାଚନକୁ ନେଇ ନବୀନ ପଟ୍ଟନାୟକ ରାତାରାତି ନଡ଼ିଆ ଭାଙ୍ଗି ଦେଲେ । କିନ୍ତୁ ସ୍କୁଲ ସମ୍ପୂର୍ଣ୍ଣ ହୋଇଛି କି ନାହିଁ ତାହା ଦେଖିବା ଭୁଲିଗଲେ । କଂଗ୍ରେସ ସରକାର ଅମଳରେ ଏହି ଯୋଜନା ହୋଇଥିଲା । ପିଲାଙ୍କ ଭବିଷ୍ୟତ ସହ ଖେଳିବା ରାଜ୍ୟ ସରକାରଙ୍କୁ ମହଙ୍ଗା ପଡ଼ିବ ବୋଲି କହିଛନ୍ତି ବିରୋଧୀ ଦଳ ମୁଖ୍ୟ ସଚେତକ ।