କୋରାପୁଟରେ ଭାଲୁ ଭୟ ! ସଚେତନତା ପାଇଁ ଗାଁ ଗାଁରେ ବୁଲି ପୋଷ୍ଟର ଲଗାଇଲା ବନ ବିଭାଗ
କନକ ବ୍ୟୁରୋ : ଭାଲୁକୁ ମାରନି ତୁରନ୍ତ ଦେଖିଲେ ବନ ବିଭାଗକୁ ଖବର ଦିଅ । ଏଭଳି ପୋଷ୍ଟର ଏବେ କେରାପୁଟର ବିଭନ୍ନ ଗାଁରେ ଲାଗିଛି । ଭାଲୁ ଉତ୍ପାତ ଦେଖାଦେଇଥିବା ବେଳେ ଲୋକଙ୍କୁ ସଚେତନ କରାଇବା ପାଇଁ ଏଭଳି ପୋଷ୍ଟର ଲଗାଯାଇଛି । ଗତକିଛି ଦିନ ମଧ୍ୟରେ ଭାଲୁ ଆକ୍ରମଣରେ କେତେ ଜଣଙ୍କ ଜୀବନ ମଧ୍ୟ ଗଲାଣି । ବନ ବିଭାଗ ଭାଲୁକୁ କାବୁ କରି ଜଙ୍ଗଲରେ ଛାଡୁଥିଲେ ମଧ୍ୟ ଖାଦ୍ୟ ଅଭବାରୁ ଏମାନେ ଜନବସତି ମୁହାଁ ହେଉଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଏପରିସ୍ଥଳେ ଲୋକଙ୍କୁ ସଚେତନ କରେଇବାକୁ ଏବେ ବନବିଭାଗ ପକ୍ଷରୁ କେବିଡି, ଜୟନ୍ତଗିରି, ଟାଙ୍କୁଆ କୋଟପାଡ, ନୂଆପୁଟ, ଛତର୍ଲା, କୋରାପୁଟରେ ପୋଷ୍ଟର ଲଗାଯାଇଛି । ଭାଲୁକୁ ଦେଖିଲେ ତୁରନ୍ତ ବନବିଭାଗକୁ ଖବର ଦେବାକୁ ପୋଷ୍ଟରରେ ଉଲ୍ଲେଖ କରାଯାଇଛି । ଭାଲୁ ଭୟରେ ରାତିରେ ଗାଁରେ ବାହାରିବା କଷ୍ଟକର ହୋଇପଡିଛି । ରାତି ହେଲେ ଗାଁ ଭିତରକୁ ପଶିଆସୁଛି ଭାଲୁ । ଜଙ୍ଗଲ ନିକଟବତୀ ଗାଁରେ ଭୋଜି ଭାତ ହେଲେ ତାର ବାସନାରେ ଭାଲୁ ଗାଁ ଭିତରକୁ ପଶିଆସୁଥିବା ଗ୍ରାମବାସୀ କହିଛନ୍ତି ।