ଏକ ଛୋଟ ଭୁଲ ପାଇଁ ହ୍ୟାକ୍ ହୋଇପାରେ ଆପଣଙ୍କ ମୋବାଇଲ୍ ! କରନ୍ତୁ ଏହି କାମ, ସୁରକ୍ଷିତ ରହିବ ଆପଣଙ୍କ ସ୍ମାର୍ଟଫୋନ ।
ଦିନକୁ ଦିନ ସ୍ମାର୍ଟଫୋନ ବ୍ୟବହାରୀଙ୍କ ସଂଖ୍ୟା ବଢି ବଢି ଚାଲିଛି । ଏହା ସହ ଇଣ୍ଟରନେଟର ବହୁଳ ବ୍ୟବହାର ଫଳରେ ଫୋନ ହ୍ୟାକ ହେବା ଭଳି ଘଟଣା ମଧ୍ୟ ବଢି ବଢି ଚାଲିଛି । ଲୋକମାନେ କେବଳ କଥା ହେବା ପାଇଁ କିମ୍ବା ସୋସିଆଲ ମିଡିଆରେ ଚାଟିଂ କରିବା ପାଇଁ ମୋବାଇଲ ଫୋନର ବ୍ୟବହାର କରିନଥାନ୍ତି । ଏବେ ସମୟରେ ମୋବାଇଲ ଫୋନ ଲୋକମାନଙ୍କର ଆବଶ୍ୟକତା ପାଲଟିଯାଇଛି । ଲୋକମାନେ ବ୍ୟାଙ୍କିଙ୍ଗ, ଅନଲାଇନ ପେମେଣ୍ଟ ଏପରିକି କିଣାବିକା ମଧ୍ୟ ସ୍ମାର୍ଟଫୋନ ସାହାଯ୍ୟରେ କରୁଛନ୍ତି । ଏଭଳି ପରିସ୍ଥିତିରେ ମୋବାଇଲ ଫୋନ ହ୍ୟାକ ହେବା କିମ୍ବା ଡାଟା ଲିକ୍ ହେବା ଲୋକମାନଙ୍କ ପାଇଁ ଚିନ୍ତାର କାରଣ ପାଲଟିଛି । ତେବେ ଆସନ୍ତୁ ଜାଣିବା ଫୋନକୁ ହ୍ୟାକ ହେବାରୁ ରକ୍ଷା କରିବାର କିଛି ଗୁରୁତ୍ୱପୂର୍ଣ୍ଣ ଉପାୟ ।
Kanak News is now on WhatsApp
Join and get latest news updates delivered to you via WhatsApp
ଯେତେବେଳେ ଆପଣ ଆପଣଙ୍କ ସ୍ମାର୍ଟଫୋନରେ କୌଣସି ଆପ ଇନଷ୍ଟଲ କରୁଛନ୍ତି ତେବେ ପ୍ରଥମେ ଯାଞ୍ଚ କରିନିଅନ୍ତୁ ସେହି ଆପଟି ଗୁଗୁଲ ପ୍ଲେ ଷ୍ଟୋରରେ ଭେରିଫାଏଡ ହୋଇଛି କି ନାହିଁ । ଏହା ସହ କୌଣସି ଆପକୁ ଆପଣ ବେଆଇନ ଅନୁମତି ଦିଅନ୍ତୁ ନାହିଁ । କାରଣ ଏହା ଫଳରେ ଆପମଙ୍କ ଲୋକେସନ, କଣ୍ଟାକ୍ଟ, ଏବଂ ଆପଣଙ୍କର ସମସ୍ତ ତଥ୍ୟ ହ୍ୟାକ ହେବାର ସମ୍ଭାବନା ରହିଥାଏ । ପ୍ରଥମତଃ ଆପଣ ଆପଣଙ୍କ ସ୍ମାର୍ଟଫୋନରେ କୌଣସି ଥାର୍ଡ ପାର୍ଟି ଆପ ଇନଷ୍ଟଲ କରନ୍ତୁ ନାହିଁ । ଥାର୍ଡ ପାର୍ଟି ଆପ୍ ଜରିଆରେ ହ୍ୟାକର୍ସ ମାନେ ଅତି ସହଜରେ ଆପଣଙ୍କ ସ୍ମାର୍ଟଫୋନର ଡାଟା ଚୋରି କରିପାରିବେ । ତେବେ ସ୍ମାର୍ଟଫୋନକୁ ସୁରକ୍ଷିତ ରଖିବା ପାଇଁ କିଛି ଉପାୟ ବିଷୟରେ ଜାଣିନିଅନ୍ତୁ ।
ପ୍ରଥମେ ଆପଣ ଆପଣଙ୍କ ସ୍ମାର୍ଟଫୋନର ସେଟିଙ୍ଗସ ଆଇକନ୍ ଉପରେ ଟଚ୍ କରନ୍ତୁ । ସ୍କ୍ରୋଲ କରିବା ପରେ ଆପଣଙ୍କୁ ମୋର୍ ସେଟିଙ୍ଗସ ଆଇକନ୍ ଦେଖାଯିବ । ସେ ଥିରେ କ୍ଲିକ୍ କରନ୍ତୁ । ଏଠାରେ ଆପଣଙ୍କୁ ସିକ୍ୟୋରିଟି ଅପସନ ନଜର ଆସିବ । ଏବେ ଆପଣ ଏଥିରେ କ୍ଲିକ୍ କରନ୍ତୁ । ଏହାକୁ ଓପନ କରିବା ପରେ ଆପଣଙ୍କୁ ସବୁଠୁ ଉପରେ ଗୁଗୁଲ ପ୍ଲେ ପ୍ରୋଟେକ୍ଟ ଅପସନ ଦେଖାଯିବ । ଏଥିରେ କ୍ଲିକ୍ କରନ୍ତୁ । ଏଠାରେ ଆପଣଙ୍କୁ ସ୍କାନ ଡିଭାଇସ ଫର୍ ସିକ୍ୟୋରିଟି ଅପସନ୍ ଦେଖାଯିବ । ଏହାକୁ ଏନାବୁଲ୍ କରିବା ପରେ ଆପଣଙ୍କ ଡିଭାଇସର ସିକ୍ୟୋରିଟି ବଢିଯାଇଥାଏ ଏବଂ ଭାଇରସ୍ ଆଟାକର ବିପଦ କମିଯାଇଥାଏ ।