ଧୂମଧାମରେ ଚାଲିଛି କୋଣାର୍କ ମହୋତ୍ସବ । ଓଡିିଶୀର ସୁଦୀର୍ଘ ଯାତ୍ରା ମଂଚସ୍ଥ କଲେ ପ୍ରଖ୍ୟାତ ନୃତ୍ୟ ଶିଳ୍ପୀ ଡୋନା ଗାଙ୍ଗୁଲି ଓ ଦୀକ୍ଷା ମଂଜରି ଅନୁଷ୍ଠାନର ଶିଳ୍ପୀଗଣ
କନକ ବ୍ୟୁରୋ: ଡିସେମ୍ବର ପହିଲାରୁ ଆରମ୍ଭ ହୋଇଯାଇଛି ନୃତ୍ୟର ସବୁଠୁ ସମ୍ଭ୍ରାନ୍ତ ମହୋତ୍ସବ କୋଣାର୍କ ଉତ୍ସବ । କୋଣାର୍କ ସୂର୍ଯ୍ୟମନ୍ଦିରର ପାଦଦେଶରେ ୫ ତାରିଖ ପର୍ଯ୍ୟନ୍ତ ଅନୁଷ୍ଠିତ ହେଉଥିବା ଏହି ନୃତ୍ୟ ଉତ୍ସବରେ ଭାରତ ଓ ଭାରତ ବାହାରୁ ୧୦ ଜଣ ପ୍ରତିଷ୍ଠିତ ଶିଳ୍ପୀ ଅଂଶଗ୍ରହଣ କରି ନୃତ୍ୟ ପ୍ରଦର୍ଶନ କରିବେ।
Kanak News is now on WhatsApp
Join and get latest news updates delivered to you via WhatsApp
ଗତକାଲିର ମହୋତ୍ସବରେ କୋଲକାତାର ପ୍ରଖ୍ୟାତ ନୃତ୍ୟ ଶିଳ୍ପୀ ଡୋନା ଗାଙ୍ଗୁଲି ଓ ଦୀକ୍ଷା ମଂଜରି ଅନୁଷ୍ଠାନର ଶିଳ୍ପିଗଣ ମଂଚସ୍ଥ କରିଥିଲେ ଓଡିିଶୀର ସୁଦୀର୍ଘ ଯାତ୍ରା । ଶାସ୍ତ୍ରୀୟ ଓଡିଶୀ ନୃତ୍ୟର କ୍ରମବିକାଶ ଏବଂ ଆଂଗିକ ବିବର୍ତ୍ତନକୁ ନିଖୁଣ ଉପସ୍ଥାପନ କରିଥିଲେ ଶିିଳ୍ପୀମାନେ । ମଙ୍ଗଳାଚରଣରେ ଶାନ୍ତାକାରମ, ଶୁଦ୍ଧ ନୃତ୍ୟ ପଲ୍ଲଭିରେ ଆରଭୀ ରାଗ ଓ ଅଭିନୟରେ ଅର୍ଦ୍ଧନାରିଶ୍ୱର ପରିବେଶିତ ହୋଇଥିଲା ।
ଉଲ୍ଲେଖଯୋଗ୍ୟ କି, ଚଳିତ ବର୍ଷ କୋଣାର୍କ ଉତ୍ସବରେ ମାଲେସିଆରୁ ୨ଟି ନୃତ୍ୟ ଦଳ ଯୋଗଦେଇଛନ୍ତି । ଟେମ୍ପୁଲ୍ ଅଫ୍ ଫାଇନ୍ ଆର୍ଟର ଭାରତନାଟ୍ୟମ ଏବଂ ରାମଲି ଇବ୍ରାହିମଙ୍କ ଦ୍ୱାରା ଓଡ଼ିଶୀ ନୃତ୍ୟ ପରିବେଷିତ ହେବ । କୋଲକାତାରା ଡୋନା ଗାଙ୍ଗୁଲି ଓ ସାଥୀଙ୍କ ଦ୍ୱାରା ଓଡ଼ିଶୀ, ନିରୁପମା ରାଜେନ୍ଦ୍ର ଓ ସାଥୀଙ୍କ ଦ୍ୱାରା କଥକ, ବନଶ୍ରୀ ରାଓ ଓ ସାଥୀଙ୍କ ଦ୍ୱାରା କୁଚିପୁଡ଼ି, ବିମ୍ବାମତୀ ଓ ସାଥୀଙ୍କ ଦ୍ୱାରା ମଣିପୁରୀ, ମୁମ୍ବାଇର କୈଶିକୀ ଓ ସାଥୀଙ୍କ ଦ୍ୱାରା ଓଡ଼ିଶୀ, କନକ ରେଲେ ଓ ସାଥୀଙ୍କ ଦ୍ୱାରା ମୋହିନୀଆଟ୍ଟମ, ଗୁରୁ କେଳୁଚରଣ ମହାପାତ୍ର ଓଡ଼ିଶୀ ଗବେଷଣା କେନ୍ଦ୍ର ଏବଂ ନୁପୂର ନୃତ୍ୟ ଏକାଡେମି ଦ୍ୱାରା ଓଡ଼ିଶୀ ନୃତ୍ୟ ପରିବେଷିତ କରିଥିଲେ । ନୃତ୍ୟ ଉପଭୋଗ କରିବା ପାଇଁ ୩ ପ୍ରକାରର ଟିକେଟ୍ ଦେୟ ରହିଛି । ପାର୍ଶ୍ୱ ଗ୍ୟାଲେରି ପାଇଁ ଦେୟ ୨୦ ଟଙ୍କା ରହିଛି । ମୁଖ୍ୟ ଗ୍ୟାଲେରି ପାଇଁ ପ୍ରତି ସନ୍ଧ୍ୟା ପାଇଁ ଦର ୧୦୦ ଟଙ୍କା ରହିଥିବା ବେଳେ ୫ ଦିନ ପାଇଁ ଏକକାଳୀନ ଜଣେ ଟିକେଟ୍ କିଣିଲେ ୪୦୦ ଟଙ୍କାରେ ଯୋଗାଇ ଦିଆଯାଉଛି ।