କୋରାପୁଟ ଲମତାପୁଟରେ ପ୍ରଧାନ ଶିକ୍ଷକଙ୍କ ଶିକ୍ଷାଦାନର ନୂଆ ଷ୍ଟାଇଲ୍ । ନାଚନ୍ତି ଗାଅନ୍ତି , ଏକାଙ୍କିକା ମାଧ୍ୟମରେ ପିଲାଙ୍କୁ ପଢାନ୍ତି ପାଠ
କନକ ବ୍ୟୁରୋ : ଏମିତି ଜଣେ ଶିକ୍ଷକ ଏବେ ଚର୍ଚ୍ଚାରେ ଅଛନ୍ତି ଯିଏ କି ସ୍କୁଲରେ ପିଲାମାନଙ୍କୁ ନାଚି ଗାଇ ପାଠ ପଢାଉଛନ୍ତି । ତେବେ କେବଳ ଚର୍ଚ୍ଚାରେ ଯେ, ଅଛନ୍ତି ତାହା ନୁହେଁ ବରଂ ସୋସିଆଲ ମିଡିଆରେ ତାଙ୍କ ପାଠ ପଢାଇବାର ଶୈଳୀ ମଧ୍ୟ ବେଶ ଚର୍ଚ୍ଚାରେ ରହିଛି । ସାଧାରଣତଃ ଘରୋଇ ସ୍କୁଲର ପ୍ଲେ ଗ୍ରୁପରେ ନାଚଗୀତ ମାଧ୍ୟମରେ ଛୋଟ ଛୋଟ ପିଲାଙ୍କୁ ପାଠପଢା ଆପଣ ଦେଖିଥିବେ । ହେଲେ ସରକାରୀ ସ୍କୁଲରେ ଏପରି ଦୃଶ୍ୟ କେବେ ଦେଖିବାକୁ ମିଳେନାହିଁ । କିନ୍ତୁ ଏହି ଘଟଣାଟି କୋରାପୁଟ ଜିଲ୍ଲାର ଉପାନ୍ତ ଅଂଚଳ ଲମତାପୁଟ ପ୍ରାଥମିକ ବିଦ୍ୟାଳୟର ।
Kanak News is now on WhatsApp
Join and get latest news updates delivered to you via WhatsApp
ପିଲାମାନଙ୍କୁ ଏମିତି ନାଚି ଗାଇ ଏକାଙ୍କିକା ମାଧ୍ୟମରେ ପାଠ ପଢାଉଥିବା ଏହି ଶିକ୍ଷକ ହେଉଛନ୍ତି ସ୍କୁଲର ପ୍ରଧାନ ଶିକ୍ଷକ ପ୍ରଫୁଲ କୁମାର ପାଠୀ । କୌଣସି କ୍ଲାସରେ ଯଦି ଶିକ୍ଷକ ଅନୁପସ୍ଥିତ ଥାଆନ୍ତି , ତେବେ ପ୍ରଧାନଶିକ୍ଷକ ପହଁଚି ଯାଅନ୍ତି । ନାଚ ଗୀତ ଏକାଙ୍କିକା ମାଧ୍ୟମରେ ପିଲାଙ୍କୁ ମନୋରଂଜନ ଜରିଆରେ ପାଠ ପଢାଇଥାଆନ୍ତି । ତେବେ ବଡ କଥା ହେଉଛି ଏହି ରୋଚକ ଚିତ୍ର ସାମ୍ନାକୁ ଆସିବା ପରେ ସେ ବେଶ ଚର୍ଚ୍ଚାରେ ରହିଛନ୍ତି । ଏପରି ପାଠ ପଢାକୁ ମଧ୍ୟ ସେ ପିଲାମାନେ ବେଶ ପସନ୍ଦ କରୁଛନ୍ତି । ସାଧାରଣ ଶିକ୍ଷକଙ୍କ ଅପେକ୍ଷା ତାଂକ ପାଠପଢାର ଶୈଳୀକୁ ମଧ୍ୟ ବେଶ ପିଲା ପସନ୍ଦ କରୁଥିବା ନେଇ ସୂଚନା ରହିଛି ।