କାହିଁକି ବିବାହ କରୁନାହାନ୍ତି ବଲିଉଡ଼୍ ଭାଇଜାନ ? ନିଜେ କହିଲେ କାରଣ . . . .
ବଲିଉଡ ଦବଙ୍ଗ ଖାନ ସିନେମାକୁ ନେଇ ସବୁବେଳେ ଚର୍ଚ୍ଚାରେ ରହିଥାନ୍ତି । ସବୁଠାରୁ ବଡ଼ କଥା ହେଲା ତାଙ୍କ ସିନେମାକୁ ଦର୍ଶକ ଅଧିକ ପସନ୍ଦ । ତେବେ ଭାଇଜାନ୍ ସିନେମାକୁ ନେଇ ଯେତିକି ଚର୍ଚ୍ଚାରେ ଥାଆନ୍ତି ତାଙ୍କ ବିବାହକୁ ନେଇ ମଧ୍ୟ ସବୁବେଳେ ଚର୍ଚ୍ଚାରେ ଥାଆନ୍ତି । ଯାହା ଏବେ ଏକ ସାଧାରଣ କଥା ହୋଇଯାଇଛି । କିନ୍ତୁ ପୁଣିଥରେ ସଲମାନଙ୍କ ବିବାହକୁ ନେଇ ଚର୍ଚ୍ଚା ଚାଲିଛି । ଏଥର ଚର୍ଚ୍ଚା ଆଉ କେହି କରି ନାହାଁନ୍ତି ବରଂ ନିଜେ ସଲମାନ ଏହି କଥା ଉଠାଇଛନ୍ତି । ତେବେ ବିବାହ ନକରିଥିବାର କାରଣ ସେ କହିଛନ୍ତି । ତାଙ୍କ କହିବା ଅନୁସାରେ ବିବାହ ବର୍ତ୍ତମାନ ଖୁବ ମହଙ୍ଗା ହୋଇଯାଇଛି । ତେଣୁ ସେ ବିବାହ କରିବାକୁ ଚାହୁଁ ନାହାଁନ୍ତି ।
Kanak News is now on WhatsApp
Join and get latest news updates delivered to you via WhatsApp
ସଲମାନ ଏକ କାର୍ଯ୍ୟକ୍ରମରେ କହିଛନ୍ତି ଯେ, ଚଳିତ ସମୟରେ ବିବାହ ଖୁବ ମହଙ୍ଗା ହୋଇଯାଇଛି । ଯାହାଦ୍ୱାରା ସେ ଏହାର ଖର୍ଚ୍ଚ କରିବା ପାଇଁ ସମର୍ଥ ନୁହଁନ୍ତି । ତେବେ ଏହି ବିଷୟରେ ସେ କହିଛନ୍ତି ଯେ ସୂରଜ ବଡ଼ଜାତ୍ୟା ଏଥିପାଇଁ ଦାୟୀ । କାରଣ ତାଙ୍କ ଫିଲ୍ମରେ ବିବାହ ସବୁ ଏତେ ଜାକଜମକଭରା ଥିଲା ଯେ ତାହାର ଖର୍ଚ୍ଚ ବଢିଗଲା । ସଲମାନ କହିଛନ୍ତି ଯେ, କେବେ କେବେ ତାଙ୍କ ପାଖକୁ ଆସି କେହି କହେ ମୋତେ ଅଢେଇ ଲକ୍ଷ୍ୟ ଟଙ୍କା ଦିଅନ୍ତୁ ଝିଅ ବିବାହ କରିବାର ଅଛି । କିନ୍ତୁ ମୋ ବାପା ୧୮୦ ଟଙ୍କାରେ ବିବାହ କରିଥିଲେ ଏବଂ ଆମେ ସମସ୍ତେ ସେହି ୧୮୦ ଟଙ୍କାର ଫଳ । ଏ ସମସ୍ତ ଭୁଲ ହେଉଛି ସୂରଜ ବଡ଼ଜାତ୍ୟାଙ୍କର । ସେ ସମସ୍ତ ଫିଲ୍ମରେ ବିବାହକୁ ଖୁବ ଧୁମଧାମରେ କରିଥିଲେ,ଯାହା ପରଠାରୁ ଏହି ଟ୍ରେଣ୍ଡ ଚାଲି ଆସୁଛି । ଏ ସବୁ ମୋ ପାଇଁ ସମ୍ଭବ ନୁହେଁ,ତେଣୁ ମୁଁ ବିବାହ କରୁନାହିଁ ।