ହ୍ୱାଟସଆପ୍ ଯୋଗୁଁ କିଛି ସମସ୍ୟାର ସମ୍ମୁଖୀନ ହେଉଛନ୍ତି କି ? ତେବେ ଏହି ଭାରତୀୟ ଅଫିସରଙ୍କୁ କରିପାରିବେ ସଂପର୍କ । ଜାଣନ୍ତୁ ପ୍ରକ୍ରିୟା
ହ୍ୱାଟସଆପରେ ମିଛ ଖବର ପ୍ରଚାର ପ୍ରସାର ଉପରେ ରୋକ୍ ଲଗାଇବା ପାଇଁ ସରକାରଙ୍କ ଚାପ ସହୁୂଥିବା ମେସେଜିଙ୍ଗ୍ ଆପ୍ ହ୍ୱାଟସଆପ୍ ଭାରତ ପାଇଁ ଅଭିଯୋଗ ଅଧିକାରୀଙ୍କୁ ନିଯୁକ୍ତ କରିଛନ୍ତି । ଅଧିକାରୀଙ୍କ ଉପରେ ୟୁଜର୍ସଙ୍କ ମିଛ ଖବର ସମେତ ଅନ୍ୟ ଅଭିଯୋଗ ଓ ଚିନ୍ତା ଦୂର କରିବାର ଦାୟିତ୍ୱ ରହିବ ।
Kanak News is now on WhatsApp
Join and get latest news updates delivered to you via WhatsApp
ଉଲ୍ଲେଖଯୋଗ୍ୟ, ଦେଶର ଅନେକ ଅଂଚଳରୁ ଭିଡ ଦ୍ୱାରା ପିଟି ପିଟି ହତ୍ୟା କରିବା ଘଟଣା ଆସିବାପରେ ଭାରତ ହ୍ୱାଟସଆପ୍ କୁ ମିଛ ଖବର ପ୍ରଚାରକୁ ରୋକିବା ପାଇଁ ଜରୁରୀ ପଦକ୍ଷେପ ନେବାକୁ କହିଥିଲେ । ଫେସବୁକ୍ ମାଲିକାନାଭୁକ୍ତ ମେସେଜିଙ୍ଗ କମ୍ପାନୀ ନିଜ ୱେବସାଇଟ୍ ରେ ‘ଭାରତ ପାଇଁ ଅଭିଯୋଗ ଅଧିକାରୀ’ ନିଯୁକ୍ତ କରିବା ସୂଚନା ଦେଇଛନ୍ତି । ଏଥିରେ କୁହାଯାଇଛି କି ୟୁଜର୍ସ ମୋବାଇଲ ଆପ ମାଧ୍ୟମରେ କିମ୍ବା ଇ-ମେଲ ପଠାଇ କୋମଲ ଲାହିରୀଙ୍କ ସହାୟତା ନେଇପାରିବେ ।
ଭାରତ ପାଇଁ ନିଯୁକ୍ତ କରାଯାଇଥିବା ଅଧିକାରୀ ଆମେରିକାରେ ରହି କାମ ସମ୍ଭାଳିବେ । ଲାହିରୀଙ୍କ ଲିଙ୍କଡଇନ୍ ପ୍ରୋଫାଇଲ ଅନୁସାରେ, ସେ ହ୍ୱାଟସଆପ୍ ର ସାର୍ବଜନିକ ଗ୍ରାହକ ପରିଚାଳନା ଏବଂ ସ୍ଥାନୀୟକରଣ ବିଭାଗର ବରିଷ୍ଠ ନିର୍ଦ୍ଦେଶକ । କମ୍ପାନୀର ପ୍ରବକ୍ତା ଏହି ମାମଲା ଉପରେ ଟିପ୍ପଣୀ କରିବାକୁ ମନା କରିଛନ୍ତି । ସୂତ୍ର ଅନୁସାରେ, ଅଭିଯୋଗ ଅଧିକାରୀଙ୍କ ନିଯୁକ୍ତି ଅଗଷ୍ଟ ମାସ ଶେଷରେ କରାଯାଇଛି । ହ୍ୱାଟସଆପ ୱେବସାଇଟ୍ ମୁତାବକ, ୟୁଜର୍ସ ଆପର ‘ସେଟିଙ୍ଗସ୍’ ବିକଳ୍ପ ମାଧ୍ୟମରେ ସିଧା କମ୍ପାନୀର ସପୋର୍ଟ ଟିମକୁ ସଂପର୍କ କରିପାରିବେ । ଯଦି ସେ ଅଭିଯୋଗକୁ ଆଗକୁ ବଢ଼ାଇବାକୁ ଚାହୁଁଛନ୍ତି ଯଦି ସିଧାସଳଖ ଅଭିଯୋଗ ଅଧିକାରୀଙ୍କୁ ସଂପର୍କ କରିପାରିବେ ।