ପିଲାବେଳେ ରାମାୟଣ ସିରିଜ୍ ତ ନିଶ୍ଚିତ ଦେଖିଥିବେ । ଏହି ସିରିଜର ଗୋଟିଏ ଗୋଟିଏ କଳାକାର ଯେଭଳି ରାମ,ସୀତା,ଲକ୍ଷ୍ମଣ,ହନୁମାନ ଏବଂ ରାବଣ ସବୁ ଚରିତ୍ର ଆମ ଆଖିରେ ଯେଭଳି ସାଇତା ହୋଇ ରହିଛନ୍ତି । ରହିବେନି ବା କିପରି ପିଲାବେଳୁ ଏହି ଚରିତ୍ରଙ୍କୁ ଦେଖି ହିଁ ଆମେ ବଡ ହୋଇଛେ । ତେବେ ପୁରୁଣା କଳାକାରଙ୍କ ଚର୍ଚ୍ଚା ଆମେ ବେଳେବେଳେ କରିଥାଉ ଏବଂ ଆଜି ମଧ୍ୟ ସେହି ପୁରୁଣା ରାମାନନ୍ଦ୍ ସାଗର ପ୍ରଯୋଜିତ ରାମାୟଣର ଜଣେ କଳାକାରଙ୍କ ବର୍ତ୍ତମାନ ସହ ପରିଚୟ କରାଇବାକୁ ଯାଉଛୁ ।
Kanak News is now on WhatsApp
Join and get latest news updates delivered to you via WhatsApp
ତେବେ ରାମାୟଣରେ ଏଭଳି ଜଣେ ଅଭିଜ୍ଞ ଚରିତ୍ର ଥିଲେ ରାବଣ ଏବଂ ଏହି ଚରିତ୍ରରେ ନଜର ଆସିଥିଲେ ଅଭିନେତା ଅରବିନ୍ଦ ତ୍ରିବେଦୀ । ପାହାଡ ଭଳି ଶରୀର ଏବଂ ଗମ୍ଭୀର ସ୍ୱରର ମାଲିକ ଅରବିନ୍ଦଙ୍କ ଉପରେ ରାବଣର ଏଭଳି ଛାପ ପଡିଲା ଯେ ଲୋକ ତାଙ୍କୁ ଏବେ ବି ରାବଣ ନାଁ ରେ ଚିହ୍ନୁଛନ୍ତି । ଲଙ୍କା ନରେଶ୍ ଭୂମିକାରେ ଅଭିନୟ କରି କରି ସେ ଫିଲ୍ମରୁ ମଧ୍ୟ ଖଳନାୟକ ରୋଲ୍ ପାଇବାକୁ ଲାଗିଲେ । ମଧ୍ୟପ୍ରଦେଶର ଇନ୍ଦୋରରେ ରହୁଥିବା ଅରବିନ୍ଦ ପିଲାବେଳେ ରାମଲୀଳା ଦେଖିବାକୁ ଖୁବ୍ ଭଲ ପାଉଥିଲେ ଏବଂ ମନରେ ଏଭଳି ପୌରାଣିକ ଚିତ୍ରରେ ଅଭିନୟ କରିବାକୁ ସେ ସ୍ୱପ୍ନ ଦେଖିବାକୁ ଲାଗିଥିଲେ । ପରିବାର ମଧ୍ୟପ୍ରଦେଶରେ ରହୁଥିବା ବେଳେ ଅରବିନ୍ଦ ରହୁଥିଲେ ଗୁଜୁରାଟରେ । ତାଙ୍କ ବଡଭାଇ ଜଣେ ଥିଏଟର୍ ଆର୍ଟିଷ୍ଟ ଥିଲେ ଏବଂ ଅରବିନ୍ଦ ମଧ୍ୟ ବେଳେବେଳେ ଥିଏଟରରେ ଅଭିନୟ କରିବାର ମଉକା ପାଉଥିଲେ । ରଙ୍ଗମଞ୍ଚରେ ସେ ବହୁ ସମୟ ଧରି ଅଭିନୟ କରିବାର ସୁଯୋଗ ପାଇଥିଲେ । ବହୁତ କମ୍ ଲୋକ ଜାଣିଥିବେ ଯେ ଅରବିନ୍ଦ କେବଳ ରାମାୟଣରେ ନୁହଁ ବରଂ ହିନ୍ଦୀ ଏବଂ ଗୁଜୁରାଟୀର ପ୍ରାୟ ୩୦୦ ସିନେମାରେ ଅଭିନୟ କରିସାରିଲେଣି ।
ତେବେ ପ୍ରଯୋଜକ ରାମାନନ୍ଦ ସାଗର ରାମାୟଣ ପାଇଁ ପ୍ରାୟ ୩୦୦ କଳାକାରଙ୍କ ଅଡିସନ୍ ନେଇଥିଲେ କିନ୍ତୁ ଅରବିନ୍ଦ ଯେମିତି ରାବଣର ଗେଟଅପ୍ ନେଲେ ରାମାନନ୍ଦ ସଙ୍ଗେ ସଙ୍ଗେ ସେଠାରେ ତାଙ୍କୁ ରାବଣର ରୋଲ୍ ଦେବା ପାଇଁ ସାଇନ୍ କରିନେଲେ । ଏହା ପରେ ସେ କେବଳ ଷ୍ଟାର ନୁହଁ ସୁପରଷ୍ଟାର ହୋଇଗଲେ । ଘରେ ଘରେ ଲୋକ ତାଙ୍କୁ ଚିହ୍ନିବାରେ ଲାଗିଲେ । ତେବେ ରାମାୟଣ ପରେ ସେ ବିଶ୍ୱାମିତ୍ର ନାମକ ଏକ ସିରିଏଲରେ ଜଏନ୍ କରିଥିଲେ । ଏହାପରେ ସେ ରାଜନୀତିକୁ ଚାଲି ଆସିଥିଲେ । ଲୋକସଭା ନିର୍ବାଚନ ଲଢି ଜିତିଲେ ମଧ୍ୟ ।
ଅତୀତର ସେହି ରାବଣ ବର୍ତ୍ତମାନ ଶାରୀରିକ କ୍ଷେତ୍ରରେ ରୁଗଣ ହୋଇ ପଡିଛନ୍ତି । କିନ୍ତୁ ମନରେ ରହିଛି ଭଗବାନ ରାମଙ୍କ ପାଇଁ ଭକ୍ତି ଓ ଭାବନା । ସେ ତୀର୍ଥଯାତ୍ରୀଙ୍କ ସେବା ସକାଶେ ନିଜକୁ ନିୟୋଜିତ କରିବା ସହ ଭକ୍ତିମାର୍ଗରେ ମଧ୍ୟ ସକ୍ରିୟ ହୋଇପଡିଛନ୍ତି ।