ନକ୍ସଲ ଯାହାର ନାଁ ଶୁଣି ଭୟରେ କମ୍ପି ଉଠନ୍ତି ଏବଂ ଆତଙ୍କରାଜ ବନ୍ଦ କରିବାକୁ ବାଧ୍ୟ ହୁଅନ୍ତି । ସେ ଆଉ କେହି ନୁହେଁ , ସେ ହେଉଛନ୍ତି ଆମ ଭାରତୀୟ ସେନାରେ ଗୁପ୍ତ ଭାବରେ ରହିଥିବା କୋୟା କମାଣ୍ଡୋ । ତେବେ ଆସନ୍ତୁ ଭଲଭାବେ ଜାଣିବା କିଏ ଏହି କୋୟା କମାଣ୍ଡୋ? କଣ ଏହାର କାମ ?
Kanak News is now on WhatsApp
Join and get latest news updates delivered to you via WhatsApp
ଛତିଶଗଡର ରାଜଧାନୀ ରାୟପୁରରୁ ପ୍ରାୟ ଚାରି ଶହ କିଲୋମିଟର ଦୁର ସୁକମା ଏବଂ ସେଠାରୁ ପ୍ରାୟ ୫୦ କିଲୋମିଟର ଦୂର ଏର୍ରାବୋର ଗାଁ ରହିଛି । ଯେଉଁଠାରେ ନକ୍ସଲଙ୍କ ପ୍ରାଦୁର୍ଭାବ ଖୁବ ଅଧିକ ଦେଖିବାକୁ ମିଳିଥାଏ । ନକ୍ସଲଙ୍କ ପ୍ରାଦୁର୍ଭାବକୁ ନିପାତ କରିବା ପାଇଁ ଏହି ଗାଁ ୨୦୦୬ ଏକ ସଂଗଠନ ଗଠନ କରିଥିଲେ ଯାହାର ନାଁ ଥିଲା ସଲବା ଜୁଡୁମ । ସଲବା ଜୁଡୁମର ମାନେ ହେଉଛି ନକ୍ସଲଙ୍କ ବିରୋଧରେ ଗ୍ରାମୀଣଙ୍କ ଆନ୍ଦୋଳନ । ଏହି ଆନ୍ଦୋଳନରେ ଗ୍ରାମୀଣମାନେ ମିଶି ନକ୍ସଲଙ୍କ କାର୍ଯ୍ୟକଳାପକୁ ଜୋରଦାର ବିରୋଧ କରିଥିଲେ । ଏହାପରେ ଏର୍ରାବୋର ଗାଁର ଅନେକ ଯୁବକ ସ୍ୱତନ୍ତ୍ର ପୁଲିସ ଅଧିକାରୀ ହେବାରେ ସଫଳ ହୋଇଥିଲେ । ପୋଲିସ ଅଧିକାରୀ ହୋଇଥିବା ଯୁବକ ମାନଙ୍କ ମଧ୍ୟରୁ ଅଧିକ ଚାଲାକ ଏବଂ ଅଧିକ ପରିଶ୍ରମୀ ପିଲାଙ୍କୁ ଚୟନ କରାଯାଇ ଅନ୍ୟ ଏକ ଟିମ ଗଠନ କରାଯାଇଥିଲା । ଏହି ଟିମରେ ଅଧିକାଂଶ କୋୟା ଜାତିର ଯୁବକ ଥିବାରୁ ଏହି ବ୍ରିଗେଡର ନାଁ ରଖାଗଲା କୋୟା କମାଣ୍ଡୋ ।
କୋୟା କମାଣ୍ଡୋର ସଫଳତା
ବସ୍ତରରେ ନକ୍ସଲ ମାନଙ୍କୁ ସୀମା ବାହାରକୁ ତଡିବାରେ କୋୟା କମାଣ୍ଡୋ ମୁଖ୍ୟ ଭୂମିକା ଗ୍ରହଣ କରିଛି । ଡିଆରଜି( ଜିଲ୍ଲା ରିଜର୍ଭ ଗାର୍ଡ ) ଭାବରେ ବସ୍ତରରେ ମୁତୟନ କରାଯାଇଥିବା ଏହି ଟିମର ଏକ ହଜାର ଯବାନ ଗରିଲା ଯୁଦ୍ଧର ବିଶେଷ ପ୍ରଶିକ୍ଷଣ ନେଇଥିଲେ । ଆଉ ଏହାପରେ ଏହି ଟିମ ନକ୍ସଲ ଅଞ୍ଚଳରେ ନିଜର ଅସ୍ତିତ୍ୱ ବିସ୍ତାର କରିବାରେ ସଫଳ ହୋଇଛି । ପରେ ୨୦୧୧ରେ ସମର୍ପଣ କରିଥିବା କେତେକ ନକ୍ସଲ ଯୁବକଙ୍କୁ ରାଜ୍ୟସରକାର ଏସପିଓ ଭାବରେ ନିଯୁକ୍ତି ଦେଇଥିଲେ । ଏହି ଯୁବକ ମାନଙ୍କ ପରିବାର ନକ୍ସଲଙ୍କ କବଜାରେ ଥିବାରୁ ଏମାନେ ପୂର୍ବରୁ ନକ୍ସଲ ମାନଙ୍କ ଶିକାର ହୋଇଥିଲେ ଏବଂ ନକ୍ସଲ ମାନଙ୍କ ପାଇଁ କାମ କରୁଥିଲେ । କିନ୍ତୁ ପରେ ସରକାରଙ୍କ ପାଖରେ ନିଜକୁ ସମର୍ପିତ କରି ଏବେ ନକ୍ସଲମାନଙ୍କ ବିରୋଧରେ କାର୍ଯ୍ୟ କରୁଛନ୍ତି ।
କାହିଁକି ଭୟରେ କମ୍ପିଉଠନ୍ତି ନକ୍ସଲ
କୋୟା କମାଣ୍ଡୋ ପୋଲିସଙ୍କ ଠାରୁ ପ୍ରଶିକ୍ଷଣ ପ୍ରାପ୍ତ କରି ସଫଳତାର ପାହାଚ ଚଢିବାରେ ଲାଗିଛନ୍ତି । ଏହି ଯବାନ ସ୍ଥାନୀୟ ଭାଷା ଜାଣିବା ସହ ଜଙ୍ଗଲର ସମସ୍ତ ଇତିହାସ ଏବଂ ଭୂଗୋଳ ସହ ମଧ୍ୟ ଅଙ୍ଗା ଅଙ୍ଗି ଭାବରେ ଜଡିତ । ତେଣୁ ନକ୍ସଲି ମାନେ ଏହି କମାଣ୍ଡୋକୁ ସବୁଠାରୁ ଅଧିକ ଭୟ କରିଥାନ୍ତି । ନକ୍ସଲ ଜିଲ୍ଲାର ଅଧିକାଂଶ ଅପରେସନର ନେତୃତ୍ୱ ଏହି କୋୟା କମାଣ୍ଡୋ ନେଇଥାନ୍ତି ।