କନକ ବ୍ୟୁରୋ: ବିପଦ ସଂକୁଳ ଅବସ୍ଥାରେ କୋଲାବ ଡ଼୍ୟାମ । ସତର୍କ ରହିବାକୁ ତଳିଆ ଅଚଂଳକୁ ସୁଚନା ଦେଲେ କୋଲାବ ବିଭାଗ । ଲଗାଣ ବର୍ଷାରେ ଫୁଲୁଛି କୋଲାବ ଡ଼୍ୟାମ । ଭୟଭୀତରେ ଜୀବନ ଯାପନ କରୁଛନ୍ତି ତଳିଆ ଅଚଂଳବାସୀ । ଲଗାଣ ବର୍ଷା କୋରାପୁଟ ଜିଲ୍ଳାକୁ ବେହାଲ କରିଥିବା ବେଳେ ଏବେ ଜିଲ୍ଳାରେ ଥିବା କୋଲାବ ଡ଼୍ୟାମ ବିପଦ ସଂକେତ ନିକଟତର ହୋଇଛି । ଘଂଟା ପ୍ରତି ୨ ଇଞ୍ଚ ବଡ଼ୁଛି ପାଣି । ସତର୍କପାଇଁ ଡ଼୍ୟାମ ନିକଟରେ ଡେରା ପକାଇ ବସିଛନ୍ତି ବିଭାଗୀୟ ଅଧିକାରୀ । ଜଳ ସ୍ତରର ବୃଦ୍ଧିକୁ ଘଂଟାକୁ ଘଂଟା ମାପିବା ସହ ସ୍ଥିତିକୁ ଆକଳନ କରୁଛନ୍ତି ଡ୍ୟାମ କର୍ତ୍ତୁପକ୍ଷ । ଜଳସ୍ତର ବୃଦ୍ଧି ରିପୋର୍ଟ ଜିଲ୍ଳାପାଳକୁ ଦେବା ସହ ତଳିଆ ଅଚଂଳକୁ ସତର୍କ ରହିବାକୁ ସୁଚନା ଦେଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ବର୍ତମାନ କୋଲାବ ଜଳ ଭଣ୍ଡାରର ଜଳସ୍ତର ୮୫୫.୯୦ରେ ପହଚିଂଥିବା ବେଳେ ଏହାର ବିପଦ ସଂକେତ ୮୫୮ ମିଟର ରହିଛି । ଉପର ମୁୁଣ୍ଡରେ ବର୍ଷା ହୋଇଥିବା ଯୋଗୁଁ ଜଳସ୍ତର ବଢ଼ିବାରେ ଲାଗିଛି । ବର୍ତମାନ ବର୍ଷାର ପରିମାଣ କମିଛି କିନ୍ତୁ ଡ଼୍ୟାମରେ ପାଣିର ବୃଦ୍ଧିକୁ ନେଇ ଚିନ୍ତାରେ ବିଭାଗୀୟ ଅଧିକାରୀ । ସୁଚନା ଥାଉକି ଡ଼୍ୟାମର ଉପର ମୁଣ୍ଡର ସୁରକ୍ଷାକୁ ନେଇ ଗତ ୨୦୧୪ ମସିହାରେ ୮୫୫.୩୪ ମିଟରରେ ଜଳସ୍ତର ପହଁଚିବାରେ ଗେଟ୍ ଖୋଲା ଯାଇଥିଲା । ସେହି ଅନୁପାତରେ ଏ ବର୍ଷର ଲଗାଣ ବର୍ଷା ଜଳସ୍ତରକୁ ବୃଦ୍ଧି କରିଛି । ବର୍ତମାନ ଯାଏଁ ୮୫୫.୯୦ କୁ ପାର କରିସାରିଲାଣି । ଏହା ପୂର୍ବରୁ ପୁର୍ବରୁ ୧୯୯୦, ୨୦୦୩ ଓ ୨୦୦୬ ମସିହାରେ କୋଲାବ ଡ଼୍ୟାମର ଗେଟ ଖୋଲା ଯାଇଥିଲା ।
ସେପଟେ ତଳିଆ ଅଚଂଳରେ ଜବର ଦଖଲ ଦିନକୁ ଦିନ ବଢ଼ିବାରେ ଲାଗିଛି, ଏଥି ପ୍ରତି ପ୍ରଶାସନ ସତର୍କ କରାଉଛନ୍ତି । ଯଦି ଡ୍ୟାମ ଗେଟ୍ ଖୋଲେ ତେବେ କିଛିଟା ତଳିଆ ଅଞ୍ଚଳ ପ୍ରଭାବିତ ହେବ । କିନ୍ତୁ ବର୍ତମାନ କୌଣସି ଭୟଭୀତ ହେବାର ନାହିଁ ପୁଣି ବର୍ଷା ହେଲେ ବା ଯେଉଁ ଅନୁପାତରେ ପାଣି ବଢ଼ୁଛି ସେହି ଆକାରରେ ବିପଦ ସଂକେତ ଛୁଇଁଲେ ଆମେ ପାଣି ଛାଡ଼ିବୁ, ସେଥିପାଇଁ ସମସ୍ତେ ସତର୍କ ରହିଛନ୍ତି ବୋଲି କହିଛନ୍ତି ବିଭାଗୀୟ ଅଧିକାରୀ ।